Dw 8:44 - BAEBOLO ANZƐƐ BULUKU NWUANZANWUANZA

⁴⁴ Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Dw 8:44 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

1 Edk 21:1

Akee Seetan dwazole kɛ ɔfa ngyegyelɛ yeara Yizilayɛ, na ɔlile Devidi adwenle kɛ ɔdia Yizilayɛma amuala.

Dwobu Buluku ne 1:11

Saa ɛkulo a die debie biala mɔɔ ɔlɛ la fi ɔ sa nu na ɛkɛde mgbole mɔɔ ɔkɛheha ɔkɛtietia wɔ la.”

Edwɛkpa ne kɛmɔ Mateyu hɛlɛle la 12:34

Bɛmɛ ɛkyelebenle mralɛ! Bɛnle kpalɛ la ati bɛngola bɛnga edwɛkɛ kpalɛ. Ɔluakɛ mɔɔ ɛyi ɛbulu zo wɔ bɛ ahonle ne mɔ anu la a finde bɛ nloa a.

Edwɛkpa ne kɛmɔ Mateyu hɛlɛle la 13:15

Ɔluakɛ menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Saa tɛ ye zɔhane a, anrɛɛ bɛ nye kɛnwu debie, bɛ nzo kɛde edwɛkɛ, bɛ adwenle kɛde edwɛkɛ bo, na bɛkɛzia bɛkɛra bɛkɛmaa menwɔyɛ bɛ ayile.’

Edwɛkpa ne kɛmɔ Mateyu hɛlɛle la 13:38

ɛya ne a le ewiade; ma kpalɛ ne a le Belemgbunlililɛ ne amra; ndile ne a le Amumuyɛnli ne amra.

Dw 6:70

Gyisɛse buale kɛ, “Bɛmɛ bulu nee nwiɔ ye, se memkpale nu menyele bɛ o? Noko bɛ nuhua ko le musuɔfoɔ!”

Dw 7:17

Mɔɔ kɛboɔboa ɔ nwo kɛ ɔyɛ mɔɔ Nyamenle kpondɛ la banwu kɛ mɔɔ melɛkilehile la vi Nyamenle ɛkɛ anzɛɛ medame me ti anwo ngilehilelɛ ɔ.

Dw 8:38

Meka mɔɔ Egya ɛhilehile me la, yɛɛ bɛdabɛ bɛyɛ mɔɔ bɛ ze ɛha ɛhile bɛ la.”

Dw 8:41

Bɛlɛyɛ mɔɔ bɛ ze kpalɛ ne yɛle la bie!” Bɛbuale ye kɛ, “Yɛnle arelazinli mralɛ; yɛ ze ala a le Nyamenle. Yɛle ɔ mra kpalɛ kpalɛ.”

Dw 8:55

Bɛtɛnwunle ye ɛlɛ, na mame meze ye. Saa meka kɛ menze ye a, ɛnee mebɔ adalɛ kɛ bɛdabɛ la. Meze ye, yɛɛ medi ye edwɛkɛ zo.

Ɛzoanvolɛma Gyima ne 13:10

na ɔzele ye kɛ, “Wɔmɔ Abɔnsam ara, ɛle debie kpalɛ biala kpɔvolɛ. Amumuyɛ ɛyi wɔ tɛkɛɛ, yɛɛ dahuu ɛbɔ adalɛ wɔ Awulae adenle kpalɛ ne anwo.

Ɛzoanvolɛma Gyima ne 24:9

Dwuuma ne mɔ amuala nee ye yɛle adwenle na bɛhanle kɛ mɔɔ yeha la amuala le nɔhalɛ.

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

1 Dw 1:8

Saa yɛka kɛ yɛnyɛ ɛtane a, ɛnee yɛbɛlɛbɛla yɛ nwo, yɛɛ yɛnga nɔhalɛ.

1 Dw 2:21

Tɛ kɛ asɛɛ bɛnze nɔhalɛ ne la ati a melɛkɛlɛ bɛ a. Melɛkɛlɛ bɛ, ɔboalekɛ bɛze nɔhalɛ ne la ati ɔ, yɛɛ bɛze noko kɛ adalɛ biala vi nɔhalɛ ne anu ɛnvinde.

1 Dw 2:4

Saa awie ka kɛ, “Meze Nyamenle” na ɔnli Nyamenle mɛla ne mɔ azo a, ɛnee ɔle adalɛ, yɛɛ nɔhalɛ biala ɛnle ye nu.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

1 Dw 3:15

Awie biala mɔɔ kpɔ ɔ diema la le kɔdiawu, yɛɛ bɛdabɛ noko bɛze kɛ kɔdiawu biala ɛnlɛ ngoane mɔɔ ɛnlɛ awieleɛ la wɔ ye nu.

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

Yekile 9:11

Bɛlɛ belemgbunli mɔɔ nea bɛ nwo zo a. Yemɔ a le azɛlɛ kuma ne mɔɔ ɛnlɛ ɔ bo la soanvolɛ ne. Ye duma wɔ Hibulu nu a le “Abadɔn.” Giliki nu noko a, bɛfɛlɛ ye “Apɔleɔn”