Dw 8:14 - BAEBOLO ANZƐƐ BULUKU NWUANZANWUANZA

¹⁴ Gyisɛse buale kɛ, “Saa medi me nwo daselɛ bɔbɔ a, mɔɔ meka la le nɔhalɛ, ɔboalekɛ meze ɛleka mɔɔ mevi membale a, yɛɛ meze ɛleka mɔɔ melɛkɔ la. Bɛmɛ, bɛnze ɛleka mɔɔ mevi membale a yɛɛ bɛnze ɛleka mɔɔ melɛkɔ a.

Dw 8:14 ပူးပေါင်းရင်းမြစ်များ

Mrɛlɛbulɛ Buluku ne 8:7

ɔluakɛ mebaha nɔhalɛ ne; me nloa kyi amumuyɛ edwɛkɛ ɛhehanlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3

(Nɔhalɛ nu, Mosisi le bɛlɛvolɛ. Ɔle bɛlɛvolɛ ɔtɛla dasanli biala mɔɔ wɔ aleɛabo la.)

Dw 10:36

ɛnee mame mɔɔ Selɛ ne ɛnlea nu ɛye me, na yezoa me wɔ ewiade ye anu la, saa meka kɛ mele Nyamenle Ara a, ɛnee munzule ne mɔɔ mebɔ la a le boni?

Dw 13:3

Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 14:10

Felepe, na ɛnlie ɛnli kɛ mede Selɛ ne nu yɛɛ Selɛ ne de me nu ɔ?” Gyisɛse akee hanle hilele ye ɛdoavolɛma ne amuala kɛ, “Edwɛkɛ mɔɔ meha mehile bɛ la ɛnle me ti anwo edwɛkɛ. Selɛ ne mɔɔ de me nu la a yɛ ye gyima a.

Dw 16:28

Mevi Selɛ ne anwo lɔ a membale ewiade a; yɛɛ kɛkala melɛfi ewiade meahɔ Selɛ ne anwo lɔ.”

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dw 18:37

Paelɛte zele ye kɛ, “Se ɛnee ɛle belemgbunli o!” Gyisɛse buale ye kɛ, “Ɛdawɔ ɛse mele belemgbunli. Na ɛhye ala ati yɛɛ bɛwole me bɛmanle membale ewiade ye anu a, kɛ membanli nɔhalɛ ne anwo daselɛ. Mɔɔ le nɔhalɛ ne ɛdeɛ la tie mɔɔ meka la.”

Dw 5:31

“Saa me ngome medi me nwo daselɛ a, mɔɔ menwɔha la bɛdie bɛto nu a ɔnyɛ boɛ.

Dw 8:42

Gyisɛse zele bɛ kɛ, “Saa amgba bɛ ze a le Nyamenle a, anrɛɛ bɛkulo me, ɔboalekɛ mevi Nyamenle anwo lɔ a membale a. Meamba me ti anwo adenle. Ɔdaye a ɔzoanle me a.

2 Kɔl 11:31

Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 12:19

Wɔannea a bɛkɛdwenle kɛ yɛbɔ mɔdenle yɛaza yɛ ne wɔ bɛ nyunlu. Ɔnle zɔhane fee! Yɛtendɛ, kɛmɔ Kelaese kulo kɛ yɛtendɛ wɔ Nyamenle anyunlu la. Ayi mɔ, debie biala mɔɔ yɛyɛ la, bɛdabɛ bɛ kpalɛ ti ɔ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.