Dw 8:43 - BAEBOLO ANZƐƐ BULUKU NWUANZANWUANZA

⁴³ Duzu ati a bɛnde mɔɔ melɛka la abo ɛ? Ɔboalekɛ bɛngulo kɛ bɛtie me nrɛlaleɛ ne la ati ɔ.

Dw 8:43 ပူးပေါင်းရင်းမြစ်များ

Mrɛlɛbulɛ Buluku ne 28:5

Menli mɔɔ di ɛtane la ɛnde pɛlepɛlelilɛ bo, na bɛdabɛ mɔɔ bɛsonle Ɛdɛnkɛma la te ɔ bo kpalɛ.

Ayezaya Buluku ne 44:18

Menli zɛhae mɔ ɛnnwu mɔɔ bɛyɛ la, yɛɛ bɛnde ɔ bo, ɔluakɛ bɛ nye ɛzi, yemɔti bɛnnwu ɛhwee, yɛɛ bɛdo bɛ adwenle nu, yemɔti bɛnde debie biala abo.

Ayezaya Buluku ne 6:9

Na ɔzele me kɛ, “Kɔ, na kɔze menli ɛhye mɔ kɛ, ‘Bɛbadie, bɛadie, na bɛnrɛde ɔ bo; bɛbanlea, bɛanlea, na bɛnrɛnwu ɛhwee!

Gyɛlɛmaya Buluku ne 6:10

Membuale kɛ, “Saa meka edwɛkɛ ɛhye mefa mebɔ kɔkɔ a, nwane bɔbɔ a kɛdie me a? Bɛduodua bɛ nzo; ɛka edwɛkɛ a bɛndie. Ɛdɛnkɛma, ɛ nloa edwɛkɛ bɔbɔ yɛ bɛ ɛzelekɛ. Bɛ nye ɛnlie ɛ nloa edwɛkɛ ne anwo fee.

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Maeka Buluku ne 4:12

Noko bɛnze Ɛdɛnkɛma adwenle, bɛnde ye ngyehyɛlɛ ne mɔ abo. Bɛnze kɛ Ɛdɛnkɛma ɛboɔboa bɛ nloa kɛ ma mɔɔ bɛkyekye bɛ avile avile mɔɔ bɛfa bɛahɔ ma ɛwozolɛ ɛleka la.

Edwɛkpa ne kɛmɔ Mateyu hɛlɛle la 13:15

Ɔluakɛ menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Saa tɛ ye zɔhane a, anrɛɛ bɛ nye kɛnwu debie, bɛ nzo kɛde edwɛkɛ, bɛ adwenle kɛde edwɛkɛ bo, na bɛkɛzia bɛkɛra bɛkɛmaa menwɔyɛ bɛ ayile.’

Dw 5:25

Meka nɔhalɛ ne meahile bɛ: mekɛ ɛlɛba, yɛɛ yera bɔbɔ, mɔɔ mɔwuamra bade Nyamenle Ara ne ane, na bɛdabɛ mɔɔ bɛkɛde la bɛbadwazo bɛ bɛara ngoane nu.

Dw 5:43

Egya tumi nu yɛɛ melua mɔɔ membale a, na bɛmɛ, bɛanlie me; na saa awie gyɛne ɔdaye ɔfa ye tumi ɔba a, bɛbalie ye.

Dw 6:60

Menli ne mɔɔ doa ye la anu dɔɔnwo dele ɛhye mɔɔ ɔhanle la na bɛhanle kɛ, “Ngilehilelɛ ɛhye yɛ se. Nwane a kɛhola ɛhye azo di a?”

Dw 7:17

Mɔɔ kɛboɔboa ɔ nwo kɛ ɔyɛ mɔɔ Nyamenle kpondɛ la banwu kɛ mɔɔ melɛkilehile la vi Nyamenle ɛkɛ anzɛɛ medame me ti anwo ngilehilelɛ ɔ.

Dw 8:27

Bɛande ɔ bo kɛ Selɛ ne anwo edwɛkɛ a Gyisɛse ɛlɛka ahile bɛ a.

Dw 8:33

Bɛbuale ye kɛ, “Yɛle Ebileham abo zo amra, yɛɛ yɛtɛyɛle awie biala ngɛkɛlɛ ɛlɛ. Na kɛ ɔyɛ mɔɔ ɛse yɛkɛnyia yɛ ti ɛ? Duzu edwɛkɛ a ɛkpondɛ wɔaha a?”

Dw 8:39

Bɛbuale ye kɛ, “Yɛ ze a le Ebileham.” Gyisɛse zele bɛ kɛ, “Saa amgba ala bɛ ze a le Ebileham a, anrɛɛ bɛyɛ mɔɔ bɛ ze yɛle la bie.

Ɛzoanvolɛma Gyima ne 7:51

Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

Wulo 3:11

Biala ɛnlɛ ndelebɛbo, biala ɛmkpondɛ Nyamenle abo zo.