Dw 6:6 - BAEBOLO ANZƐƐ BULUKU NWUANZANWUANZA

⁶ (Ɔhanle ɛhye ɔvale ɔzɔle Felepe ɔnleanle; na ɛnee ɔze mɔɔ ɔdaye mumua ne ɔbayɛ la.)

Dw 6:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:1

Ɛhye mɔ anzi Nyamenle zɔle Ebileham nleanle na ɔzele ye kɛ, “Ebileham!” Na Ebileham liele zolɛ, “Mewɔ ɛke.”

2 Edk 32:31

Yemɔti mɔɔ soanvolɛma mɔɔ Babelɔn mgbanyinli zoanle bɛ la rale kɛ bɛbabiza bɛanwu debie mɔɔ ɛlɛkɔ zolɛ wɔ ye maanle ne anu la, Nyamenle gyakyile debie biala manle ɔdaye, ɔvale ɔzɔle ye ɔnleanle, amaa yeanwu mɔɔ wɔ ye ahonle nu la.

2 Kɔl 13:5

Bɛnleɛnlea bɛ ahonle nu, na bɛnlea kɛ bɛtɛdɛ bɛ diedi ne anu. Bɛzɔ bɛ nwo bɛnlea; asoo bɛnnwu kɛ Kelaese Gyisɛse wɔ bɛ nu? Ɛnee kyesɛ bɛangola sɔnea ne anloa gyinla.

Mɛla 13:3

bɛmmatie Nyamenle kpɔmanvolɛ zɔhane anzɛɛ ahenle ne mɔɔ hanle ɛlalɛ ne la edwɛkɛ biala. Ɔluakɛ ɛnee Ɛdɛnkɛma bɛ Nyamenle ne lɛ ye ɛlɛsɔ bɛ anlea saa bɛfa bɛ ahonle muala nee bɛ ɛkɛla muala bɛkulo ye a.

Mɛla 33:8

Mɔɔ ɔhanle wɔ Livae abusua ekpunli ne anwo la ɛne: “Ɛdɛnkɛma, dua Livaema ye anwo zo maa bɛva Yulem nee Tɛmem bɛye wɔ ɛhulolɛdeɛ bɛhile. Ɛzɔle bɛ ɛnleanle wɔ Masa na ɛnwunle bɛ nɔhalɛlilɛ wɔ Mɛleba nzule nloa.

Mɛla 8:16

Ɔmanle bɛ mana mɔɔ bɛ ze mɔ anli bie ɛlɛ la ɔmanle bɛlile wɔ ɛsɛlɛ ne azo, amaa yeabɛlɛ bɛ aze na yeazɔ bɛ yeanlea na awieleɛ ne yeayɛ bɛ boɛ.

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.