Dw 8:34 - BAEBOLO ANZƐƐ BULUKU NWUANZANWUANZA

³⁴ Gyisɛse zele bɛ kɛ, “Meka nɔhalɛ ne meahile bɛ: Awie biala mɔɔ kɛyɛ ɛtane la le ɛtane akɛlɛ.

Dw 8:34 ပူးပေါင်းရင်းမြစ်များ

1 Arl 21:25

(Awie anyɛ nyɛleɛ ɛtane kpole antia Ɛdɛnkɛma, kɛmɔ Ehabe yɛle la. Ɔ ye Gyɛzɛbɛle a zile ye adua manle ɔbɔle ɛbɛla zɔhane a.

Mrɛlɛbulɛ Buluku ne 5:22

Amumuyɛnli biala ninyɛndane kakyi ɛhane kye ye, yɛɛ ɔkye ye wɔ ye nyɛleɛ ɛtane ne mɔ ɛyɛlɛ nu.

Edwɛkpa ne kɛmɔ Mateyu hɛlɛle la 5:18

Nɔhalɛ, meka meahile bɛ kɛ anwuma nee aze baze ahɔ na mɛla ne anu kpɔkɛ nretee ko bɔbɔ ɛnrɛkpɔkye ɛnrɛdɔ kyesɛ mɔɔ wɔ nu la amuala ɛli munli.

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Ɛzoanvolɛma Gyima ne 8:23

Ɔluakɛ menwu kɛ ɛle anyebolo kpole kpalɛ na ɛtane ɛbɔ wɔ kpanwu.”

Wulo 6:12

Zɔhane ati ɔnle kɛ ɛtane nyia bɛ nwo zo tumi bieko na ɔmaa bɛdi ye atiakunluwɔzo nzi.

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 7:14

Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a.

Wulo 7:25

Melua yɛ Awulae Gyisɛse Kelaese anwo zo meyɛ Nyamenle mo. Ɛhye yɛɛ megyi nwo a; mefa me adwenle muala medi Nyamenle mɛla ne azo mesonle ye, na me sonlabaka ye anu a, ɛnee meli ɛtane mɛla nzi.

Wulo 8:21

kenle ko dedee bɛbaye abɔdeɛ muala bɛavi ɛkpɔlɔlɛ akɛlɛzonlenlɛ nu na yeanyia anyunlunyia fanwodi ne mɔɔ Nyamenle amra lɛ ye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

2 Pit 2:19

Bɛfa fanwodi bɛbɔ ɛwɔkɛ, wɔ mekɛ mɔɔ bɛdabɛ mumua ne bɛle subane ɛtane nwo ahanra la. Sonla biala mɔɔ kɛmaa debie kɛvo ɔ nwo zo la le kanranli maa deɛ zɔhane.