Dw 8:32 - BAEBOLO ANZƐƐ BULUKU NWUANZANWUANZA

³² bɛbanwu nɔhalɛ ne, na nɔhalɛ ne bamaa bɛanyia bɛ ti.”

Dw 8:32 ပူးပေါင်းရင်းမြစ်များ

Edwɛndolɛ Buluku ne 119:45

na me nwo badɔ me wɔ me ɛlualɛ nu, ɔluakɛ meli wɔ mɛla ne azo.

Edwɛndolɛ Buluku ne 25:5

Kilehile me maa menlua wɔ nɔhalɛ ne anu, ɔluakɛ wɔmɔ a ɛle me ngoanelielɛ Nyamenle a; wɔ nuhua yɛɛ alehyenlɛ biala me rɛle wɔ a.

Mrɛlɛbulɛ Buluku ne 1:23

Saa metwi bɛ nyunlu a anrɛɛ bɛdie. Nea, mebaha me adwenle kɔsɔɔti meahile bɛ. Mebamaa bɛade me edwɛkɛ ne mɔ abo wienyi.

Mrɛlɛbulɛ Buluku ne 1:29

Kɛmɔ bɛhyile adwenlenubukelɛ, na bɛanzulo Ɛdɛnkɛma,

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Ayezaya Buluku ne 2:3

Menli dɔɔnwo bara ɛkɛ na bɛaha kɛ, “Bɛrɛla, bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne Sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ mɛla ne vi Zayɔn a bara a, yɛɛ Nyamenle edwɛkɛ ne vi Gyɛlusalɛm a bara a.”

Ayezaya Buluku ne 30:21

Bɛbade edwɛkɛ wɔ bɛ nzi kɛ ɔlɛka yeahile bɛ kɛ, “Adenle ne ɛne, bɛlua nuhua” wɔ mekɛ mɔɔ bɛkɛminli bɛkɛva bɛne anzɛɛ fema zo la.

Ayezaya Buluku ne 35:8

Bɛbakpakye ademgbole bɛado ɛkɛ, bɛbavɛlɛ ye “Nwuanzanwuanza Adenle.” Sonla mɔɔ anwo ɛnde la ɛnrɛva zolɛ, yɛɛ ahoasea ɛnrɛhola menli mɔɔ fa ɛkɛ la koasea yɛ.

Ayezaya Buluku ne 54:13

“Ɛdɛnkɛma bahilehile ɛ mra mrenya ne mɔ, na ɛ mra mrenya ne mɔ bakpazi kpole kpalɛ.

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Hozia Buluku ne 6:3

Bɛmaa yɛbɔ mɔdenle yɛnwu Ɛdɛnkɛma. Nɔhalɛ, ye ɛralɛ ɛnli mgbanwo, kɛmɔ alehyenlɛ ɛnli mgbanwo la. Ɔbara kɛ nyenyensuo nyenye doɔloa azɛlɛ ye la.”

Sɛlɛ 25:41

na akee ɔvi ɛ nwo ɛkɛ ne yeahɔ. Ɔkɔ a ɔ nee ɔ mra a kɔ a; ɔbahɔ ye abusua nu nee ɔ ze mɔ awuke nu.

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Mateyu hɛlɛle la 11:29

Bɛva me gyɛnvayile ne bɛdo bɛ kɔme zo na bɛzukoa mɔɔ meyɛ la, ɔluakɛ mele bɛtɛɛ, yɛɛ memmemaa me nwo zo, na bɛ ɛkɛla ne mɔ anwo kɛdɔ bɛ.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 16:13

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Dw 17:17

Dua nɔhalɛ ne azo te bɛ nwo na fa bɛ yɛ wɔ ɛdeɛ; wɔ edwɛkɛ ne a le nɔhalɛ ne.

Dw 6:45

Nyamenle kpɔmanvolɛma hɛlɛle kɛ, ‘Nyamenle a kilehile menli kɔsɔɔti a.’ Awie biala mɔɔ te Selɛ ne ane na ɔtietia ɔ gyakɛ abo zo la ba me ɛkɛ.

Dw 7:17

Mɔɔ kɛboɔboa ɔ nwo kɛ ɔyɛ mɔɔ Nyamenle kpondɛ la banwu kɛ mɔɔ melɛkilehile la vi Nyamenle ɛkɛ anzɛɛ medame me ti anwo ngilehilelɛ ɔ.

Dw 8:36

Saa Ralɛ ne yɛ bɛ alehelɛ a, ɛnee bɛle alehelɛ amgba.

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Wulo 8:15

Ɔluakɛ Sunsum ne mɔɔ Nyamenle ɛva ɛmaa bɛ la ɛnyɛ bɛ ahanra, na ɔmmaa bɛnyɛ avoanvoanle. Sunsum ne maa bɛyɛ Nyamenle amra, na ɔlua Sunsum ne tumi zo yɛkola yɛfɛlɛ Nyamenle kɛ, “Egya! Me Papa.”

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 7:22

Ɔluakɛ akɛlɛ mɔɔ Awulae ɛvɛlɛ ye la ɛyɛ dehelɛ wɔ Awulae anu; zɔhane ala yɛɛ mɔɔ le dehelɛ na bɛvɛlɛ ye la, le akɛlɛ maa Kelaese a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

2 Tem 3:7

Mraalɛ zɛhae mɔ dahuu bɔ mɔdenle kɛ bɛkɛzukoa noko bɛngola bɛnnwu nɔhalɛ ne ɛlɛ.

Gyemise Kɛlata ne 1:25

Na awie mɔɔ neɛnlea fanwodi mɛla ne mɔɔ di munli la anu, na ɔsɔ nu dwaa ɔfa ɔbɔ ye ɛbɛla, na ɔndie ye mgbane ala ɔmmaa ɔ rɛle ɛnvi, na ɔyɛ gyima mɔɔ ɔwɔ kɛ ɔyɛ la, yemɔ yɛɛ Nyamenle kɛyila ye wɔ ye ɛbɛlabɔlɛ nu a.

Gyemise Kɛlata ne 2:12

Bɛdendɛ na bɛbɔ bɛ ɛbɛla kɛ menli mɔɔ bɛbava fanwodi mɛla ne bɛabua bɛ ndɛne la.

1 Pit 2:16

Bɛdɛnla kɛ bɛdi bɛ ti anwo, noko bɛmmafa bɛ ti anwo ɛlilɛ ne bɛkedɛheda ɛtane zo. Bɛdɛnla kɛ bɛle Nyamenle ngɛkɛlɛ.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,