Dw 8:19 - BAEBOLO ANZƐƐ BULUKU NWUANZANWUANZA

¹⁹ Bɛbizale ye kɛ, “Ɛ ze ne wɔ nienwu?” Gyisɛse buale bɛ kɛ, “Bɛnze me, yemɔti bɛnze Egya. Saa bɛze me a anrɛɛ bɛze Egya noko.”

Dw 8:19 ပူးပေါင်းရင်းမြစ်များ

Gyɛlɛmaya Buluku ne 22:16

Saa ɔlile pɛlepɛle ɔmanle ehyianvolɛma, yeambua menli mɔɔ ehyia la mgbɔvondɛne a ɛnee ɔle kpalɛ. Medame Ɛdɛnkɛma, mese, kɛ me ɛnwunlɛ de la ɛne.

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Dw 1:10

Ɛnee Edwɛkɛ ne wɔ ewiade ye. Nyamenle luale ɔ nwo zo a bɔle ewiade a, noko ewiade amra ɛnze ye.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 7:28

Mɔɔ Gyisɛse ɛlɛkilehile wɔ Ɛzonlenlɛ Sua ne anu la ɔhanle ye kpole kpalɛ kɛ, “Asoo amgba bɛze me yɛɛ bɛze ɛleka mɔɔ mevi la? Meamba me ti anwo adenle. Mɔɔ zoanle me la le nɔhalɛ. Bɛmɛ bɛnze ye,

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 1:15

Kelaese le Nyamenle ne mɔɔ ɛnyelɛ ɛnnwu ye la sɔhovolɛ. Yemɔ a ɔle abɔdeɛ muala anu belamunli Ralɛ a.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

1 Dw 2:23

Awie biala mɔɔ ɛnlie Ralɛ ne ɛndo nu la ɛnlie Selɛ ne ɛndo nu, na awie biala mɔɔ die Ralɛ ne to nu la, ɛlie Selɛ ne noko ɛdo nu.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.