Dw 7:39 - BAEBOLO ANZƐƐ BULUKU NWUANZANWUANZA

³⁹ Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Dw 7:39 ပူးပေါင်းရင်းမြစ်များ

Edwɛndolɛ Buluku ne 68:18

Ɛvole boka tendenle ne, ɛzanle menli mɔɔ ɛhyele bɛ la nyɛma zo ɛlile ɛ nzi. ɛliele ahyɛlɛ ninyɛne ɛvile menli ɛkɛ, atuadelɛma bɔbɔ hyɛle wɔ bie, amaa Ɛdɛnkɛma Nyamenle ne adɛnla ɛkɛ ne.

Mrɛlɛbulɛ Buluku ne 1:23

Saa metwi bɛ nyunlu a anrɛɛ bɛdie. Nea, mebaha me adwenle kɔsɔɔti meahile bɛ. Mebamaa bɛade me edwɛkɛ ne mɔ abo wienyi.

Ayezaya Buluku ne 12:3

Ɛbava fɛlɛkolilɛ wɔado nzule wɔavi ngoanelielɛ bula ne mɔ anu.

Ayezaya Buluku ne 32:15

kɔkpula kɛ Nyamenle kɛwola ye Sunsum ne kɛgua yɛ nwo zo, na azɛlɛ ne mɔɔ ɛhwee ɛnle zolɛ la kɛyɛ azɛlɛ kpalɛ mɔɔ kye aleɛ na azɛlɛ mɔɔ kye aleɛ la kɛyɛ kpɔkɛmile la.

Ayezaya Buluku ne 44:3

“Mebamaa ezule adɔ azɛlɛ resee zo, na azudenle aze azɛlɛ mɔɔ nzule ɛnle zo la azo. Mebawola me Sunsum ne meagua bɛ bo zo amra anwo zo, na meayila bɛ mra.

Dwowɛle Buluku ne 2:28

“Na ɔbara kɛ nzinlii, mebawola me Sunsum ne meagua awie biala anwo zo: bɛ mra mrenya nee bɛ mra mraalɛ baha me nrɛlaleɛ ne; bɛ mgbanyinli baha ɛlalɛ, na bɛ mgbavolɛ anwu ɛnyelɛzodeɛnwunlɛ.

Edwɛkpa ne kɛmɔ Mateyu hɛlɛle la 16:14

Bɛbuale ye kɛ, “Bie mɔ se Dwɔn Sɔnevolɛ ne ɔ, bie mɔ se Yilaegya ɔ, yɛɛ bie mɔ noko se Gyɛlɛmaya anzɛɛ Nyamenle kpɔmanvolɛma ne mɔ ko ɔ.”

Edwɛkpa ne kɛmɔ Mateyu hɛlɛle la 21:11

Na menli dɔɔnwo ne zele kɛ, “Ɛhye a le Nyamenle kpɔmanvolɛ ne mɔɔ bɛfɛlɛ ye Gyisɛse, mɔɔ vi Nazalɛte mɔɔ wɔ Galeli la.”

Edwɛkpa ne kɛmɔ Luku hɛlɛle la 24:49

Medame mumua ne mebazoa deɛ mɔɔ Egya vale bɔle ɛwɔkɛ la wɔ bɛ nwo. Bɛdɛnla suakpole ɛhye azo ɛke kɔkpula kɛ tumi vi anwuma kɛra bɛ nwo zo la.”

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Edwɛkpa ne kɛmɔ Luku hɛlɛle la 7:16

Ɛzulolɛ hanle bɛdabɛ mɔɔ bɛwɔ ɛkɛ ne la amuala, na bɛyele Nyamenle ayɛlɛ bɛzele kɛ, “Nyamenle kpɔmanvolɛ kpole bie ɛvinde yɛ avinli! Nyamenle ɛra baboa ye menli.”

Dw 1:21

Bɛbizale ye kɛ, “Ɛnee wɔmɔ a le nwane? Wɔmɔ a ɛle Yilaegya ɔ?” Dwɔn buale bɛ kɛ, “Kyɛkyɛ, tɛ yemɔ a le me.” Bɛbizale ye kɛ, “Wɔmɔ a ɛle Nyamenle kpɔmanvolɛ ne ɔ?” Ɔbuale kɛ, “Kyɛkyɛ.”

Dw 1:25

Bɛbizale Dwɔn kɛ, “Saa tɛ wɔ a ɛle Mɛzaya ne, Yilaegya anzɛɛ Nyamenle kpɔmanvolɛ ne a, ɛnee duzu ati a ɛsɔne menli a?”

Dw 1:33

Ɛnee menze kɛ yemɔ ɔ; noko Nyamenle ne mɔɔ zoanle me kɛ menva nzule menzɔne la zele me kɛ, ‘Ɛbanwu kɛ Sunsum ne ɛrazinze nrenya bie anwo zo; sonla zɔhane a le sonla ne mɔɔ ɔbava Sunsum Nwuanzanwuanza ne yeazɔne la.’

Dw 12:16

Mekɛ ne anu ye ɛdoavolɛma ne ande ɛhye abo; na mɔɔ bɛdwazole Gyisɛse anyunlunyia nu bɛvile ewule nu la, bɛhakyele kɛ Nyamenle Edwɛkɛ ne ɛha ɛhye wɔ ɔ nwo, na bɛmɛ yɛɛ bɛyɛle ɛhye bɛmanle ye a.

Dw 12:23

Gyisɛse buale kɛ, “Mekɛ akee ɛdwu kɛ bɛkɛwula medame Sonla Ra anyunlunyia kpole a.

Dw 14:13

yɛɛ mɔɔ bɛkɛbiza ye biala wɔ me duma nu la, mebayɛ, amaa bɛalua Ralɛ ne anwo zo bɛaye Selɛ ne anyunlunyia bɛahile.

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 16:14

Ɔbawula me anyunlunyia, ɔboalekɛ ɔbaha mɔɔ meka la yeahile bɛ.

Dw 16:7

Na meka nɔhalɛ ne meahile bɛ: Ɔle kpalɛ ɔmaa bɛ kɛ melɛkɔ a, ɔboalekɛ saa meangɔ a Boavolɛ ne ɛnrɛra bɛ nwo. Na saa mekɔ a, mebazoa ye wɔ bɛ nwo.

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Dw 20:22

Akee ɔliele ɛnwomenle ɔguale bɛ nwo zo na ɔhanle kɛ, “Bɛlie Sunsum Nwuanzanwuanza ne.

Dw 6:14

Mɔɔ menli ne nwunle nwanwane gyima kpole ɛhye mɔɔ Gyisɛse ɛli la bɛhanle kɛ, “Nɔhalɛ, ɛhye a le Nyamenle kpɔmanvolɛ ne mɔɔ bara ewiade la!”

Dw 7:12

Menli dɔɔnwo mɔɔ rale ɛvoyialilɛ ne bie la hanle ɔ nwo edwɛkɛ huhuhuhu dɔɔnwo. Bie mɔ se, “Ɔle sonla kpalɛ.” Bie mɔ noko se, “Ɔnle sonlakpalɛ, ɔlɛyɛ menli ne koasea.”

Dw 8:54

Gyisɛse buale kɛ, “Saa me ngome mewula me nwo anyunlunyia a, ɛnee me anyunlunyia ɛndo ɛhwee. Ahenle mɔɔ wula me anyunlunyia la a le Egya, mɔɔ yemɔ a bɛse ɔle bɛ Nyamenle la.

Ɛzoanvolɛma Gyima ne 19:2

Ɔbizale bɛ kɛ, “Bɛliele bɛlile la, bɛnyianle Sunsum Nwuanzanwuanza ne ɔ?” Bɛzele ye kɛ, “Yɛtɛtele bɔbɔ kɛ Sunsum Nwuanzanwuanza bie wɔ ɛkɛ.”

Ɛzoanvolɛma Gyima ne 2:17

‘Nyamenle se, mɔɔ mebayɛ wɔ mekɛ mɔɔ li awieleɛ la ɛne. Mebamaa me Sunsum ne ara menli muala anwo zo. Na bɛ mra mrenya nee mraalɛ baha Nyamenle nrɛlaleɛ. Bɛ mgbavolɛ banwu ɛnyelɛzodeɛnwunlɛ, na bɛ mrenya mgbanyinli aha ɛlalɛ.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Wulo 8:9

Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

2 Kɔl 3:8

ɛnee kɛ ɔkɛyɛ mɔɔ Nyamenle Sunsum ne ɛzonlenlɛ ɛnrɛnyia anyunlunyia kpole kpalɛ ɛnrɛdɛla ɛhye ɛ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.