Dw 7:19 - BAEBOLO ANZƐƐ BULUKU NWUANZANWUANZA

¹⁹ Tɛ Mosisi a vale mɛla ne rɛlɛle bɛ la ɔ? Noko bɛ nuhua ko biala ɛnli mɛla ne azo. Duzu ati a bɛkpondɛ kɛ bɛku me ɛ?”

Dw 7:19 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:14

Yemɔti Falasiima ne vindele na bɛhɔbɔle kpɔkɛ kɛ bɛku Gyisɛse.

Edwɛkpa ne kɛmɔ Mateyu hɛlɛle la 21:38

Na mɔɔ abunsama ne nwunle ɔ ra ne la, bɛhanle bɛhilele bɛ nwo ngoko kɛ, ‘Kɔliagya ne ɛne. Bɛrɛla bɛmaa yɛhu ye na yɛva ye agyadeɛ ne!’

Edwɛkpa ne kɛmɔ Maake hɛlɛle la 11:18

Sɛlɛvolɛ mgbanyinli nee mɛla kilehilevolɛma ne mɔ dele ɛhye la, bɛbɔle ɔ bo kɛ bɛkpondɛ adenle bɛalua zolɛ bɛahu Gyisɛse. Noko bɛzulole, ɔluakɛ ye ngilehilelɛ ne zinle menli dɔɔnwo ne amuala anwo.

Edwɛkpa ne kɛmɔ Maake hɛlɛle la 3:4

Akee ɔbizale menli ne kɛ, “Duzu yɛɛ yɛ mɛla ne maa nwolɛ adenle kɛ yɛyɛ wɔ Ɛnwomenlelielɛ Kenle ne a? Ɔmaa adenle kɛ yɛyɛ nyele anzɛɛ yɛli ɛtane? Yɛlie sonla ngoane anzɛɛ yɛzɛkye ye?” Na bɛambuke bɛ nloa.

Edwɛkpa ne kɛmɔ Maake hɛlɛle la 3:6

Zɔhane ati Falasiima ne vile nyianu sua ne anu vindele, na ndɛndɛ ne ala bɛ nee Belemgbunli Hɛlɔdo eku ne anu amra ne mɔ hɔvale adwenle kɛ bɛku ye.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 10:39

Bɛyɛle ye bieko kɛ bɛkye ye, na ɔvile bɛ sa.

Dw 11:53

Ɔvi kenle ko zɔhane, Dwuu mgbanyima ne mɔ yɛle ngyehyɛlɛ kɛ ɔwɔ kɛ bɛku Gyisɛse.

Dw 5:16

Ɛhye ati bɛbɔle ɔ bo kɛ bɛyɛ Gyisɛse kpɔdekpɔde kɛ yeyɛ ayile wɔ Ɛnwomenlelielɛ Kenle a.

Dw 5:18

Edwɛkɛ ɛhye akee manle Dwuu mgbanyima ne nyianle adwenle kɛ ɔwɔ kɛ bɛku ye bɛye ye ɛkɛ, ɔluakɛ tɛ kɛ yetia Ɛnwomenlelielɛ Kenle ne mɛla ne angome ɔ, na eza ɔse Nyamenle le Ɔ Ze, na ɔlua adenle ɛhye azo yehile kɛ ɔ nee Nyamenle bɛsɛ.

Dw 5:45

Bɛmmadwenle nwolɛ kɛ mame a mebadoa bɛ meahile Egya a. Mosisi mɔɔ bɛ nye la ɔ nwo zo la a badoa bɛ a.

Dw 7:1

Ɛhye anzi, Gyisɛse hɔle akpɔsa wɔ Galeli maanzinli nu. Yeangulo kɛ ɔkɛhɔ Dwudiya, ɔluakɛ ɛnee Dwuu mgbanyima ne mɔ ɛlɛtɛ ye wɔ ɛkɛ ne ahu ye.

Dw 7:25

Menli mɔɔ vi Gyɛlusalɛm ɛkɛ ne la bie mɔ hanle kɛ, “Asoo tɛ nrenya ne mɔɔ bɛlɛkpondɛ ye bɛahu ye la ɛne?

Ɛzoanvolɛma Gyima ne 7:38

Yemɔ yɛɛ mekɛ mɔɔ bɛyiale ɛsɛlɛ ne azo la ɔ nee Nyamenle soanvolɛ ne dendɛle wɔ Boka Saenae azo, na ɔliele Nyamenle nrɛlaleɛ ne mɔɔ ɛnɛ ɛradwu yɛ nwo zo la ɔrɛlɛle yɛ nlenya mɔ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:19

Saa ɔle zɛhae a ɛnee mɛla ne kpɔkɛ mɔɔ gyi zolɛ la a le boni? Nyamenle vale mɛla ne manle, amaa sonla anwu ɛtane deɛ holɛ. Mɛla ne hilehilele yɛ ekyii hɔdwule kɛ Ebileham anlɔnra ne mɔɔ yemɔti bɛbɔle ɛwɔkɛ ne la rale la. Nyamenle manle ye soanvolɛma a vale mɛla ne luale sonla nwo zo rale a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:13

Bɛdabɛ mumua ne mɔɔ bɛ nye ɛbolo mrenyanu nzonlɛyɛlɛ nwo bɔbɔ la, bɛnli mɛla ne azo nretee zɛhae. Bɛkulo kɛ bɛmɛ Galeehyeama bɛyɛ bɛ mrenyanu nzonlɛ, amaa bɛanyia bie bɛadu bɛ nloa anu kɛ bɛmɛ a bɛmaa bɛlɛdi zɛhae mɛla ne azo a.

Mɛla 1:17

Bɛmmakyea bɛ nzo bɛdi edwɛkɛ anzɛɛ bɛmmadi bɛkɔ afoa. Bɛdie ahoahweabane nee mgbolema kɔsɔɔti na bɛli bɛ edwɛkɛ bɛmaa bɛ. Bɛmmasulo sonla yɛɛ bɛmmanea awie biala anyunlu, ɔluakɛ Nyamenle ɔdaye a ɔbabua ndɛne ne a. Edwɛkɛ biala mɔɔ kɛyɛ se kɛmaa bɛ, na bɛnrɛhola ye di la, bɛva bɛrɛlɛ me na menwɔli.’

Mɛla 33:4

Mosisi manle yɛ mɛla kɛ Gyekɔbo abo zo amra agyadeɛ.