Dw 7:42 - BAEBOLO ANZƐƐ BULUKU NWUANZANWUANZA

⁴² Nyamenle Edwɛkɛ ne se Mɛzaya ne bayɛ Belemgbunli Devidi dehelɛ, yɛɛ bɛbawo ye wɔ Bɛtelɛhɛm, ɛleka mɔɔ Devidi dɛnlanle la.”

Dw 7:42 ပူးပေါင်းရင်းမြစ်များ

1 Edk 2:51

Ɔ ra nrenya ne mɔɔ tɔ zolɛ nwiɔ mɔɔ bɛfɛlɛ ye Salema la a kyekyele Bɛtelɛhɛm a, yɛɛ ɔ ra nrenya ne mɔɔ tɔ zolɛ nsa la, bɛfɛlɛ ye Hɛlɛfe. Yemɔ a ɔkyekyele Bɛtegeeda a.

Edwɛndolɛ Buluku ne 132:11

Ɛdɛnkɛma bɔle Devidi ɛwɔkɛ, na ɔnrɛhakyi ɔ nloa ɛlɛ. Ɔse, “Ɛ mra mrenya ne mɔ mɔɔ wɔwo bɛ la anu ko yɛɛ mebava meazie wɔ ebia ne azo a.

Edwɛndolɛ Buluku ne 89:4

‘Mebamaa ɛ bo zo amra ali belemgbunli dahuu, na meabɔ wɔ belemgbunlililɛ ne anwo bane wɔ awolɛndoazo muala anu!’ ”

Ayezaya Buluku ne 11:1

Gyɛsi dosinli ne (Belemgbunli Devidi), bakpuke ɛnyelɛ wɔ ye ndinli ne mɔ anu anyi ayɛ Baka Ɛhane.

Gyɛlɛmaya Buluku ne 23:5

“Bɛnlea, mekɛ ɛlɛba mɔɔ mebamaa tenlene Ɛhane akpakye Devidi sua nu. Ɔbali belemgbunli na ɔ nee ye menli ne adɛnla nrɛlɛbɛ nu, yeali edwɛkɛ pɛlepɛle nee tenlene nu wɔ azɛlɛ ne azo.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Mateyu hɛlɛle la 2:5

Bɛbuale ye kɛ, “Wɔ Bɛtelɛhɛm mɔɔ wɔ Dwudiya la. Zɔhane yɛɛ Nyamenle kpɔmanvolɛ ne hɛlɛle a. Ɔse,

Edwɛkpa ne kɛmɔ Mateyu hɛlɛle la 2:6

‘Na wɔmɔ Bɛtelɛhɛm, mɔɔ wɔ Dwuda maanle nu, ɛnle ekyi wɔ Dwuda maanle nu azuamgbole avinli; ɔluakɛ wɔ ɛkɛ ne yɛɛ mɔɔ barali Yizilayɛma ati anlea me menli ne anwo zo la vi bara a.’ ”

Edwɛkpa ne kɛmɔ Luku hɛlɛle la 2:11

Ɛnɛ kenle ye bɛwo bɛ Ngoanedievolɛ ne, mɔɔ le Awulae Kelaese ne wɔ Devidi sua zo.

Edwɛkpa ne kɛmɔ Luku hɛlɛle la 2:4

Dwosefi vi Nazalɛte mɔɔ wɔ Galeli maanzinli nu la hɔle Belemgbunli Devidi sua zo Bɛtelɛhɛm mɔɔ wɔ Dwudiya maanzinli nu la. Ɔhɔle ɛkɛ ne, ɔluakɛ ɔvi Devidi abusua nu.

Dw 7:27

Saa Mɛzaya ne ba a, awie biala ɛnrɛnwu ɛleka mɔɔ ɔvi a. Noko nrenya ɛhye, yɛze ɛleka mɔɔ ɔvi la.”

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”

1 Sam 17:58

Na Sɔɔlo bizale ye kɛ, “Kpavolɛ, ɛ ze a le nwane?” Devidi buale ye kɛ, “Wɔ sonvolɛ nrenya Gyɛsi mɔɔ vi Bɛtelɛhɛm la ara nrenya a le me.”