Dw 6:27 - BAEBOLO ANZƐƐ BULUKU NWUANZANWUANZA

²⁷ Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Dw 6:27 ပူးပေါင်းရင်းမြစ်များ

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Edwɛndolɛ Buluku ne 40:7

Akee menganle kɛ, “Medame ɛ, mera; bɛhɛlɛ me nwo edwɛkɛ wɔ buluku ne anu;

Mrɛlɛbulɛ Buluku ne 9:5

“Bɛrɛla, bɛrali me aleɛ ne na bɛnlo me nwanye mɔɔ meli ye afonla la.

Nolo 6:7

Sonla ɛvɛlɛ kɔsɔɔti wie aleɛlilɛ ko ye ala, noko ɔ ti akunlu ɛnye aleɛ zo ɛlɛ.

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 55:2

Duzu ati a bɛsɛkye bɛ ezukoa wɔ mɔɔ ɛnle aleɛ la anwo, na bɛsɛkye bɛ anwosesebɛ wɔ mɔɔ ɛmmaa ahunlundwolɛ la anwo ɛ? Bɛdie me kpalɛ, bɛli mɔɔ le kpalɛ la, na bɛmaa bɛ nye ɛlie aleɛ sosɔɔ nwo na bɛyɛ mbelane.

Gyɛlɛmaya Buluku ne 15:16

O Ɛdɛnkɛma, Tumivolɛ Nyamenle, ɛdendɛle ɛhilele me, na mendiele. Wɔ edwɛkɛ ne manle me nye liele na menlile fɛlɛko; ɔlua zolɛ bɛfa wɔ duma a bɛfɛlɛ me a.

Habakɛke Buluku ne 2:13

Bɛnlea, asoo tɛ Tumivolɛ Ɛdɛnkɛma a maa adenle maa menli yɛ gyima maa senle sɛkye ye, na maanle maanle fonla bɛ nwo yɛ gyima mɔɔ nvasoɛ biala ɛnle zolɛ la?

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 25:46

Na bɛkɛdea ɛhye mɔ ndeanlɛ mɔɔ ɛnlɛ awieleɛ a, na bɛava menli kpalɛ ne mɔ bɛahɔ ngoane mɔɔ ɛnlɛ awieleɛ la anu.”

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Mateyu hɛlɛle la 6:19

“Bɛmmakpondɛ bɛ anwonyia bɛsie azɛlɛ ye azo, anrɛɛ ɛlɛtɛba nee nrɛnlana kɛzɛkye ye, na nwule noko kola wua.

Edwɛkpa ne kɛmɔ Mateyu hɛlɛle la 8:20

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame, Sonla Ra, menlɛ ɛleka mɔɔ meto me ti a.”

Edwɛkpa ne kɛmɔ Maake hɛlɛle la 1:11

Na ɛnelɛ bie vi anwuma zele kɛ, “Wɔmɔ a ɛle me ra mɔɔ mekulo wɔ kpalɛ a. Me nye die ɛ nwo kpole.”

Edwɛkpa ne kɛmɔ Maake hɛlɛle la 9:7

Amungu rahedale bɛ nwo zo, na ɛnelɛ bie dendɛle amungu ne anu zele kɛ, “Me ra mɔɔ mekulo ye la ɛne, bɛdie ye!”

Edwɛkpa ne kɛmɔ Luku hɛlɛle la 3:22

na Sunsum Nwuanzanwuanza ne le kɛ abubule la dwule ɔ nwo zo. Ɛnelɛ bie vi anwuma zele kɛ, “Wɔmɔ a ɛle me Ra mɔɔ mekulo wɔ kpalɛ a. Me nye die ɛ nwo kpole.”

Edwɛkpa ne kɛmɔ Luku hɛlɛle la 9:35

Ɛnelɛ bie vi amungu ne anu zele kɛ, “Me Ra mɔɔ mekpa nu meye ye la ɛne, bɛdie ye!”

Dw 10:28

Memaa bɛ ngoane mɔɔ ɛnlɛ awieleɛ, yemɔti bɛnrɛwu ɛlɛ, yɛɛ awie ɛnrɛhola ɛnrɛlie bɛ ɛnrɛvi me sa nu.

Dw 11:42

Meze kɛ dahuu ɛtie me edwɛkɛ, na melɛka ɛhye wɔ menli mɔɔ kɛkala wɔ ɛke la ati, amaa bɛalie bɛali kɛ ɛdawɔ a ɛzoanle me a.”

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 15:24

Saa meambanyɛ nwanwane gyima ɛhye mɔ mɔɔ awie ɛtɛyɛle bie ɛlɛ la wɔ bɛ avinli a, anrɛɛ bɛnli ɛtane nwo fɔlɛ; na kɛkala, bɛnwu mɔɔ menyɛle la yɛɛ bɛkpɔ me nee Egya a.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 3:15

amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:33

Mɔɔ die ye edwɛkɛ ne to nu la kile maa bɛnwu kɛ Nyamenle le nɔhalɛ.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 6:47

Meka nɔhalɛ ne meahile bɛ: Mɔɔ kɛlie kɛli la lɛ ngoane mɔɔ ɛnlɛ awieleɛ.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Dw 6:53

Gyisɛse zele bɛ kɛ, “Meka nɔhalɛ ne meahile bɛ: Saa bɛanli medame Sonla Ra me nwonane, bɛanno me mogya a bɛnrɛnyia ngoane mɔɔ ɛnlɛ awieleɛ.

Dw 6:54

Mɔɔ kɛli me nwonane ne bie na ɔkɛnlo me mogya ne bie la lɛ ngoane mɔɔ ɛnlɛ awieleɛ, na mebadwazo ye meara ngoane nu wɔ mekɛ mɔɔ li awieleɛ la.

Dw 6:58

Ɛhye a le kpanwo ne mɔɔ vi anwuma rale la; ɔnle kɛ mana ne mɔɔ bɛ nlenya mɔ lile a nzinlii bɛwule la. Mɔɔ kɛli kpanwo ɛhye bie la kenyia ngoane mɔɔ ɛnlɛ awieleɛ.”

Dw 6:62

Na saa akee bɛnwu Sonla Ra ne kɛ ɔlɛkɔ anwuma, ɛleka mɔɔ ɔvi ɔrale la ɛ?

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Dw 8:18

Medi me nwo daselɛ yɛɛ Selɛ ne mɔɔ zoanle me la di me nwo daselɛ.”

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

1 Kɔl 6:13

Awie noko bahola aha kɛ, “Bɛbɔle aleɛ bɛmanle ɛkolɛ, yɛɛ bɛbɔle ɛkolɛ bɛmanle aleɛ.” Ɔle zɔhane, noko Nyamenle bazɛkye bɛ mu nwiɔ. Bɛmmafa bɛ sonlabaka ne bɛbɔ ɛbɛla mgbane mgbane biala; bɛva bɛzonle Awulae. Awulae a maa sonlabaka ne mɔɔ ɔhyia nwo la a.

1 Kɔl 9:2

Saa bɔbɔ awie mɔ ɛnlie me ɛndo nu kɛ mele ɛzoanvolɛ a ɛnee tɛ bɛmɛ ɔ! Bɛdabɛ mumua ne bɛ ɛbɛlabɔlɛ mɔɔ Awulae ati bɛbɔ la kile kɛ mele ɛzoanvolɛ.

2 Kɔl 4:18

Ɛhye ati yɛ nye ɛnla ninyɛne mɔɔ ɛnyelɛ nwu bɛ la azo; yɛ nye la ninyɛne mɔɔ ɛnyelɛ ɛnnwu bɛ la azo. Ninyɛne mɔɔ ɛnyelɛ nwu bɛ la ɛngyɛ na apɛ nu aze, na mɔɔ ɛnyelɛ ɛnnwu bɛ la wɔ ɛkɛ ne dahuu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Mɛla 30:13

Anzɛɛ ɔnle nyevile nzi na bɛaha kɛ, ‘Nwane a pɛ nyevile ye ahɔ ɔ nzi lɔ ahɔva ara, amaa yɛadie bie na yɛali zolɛ a?’

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

Kɔlɔ 2:22

Ngyehyɛlɛ ɛhye mɔ kɔsɔɔti fane ninyɛne mɔɔ saa ɛnyia bɛfa bɛyɛ debie ko a, bɛfa bɛyɛ debie bieko a ɔnyɛ boɛ la anwo. Bɛle menli ngilehilelɛ nee ngyehyɛlɛ.

Kɔlɔ 3:2

Bɛdwenle ninyɛne mɔɔ wɔ anwuma lɔ la anwo na bɛgyakyi mɔɔ wɔ azɛlɛ ye azo la.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Kɛlata mɔɔ bɛhɛlɛle bɛhɔmanle Hibuluma la 12:16

Bɛnlea boɛ na bɛ bie annyia subane ɛtane anzɛɛ anyɛ kɛ Yisɔ mɔɔ nyamenlezonlenlɛ ɛnle ye nu la ati, yeangola ɔ nwo sɔ na aleɛ ti ɔdɔnenle ye kpanyinli la.

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Gyemise Kɛlata ne 1:11

Sɛnzɛne ne tudu a ɔfi ye ewia wuluwulu ne ɔbɔ ndile ɔmaa ɔkyengye, ye ndotolo ne kpolo gua, na ɔminle ye kɛnlɛma ne. Zɔhane ala yɛɛ sukoavolɛ mɔɔ anye wɔ ye gyima nwo ala la baminli a.

1 Pit 1:24

Nyamenle Edwɛkɛ ne se, “Menli kɔsɔɔti le kɛ ndile, bɛ anyunlunyia le kɛ ndotolo. Ndile ne nwoso na ndotolo ne kpolo,

2 Pit 1:17

Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”