Dw 6:5 - BAEBOLO ANZƐƐ BULUKU NWUANZANWUANZA

⁵ Gyisɛse manle ɔ nye zo na ɔnwunle kɛ menli dɔɔnwo ɛlɛba ɔ nwo ɛkɛ ne, yemɔti ɔzele Felepe kɛ, “Nienwu a yɛkɛnyia aleɛ yɛkɛdɔ yɛkɛmaa menli ɛwolaa ɛhye a?”

Dw 6:5 ပူးပေါင်းရင်းမြစ်များ

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:13

Nienwu yɛɛ mekanyia nane meamaa menli ɛhye mɔ a? Ɔluakɛ bɛsu bɛka bɛkile me kɛ memaa bɛ nane bɛli.

Edwɛkpa ne kɛmɔ Mateyu hɛlɛle la 15:33

Ye ɛdoavolɛma ne bizale ye kɛ, “Ɛnee nienwu a yɛkɛnyia aleɛ wɔ fienemgbole ye anu yɛkɛmaa menli ɛwolaa ɛhye kɛli, bɛ ko kɛyi a?”

Edwɛkpa ne kɛmɔ Maake hɛlɛle la 6:32

Na bɛdabɛ bɛ ngome bɛvale ɛlɛne bɛzile nu kɛ bɛkɔ bɛahɔvea ɛleka bie koonwu.

Edwɛkpa ne kɛmɔ Luku hɛlɛle la 9:10

Ɛdoavolɛma ne ziale rale rahanle mɔɔ bɛyɛle la amuala bɛhilele Gyisɛse. Na ɔvale bɛ ɔ nee bɛ hɔle sua bie mɔɔ bɛfɛlɛ ye Bɛteseeyeda la azo.

Dw 1:43

Aleɛ hyenle la Gyisɛse yɛle kɛ ɔkɔ Galeli. Ɔnwunle Felepe na ɔzele ye kɛ, “Bɛla maa yɛhɔ!”

Dw 1:44

(Felepe vi Bɛteseeyeda, Andelu nee Pita sua zo.)

Dw 1:45

Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Dw 1:46

Natanayɛle bizale ye kɛ, “Asoo debie kpalɛ bie kola fi Nazalɛte finde?” Felepe buale kɛ, “Bɛla banlea.”

Dw 1:48

Natanayɛle bizale ye kɛ, “Na ɛze me nienwu?” Gyisɛse buale kɛ, “Menwunle wɔ wɔ mekɛ mɔɔ ɛnee ɛde feege baka ne abo la kolaa na Felepe aravɛlɛ wɔ.”

Dw 4:35

Bɛmɛ bɛse, ‘Yeha siane nna na ɛbuhenle ne adwu.’ Na meka meahile bɛ kɛ bɛdo bɛ nye bɛnlea ɛya nu lɔ boɛ; nzoleɛ ɛbolo, na yedwu mɔɔ ɔwɔ kɛ bɛbu a.