Dw 8:2 - BAEBOLO ANZƐƐ BULUKU NWUANZANWUANZA

² Aleɛ hyenle nwonlomɔ mangyee ne la, ɔziale ɔhɔle Ɛzonlenlɛ Sua ne anu. Menli ne amuala rabɔle yiale ye na ɔdɛnlanle aze kɛ ɔkilehile bɛ.

Dw 8:2 ပူးပေါင်းရင်းမြစ်များ

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Gyɛlɛmaya Buluku ne 25:3

“Ye ɛvolɛ abulanwiɔ nee nsa ɛne, ɔvi mekɛ mɔɔ bɛvale Emɔn ara nrenya Dwosaya bɛziele belemgbunli wɔ Dwuda la, ye ɛvolɛ bulu nee nsa ne azo, yɛɛ Ɛdɛnkɛma dendɛle hilele me a, na meha mehile bɛ toonwo a yeradwu ɛnɛ a, noko bɛandie.

Gyɛlɛmaya Buluku ne 32:33

Medendɛ mehile bɛ biala, na bɛandie me ne, bɛhakyi bɛ nzi bɛzi me.

Gyɛlɛmaya Buluku ne 44:4

Menzoanle me sonvolɛma, Nyamenle kpɔmanvolɛma amuala bɛ nwo ɛkɛ ne dahuu kɛ, ‘O, bɛmmayɛ bɛkyi ninyɛne ɛhye mɔ na mekyi!’

Edwɛkpa ne kɛmɔ Mateyu hɛlɛle la 26:55

Akee Gyisɛse zele ɛlɔne ne kɛ, “Duzu ati a bɛdedɛ dadeɛ nee ahoholombaka bɛra bɛbahye me kɛ asɛɛ bɛdoa awule la ɛ? Dahuu mekilehile wɔ Ɛzonlenlɛ Sua ne anu, noko bɛangye me.

Edwɛkpa ne kɛmɔ Luku hɛlɛle la 21:37

Gyisɛse vale mekɛ ɛhye hilehilele wɔ nyianu sua ne anu, na ye nɔsolɛ nu yeahɔla Ɔlivi Boka ne azo.

Edwɛkpa ne kɛmɔ Luku hɛlɛle la 21:38

Nwonlomɔ biala menli ne amuala yia ye wɔ nyianu sua ne anu kɛ bɛbadie ye edwɛkɛ.

Edwɛkpa ne kɛmɔ Luku hɛlɛle la 4:20

Gyisɛse wiele la, ɔbubule nwoma ne na ɔvale ɔmanle sonvolɛ ne na akee ɔdɛnlanle aze. Bɛdabɛ mɔɔ bɛwɔ nyianu sua ne anu la amuala hakyile bɛ nye wɔ ɔ nwo,

Edwɛkpa ne kɛmɔ Luku hɛlɛle la 5:3

Gyisɛse vole nlɛne ne mɔ ko, mɔɔ le Saemɔn ɛdeɛ la anu, na ɔzele Saemɔn kɛ ɔzuhu ye ɔhɔ azukunlu ekyii. Gyisɛse akee dɛnlanle aze wɔ ɛlɛne ne anu na ɔhilehilele menli ne.

Dw 4:34

Gyisɛse zele bɛ kɛ, “Me aleɛ a le kɛ menwɔli mɔɔ zoanle me la ɛhulolɛdeɛ zo na menwɔwie gyima mɔɔ ɔvale ɔmanle me kɛ menyɛ la yɛ.

Dw 8:20

Gyisɛse hanle ɛhye mɔ amuala wɔ mekɛ mɔɔ ɛnee ɔlɛkilehile wɔ Ɛzonlenlɛ Sua ne anu, wɔ ɛleka mɔɔ azubɔlɛ nlɛka ne mɔ gyigyi la. Na awie biala angola ye kye, ɔboalekɛ ɛnee ye mekɛ ɛtɛdwule.

Dw 8:3

Mɛla kilehilevolɛma ne nee Falasiima vale raalɛ bie mɔɔ bɛhɔhye ye kɛ ɔlɛto awuvolɛvalɛ mɛla ne la rale na bɛvale ye bɛziele bɛ avinli ɛkɛ ne.

Ɛzoanvolɛma Gyima ne 5:21

Aleɛ hyenle nwonlomɔ mangyee ne la, ɛzoanvolɛma ne hɔle Ɛzonlenlɛ Sua ne anu na bɛbɔle ɔ bo kɛ bɛkilehile. Sɛlɛvolɛ Kpanyinli ne nee ɔ sa zo ne mɔ manle bɛvɛlɛle mgbanyima ayia, na bɛdule menli kɛ bɛhɔye ɛzoanvolɛma ne wɔ efiade ne bɛrɛla.