Dw 8:26 - BAEBOLO ANZƐƐ BULUKU NWUANZANWUANZA

²⁶ Melɛ edwɛkɛ dɔɔnwo meka ye bɛ nwo, yɛɛ melɛ dɔɔnwo mebua bɛ nwolɛ ndɛne. Mɔɔ zoanle me la le nɔhalɛ yɛɛ mɔɔ menwɔde menwɔvi ye ɛkɛ ne la a meka mekile ewiade a.”

Dw 8:26 ပူးပေါင်းရင်းမြစ်များ

Dw 15:15

Menvɛlɛ bɛ sonvolɛma bieko, ɔboalekɛ sonvolɛ biala ɛnze mɔɔ ɔ menle ne ɛlɛyɛ la. Mefɛlɛ bɛ me gɔnwo mɔ, ɔboalekɛ mɔɔ mendele ye wɔ Egya ɛkɛ ne la meha ye kpokpoti mehile bɛ.

Dw 16:12

“Melɛ edwɛkɛ dɔɔnwo meka mekile bɛ, noko kɛkala, bɛnrɛhola ɔ muala anu sɔ.

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dw 18:20

Gyisɛse buale ye kɛ, “Dahuu metendɛ baguase, meyɛ me ngilehilelɛ ne wɔ nyianu azua ne mɔ anu nee Ɛzonlenlɛ Sua ne anu, ɛleka mɔɔ Dwuuma yia nu mekɛ biala la. Metɛkanle edwɛkɛ biala wɔ fealera nu.

Dw 3:11

Meka nɔhalɛ meahile wɔ: yɛka mɔɔ yɛnwu ye na yɛbɔ mɔɔ yɛde la nolo, noko bɛ biala ɛnlie yɛ edwɛkɛ ne ɛndo nuhua.

Dw 7:16

Gyisɛse buale bɛ kɛ, “Mɔɔ melɛkilehile la ɛnle me ti anwo ngilehilelɛ. Ɔvi Nyamenle ne mɔɔ zoanle me la ɛkɛ.

Dw 7:28

Mɔɔ Gyisɛse ɛlɛkilehile wɔ Ɛzonlenlɛ Sua ne anu la ɔhanle ye kpole kpalɛ kɛ, “Asoo amgba bɛze me yɛɛ bɛze ɛleka mɔɔ mevi la? Meamba me ti anwo adenle. Mɔɔ zoanle me la le nɔhalɛ. Bɛmɛ bɛnze ye,

Dw 8:25

Bɛbizale ye kɛ, “Ɛdawɔ a le nwane?” Gyisɛse buale kɛ, “Kɛmɔ melumua meha mehile bɛ ala la.

Dw 8:27

Bɛande ɔ bo kɛ Selɛ ne anwo edwɛkɛ a Gyisɛse ɛlɛka ahile bɛ a.

Dw 8:40

Mɔɔ meyɛ la amuala a le kɛ menwɔha nɔhalɛ ne mɔɔ mede mevi Nyamenle ɛkɛ ne la menwɔhile bɛ. Noko bɛkpondɛ me bɛahu me. Ebileham anyɛ ɛhye!

2 Kɔl 1:18

Kɛmɔ Nyamenle le nɔhalɛ, na yɛkola yɛfa yɛ rɛle yɛwula ye nu la, me ɛwɔkɛ ne mɔɔ membɔle bɛ la ɛnle ɛwɔkɛ mɔɔ meka “ɛhɛe” a ɛnee mekile “kyɛkyɛ” a.