Dw 7:3 - BAEBOLO ANZƐƐ BULUKU NWUANZANWUANZA

³ Gyisɛse amediema mrenya ne mɔ zele ye kɛ, “Kɔ Dwudiya ɛ, amaa menli mɔɔ doa wɔ la anwu wɔ nwanwane gyima mɔɔ ɛlɛdi la.

Dw 7:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:20

Bɛrɛla bɛmaa yɛhu ye na yɛvuandi ye funli ne yɛdo ahuma ne mɔ ko anu; na yɛhɔha kɛ nanemgbole bie ɛhye ye ɛli; na yɛnlea kɛ ye ɛlalɛ ne mɔɔ ɔka la kɛzi kɛwie ye la.”

Gyɛlɛmaya Buluku ne 12:6

Ɔluakɛ ɛdawɔ ɛ mediema nee ɛ ze sua nu amra nee wɔ ɛli ye ngunzi nu, bɛboka menli mɔɔ ɛlɛyɛ wɔ la. Bɛ nloa anu menlemenle, noko mmadie bɛ ɛdi.”

Edwɛkpa ne kɛmɔ Mateyu hɛlɛle la 12:46

Mɔɔ Gyisɛse anloa wɔ zo ɔlɛtendɛ yeahile menli ne mɔ la, ɔ nli nee ɔ mediema mrenya ne mɔ rale alie nwo ɛkɛ ne na bɛhanle kɛ bɛkpondɛ ye bɛ nee ye adendɛ.

Edwɛkpa ne kɛmɔ Maake hɛlɛle la 3:21

Ɔ nli nee ɔ mediema ne mɔ dele la, bɛrale kɛ bɛbava ye bɛahɔ, ɔluakɛ menli ɛlɛkeha kɛ, “Yezɛ!”

Edwɛkpa ne kɛmɔ Maake hɛlɛle la 3:31

Gyisɛse ɔ nli nee ɔ mediema ne mɔ rale ragyinlanle sua ne anzi na bɛzoanle kɛ bɛvɛlɛ ye bɛmaa bɛ.

Edwɛkpa ne kɛmɔ Luku hɛlɛle la 8:19

Gyisɛse ɔ nli nee ɔ mediema ne mɔ rale ɛleka mɔɔ ɔwɔ la, na kɛmɔ menli mɔɔ wɔ ɔ nwo ɛkɛ ne la zonle la ati, bɛangola bɛandwu ɔ nwo ɛkɛ ne.

Edwɛkpa ne kɛmɔ Luku hɛlɛle la 8:20

Awie hanle hilele Gyisɛse kɛ, “Ɛ nli nee ɛ mediema ne mɔ gyi alie nwo lɔ, na bɛkulo kɛ bɛnwu wɔ.”

Dw 2:2

yɛɛ bɛdole ɛsalɛ bɛvɛlɛle Gyisɛse nee ye ɛdoavolɛma ne mɔ noko.

Dw 6:60

Menli ne mɔɔ doa ye la anu dɔɔnwo dele ɛhye mɔɔ ɔhanle la na bɛhanle kɛ, “Ngilehilelɛ ɛhye yɛ se. Nwane a kɛhola ɛhye azo di a?”

Dw 6:66

Ɛhye ati, menli mɔɔ doa ye la anu dɔɔnwo ziale bɛ nzi na bɛangola bɛ nee ye anlua bieko.

Dw 7:10

Mɔɔ Gyisɛse amediema ne mɔ hɔle ɛvoyialilɛ ne la, nzinlii ɔdaye noko ɔhɔle, noko yeanye ɔ nwo yeangile, ɔveale ɔ nwo.

Dw 7:4

Awie biala mɔɔ kpondɛ kɛ menli nwu ye kpalɛ la ɛnvea ye ninyɛne ɛyɛlɛ nwo. Kɛmɔ ɛlɛyɛ ɛhye mɔ la, ɛnee ɛbɔneko ɛngɔ ɛmaa ewiade amra amuala ɛnwu wɔ!”

Dw 7:5

(Nea, ɔ mediema ne mɔ bɔbɔ ɛnlie ye ɛnli.)

Ɛzoanvolɛma Gyima ne 2:14

Na Pita nee ɛzoanvolɛma bulu nee ko ne mɔɔ hale la dwazole na ɔmanle ɔ ne zo ɔzele ɛlɔne ne kɛ, “Ebiamɔ Dwuuma nee bɛdabɛ mɔɔ bɛwɔ Gyɛlusalɛm ɛke la amuala, bɛdie bɛmaa mengile bɛ ɛhye mɔ abo.

1 Sam 17:28

Mɔɔ Devidi ka edwɛkɛ ɛhye ahile menli ne la, ɔ diema kpanyinli Yilayabe dele; ɔvale Devidi anwo ɛya kpole na ɔzele ye kɛ, “Duzu ati a wɔra ɛke a? Nwane asa anu a wɔva mboane ne mɔ wɔwula wɔ fienemgbole ne anu a? Ɛle kakula wuwimɔ. Wɔra kɛ ɛbanlea konle ne sinlinyunlu ɔ?”