Dw 6:41 - BAEBOLO ANZƐƐ BULUKU NWUANZANWUANZA

⁴¹ Dwuuma ne mɔ bɔle ɔ bo kɛ bɛtendɛ Gyisɛse bɛ nzo abo, ɔboalekɛ yeha kɛ, “Mame a mele kpanwo ne mɔɔ vi anwuma rale la.”

Dw 6:41 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 15:2

Na Falasiima ne nee mɛla kilehilevolɛma ne mɔ dendɛle bɛ nzo abo kɛ, “Nrenya ɛhye nee ɛtanevolɛma tu na ɔ nee bɛ to bɛ sa ɛyɛba ko anu.”

Edwɛkpa ne kɛmɔ Luku hɛlɛle la 19:7

Menli mɔɔ nwunle ye la amuala dendɛle bɛ nzo abo kɛ, “Akee ɛtanenli ɛhye sua nu a nrenya ye ɛhɔ kazokoɛ a!”

Edwɛkpa ne kɛmɔ Luku hɛlɛle la 5:30

Falasiima bie nee mɛla kilehilevolɛma bie mɔ mɔɔ boka Falasiima fane ne anwo la bizale Gyisɛse ɛdoavolɛma ne kɛ, “Duzu ati a bɛ nee adwuledievolɛma nee menli mɔɔ awie ɛmbu bɛ la to bɛ sa ɛyɛba ko anu ɛ?”

Dw 1:19

Dwuu mgbanyima mɔɔ wɔ Gyɛlusalɛm la zoanle sɛlɛvolɛma nee Livaema bie mɔ wɔ Dwɔn ɛkɛ kɛ bɛhɔbiza ye kɛ, “Wɔmɔ a le nwane?”

Dw 6:33

Ɔluakɛ aleɛ ne mɔɔ Nyamenle fa maa bɛ la a le sonla ne mɔɔ vi anwuma ɛdwu aze na ɔmaa ewiade amra ngoane mɔɔ ɛnlɛ awieleɛ la.”

Dw 6:43

Gyisɛse zele bɛ kɛ, “Bɛgyakyi bɛ nzo abo ɛdendɛlɛ ne.

Dw 6:48

Mame a mele ngoane kpanwo ne a.

Dw 6:58

Ɛhye a le kpanwo ne mɔɔ vi anwuma rale la; ɔnle kɛ mana ne mɔɔ bɛ nlenya mɔ lile a nzinlii bɛwule la. Mɔɔ kɛli kpanwo ɛhye bie la kenyia ngoane mɔɔ ɛnlɛ awieleɛ.”

Dw 6:60

Menli ne mɔɔ doa ye la anu dɔɔnwo dele ɛhye mɔɔ ɔhanle la na bɛhanle kɛ, “Ngilehilelɛ ɛhye yɛ se. Nwane a kɛhola ɛhye azo di a?”

Dw 6:66

Ɛhye ati, menli mɔɔ doa ye la anu dɔɔnwo ziale bɛ nzi na bɛangola bɛ nee ye anlua bieko.

Dw 7:12

Menli dɔɔnwo mɔɔ rale ɛvoyialilɛ ne bie la hanle ɔ nwo edwɛkɛ huhuhuhu dɔɔnwo. Bie mɔ se, “Ɔle sonla kpalɛ.” Bie mɔ noko se, “Ɔnle sonlakpalɛ, ɔlɛyɛ menli ne koasea.”

1 Kɔl 10:10

Eza ɔnle kɛ yɛtendɛ yɛ nzo abo, kɛmɔ bɛ bie mɔ yɛle na Ewule soanvolɛ zɛkyele bɛ la.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.