Dw 6:39 - BAEBOLO ANZƐƐ BULUKU NWUANZANWUANZA

³⁹ Mɔɔ zoanle me la kpondɛ kɛ meyɛ ɛhye, amaa meamminli mɔɔ yeva yemaa me la bie, na meava bɛ muala meara ngoane nu wɔ mekɛ ne mɔɔ li awieleɛ la.

Dw 6:39 ပူးပေါင်းရင်းမြစ်များ

Dw 17:12

Mɔɔ ɛnee me nee bɛ de la, menziele bɛ gyɛlɛɛnye wɔ wɔ duma ne mɔɔ ɛvale ɛmanle me la tumi nu. Membɔle bɛ nwo bane, na ko bɔbɔ amminli, kyesɛ kokye ne, Dwudase musuofoɔ ala mɔɔ ɔwɔ kɛ minli la, amaa Nyamenle Edwɛkɛ ne ayɛ nɔhalɛ.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 18:9

(Ɔhanle ɛhye amaa ye edwɛkɛ ne mɔɔ ɔhanle kɛ, “Egya, meamminli bɛdabɛ mɔɔ ɛvale bɛ ɛmanle me la anu ko bɔbɔ” la ayɛ nɔhalɛ.)

Dw 6:54

Mɔɔ kɛli me nwonane ne bie na ɔkɛnlo me mogya ne bie la lɛ ngoane mɔɔ ɛnlɛ awieleɛ, na mebadwazo ye meara ngoane nu wɔ mekɛ mɔɔ li awieleɛ la.

Dw 6:44

Awie biala ɛnrɛhola ɛnrɛra me nwo, kyesɛ Selɛ ne mɔɔ zoanle me la twe ye bɛlɛ me; na mebadwazo ye meara ngoane nu wɔ mekɛ ne mɔɔ li awieleɛ la.

Dw 6:37

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye,

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Edwɛkpa ne kɛmɔ Mateyu hɛlɛle la 18:14

“Zɔhane ala noko yɛɛ bɛ Ze mɔɔ wɔ anwuma la ɛmkpondɛ kɛ ngakula ɛhye mɔ anu ko minli a.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

Dw 12:48

Na mɔɔ kɛkpo me na yeanlie me edwɛkɛ ne la lɛ mɔɔ babua ye ewule fɔlɛ a. Edwɛkɛ ne mɔɔ meha la yɛɛ babua ye ewule fɔlɛ wɔ mekɛ ne mɔɔ li awieleɛ la a.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Dw 5:28

Bɛmmamaa ɛhye yɛ bɛ azibɛnwo; mekɛ ɛlɛba mɔɔ mɔwuamra amuala bade ɔ ne wɔ bɛ nla ne mɔ anu,

1 Sam 25:29

Saa awie se kɛ ɔku wɔ a, Ɛdɛnkɛma wɔ Nyamenle ne bava wɔ avea gyɛlɛɛnye, kɛmɔ sonla sinza ye agyadeɛ mɔɔ sonle bolɛ la. Na mɔɔ fane wɔ kpɔvolɛma ne mɔ anwo, ɔbavuandi bɛ yeagua kɛ bɛto totoabɔ la.

Gyɛlɛmaya Buluku ne 23:4

Mebamaa bɛ mboaneneavolɛma mɔɔ banlea bɛ kpalɛ la; bɛnrɛzulo bieko, bɛ ahonle ɛnrɛdu, yɛɛ kokye ɛnrɛminli. Medame Ɛdɛnkɛma a mese a.

Edwɛkpa ne kɛmɔ Mateyu hɛlɛle la 10:15

Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 17:6

“Mela wɔ ali mehile menli mɔɔ ɛvale bɛ ɛvile ɛtane ewiade ye anu ɛmanle me la. Ɛnee bɛle wɔ ɛdeɛ, yɛɛ ɛvale bɛ ɛmanle me a. Bɛli wɔ edwɛkɛ ne azo,

Dw 17:9

“Mesɛlɛ meamaa bɛ. Menzɛlɛ memmaa ɛtane ewiade ye. Mesɛlɛ meamaa menli mɔɔ ɛvale bɛ ɛmanle me la, ɔboalekɛ bɛle wɔ ɛdeɛ.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

1 Kɔl 6:14

Nyamenle a dwazole Awulae vile ewule nu a, na ɔlua ye tumi ne azo ɔbadwazo yɛdayɛ noko yeavi ewule nu.

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.