Dw 5:39 - BAEBOLO ANZƐƐ BULUKU NWUANZANWUANZA

³⁹ Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Dw 5:39 ပူးပေါင်းရင်းမြစ်များ

Edwɛndolɛ Buluku ne 1:2

Ɔ nye die Ɛdɛnkɛma Mɛla ne anwo, na ɔdwenledwenle nwolɛ alehyenlɛ nee aledwolɛ.

Edwɛndolɛ Buluku ne 119:11

Meva wɔ edwɛkɛ ne mezie me ahonle nu, amaa meanyɛ ɛtane meantia wɔ.

Edwɛndolɛ Buluku ne 133:3

Ɔle kɛ Hɛmɔn Boka zo ɛbɔlɛ, mɔɔ tɔ gua Zayɔn awoka ne mɔ azo la! Gyɛlusalɛm yɛɛ Ɛdɛnkɛma ɛbɔ ɛwɔkɛ kɛ ɔbayila bɛ, yeamaa bɛ ngoane mɔɔ ɛnlɛ awieleɛ a.

Edwɛndolɛ Buluku ne 16:11

Ɛkile me ngoane adenle; anyelielɛ dɔɔnwo wɔ ɛ nwo ɛkɛ, fɛlɛkolilɛ wɔ ɛ sa fema zo dahuu.

Edwɛndolɛ Buluku ne 21:4

Ɔbizale ngoane, na ɛvale ɛmanle ye, wɔmaa ye ngoane tendenle.

Edwɛndolɛ Buluku ne 36:9

Ɔluakɛ wɔmɔ a ɛle ngoane nzufeanvea a; wɔ wienyi ne anu yɛɛ yɛnwu wienyi a.

Mrɛlɛbulɛ Buluku ne 6:23

ɔluakɛ mɛla ne le kɛnlaneɛ, ngilehilelɛ ne le wienyi, yɛɛ ahwibɛnyunlu ne kile ɛbɛlabɔlɛ adenle.

Ayezaya Buluku ne 34:16

Bɛnleɛnlea Ɛdɛnkɛma buluku ne anu na bɛkpondɛ ye kpalɛ. Ɛhye mɔ anu ko ɛnrɛminli; biala bahɔ ye nyinli nee belɛ. Ɔluakɛ Ɛdɛnkɛma ɛha ɛdo gua na ye Sunsum ne ɛboɔboa bɛ nloa ɛwie.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Gyɛlɛmaya Buluku ne 8:9

Nrɛlɛbɛvolɛma anyunlu bagua aze. Bɛ adwenle baha abɔ nu na bɛahye bɛ. Nea, bɛkpo medame Ɛdɛnkɛma me nloa edwɛkɛ; na duzu nrɛlɛbɛ bɔbɔ a bɛze a?

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 22:29

Gyisɛse buale bɛ kɛ, “Bɛvo kpole! Ɔboalekɛ bɛnze Nyamenle Edwɛkɛ ne anzɛɛ Nyamenle tumi ne kɛ si de la.

Edwɛkpa ne kɛmɔ Maake hɛlɛle la 10:3

Gyisɛse bizale bɛ kɛ, “Duzu mɛla a Mosisi vale manle bɛ a?”

Edwɛkpa ne kɛmɔ Maake hɛlɛle la 12:10

Meze kɛ bɛgenga Nyamenle Edwɛkɛ ɛhye: ‘Bolɛ ko ne ala mɔɔ suasivoma ne kpole la ɛrayɛ bolɛ mɔɔ anwo hyia kpole kpalɛ kɛ sua mgbɛnezo sika la.

Edwɛkpa ne kɛmɔ Luku hɛlɛle la 16:29

“Ebileham zele ye kɛ, ‘Bɛlɛ menli wɔ bɛ nwo lɔ ɛlɛkakyehakye bɛ Mosisi mɛla ne nee Nyamenle kpɔmanvolɛma ngilehilelɛ ne mɔ, na ɔwɔ kɛ ɛ mediema ne mɔ tie bɛ.’

Edwɛkpa ne kɛmɔ Luku hɛlɛle la 16:31

Na Ebileham zele kɛ, ‘Saa bɛnrɛdie menli mɔɔ ɛlɛkilehile bɛ Mosisi mɛla ne nee mɔɔ Nyamenle kpɔmanvolɛma ne hanle la a, ɛnee saa awie vi mɔwuamra anu dwazo kɔ bɔbɔ a, bɛnrɛdie ye.’ ”

Edwɛkpa ne kɛmɔ Luku hɛlɛle la 24:25

Na Gyisɛse zele bɛ kɛ, “Bɛdabɛ, bɛle ahɔnwɔne kpalɛ. Duzu ati a bɛngola bɛnlie mɔɔ Nyamenle kpɔmanvolɛma ɛha nwolɛ edwɛkɛ la amuala bɛnli ɛ?

Edwɛkpa ne kɛmɔ Luku hɛlɛle la 24:27

Akee Gyisɛse bɔle ɔ bo vile Mosisi mbuluku ne mɔ nee mɔɔ Nyamenle kpɔmanvolɛma ɛha na bɛhɛlɛ wɔ Nyamenle Edwɛkɛ ne anu wɔ ɔ nwo la azo na ɔhilehilele nu ɔhilele bɛ.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Dw 1:45

Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Dw 5:32

Na awie ko wɔ ɛkɛ ne mɔɔ di me nwo daselɛ a, yɛɛ meze kɛ mɔɔ ɔka ye me nwo la le nɔhalɛ.

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Dw 5:40

Noko akee bɛkpo kɛ bɛnrɛra me nwo ɛkɛ na bɛanyia ngoane.

Dw 5:46

Saa bɛliele Mosisi bɛlile a anrɛɛ bɛlie medame noko bɛli; ɔboalekɛ ɔhɛlɛle me nwo edwɛkɛ.

Dw 7:52

Bɛbizale ye kɛ, “Ɛnee ɛdawɔ noko ɛvi Galeli ɔ? Kɔvedevede Nyamenle Edwɛkɛ ne anu kpalɛ nea kɛ saa ɛkɛnwu kɛ Nyamenle kpɔmanvolɛ ko bɔbɔ vi Galeli ɛvinde a!”

Ɛzoanvolɛma Gyima ne 13:27

Menli mɔɔ wɔ Gyɛlusalɛm nee bɛ mgbanyima ne mɔ annwu kɛ yemɔ a ɔle Ngoanedievolɛ ne a, yɛɛ bɛande Nyamenle kpɔmanvolɛma edwɛkɛ ne mɔɔ bɛkenga ye dahuu wɔ Ɛnwomenlelielɛ Kenle ne la abo. Noko bɛbule Gyisɛse ewule fɔlɛ bɛmanle Nyamenle kpɔmanvolɛma edwɛkɛ ne mɔɔ hanle la yɛle nɔhalɛ.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Ɛzoanvolɛma Gyima ne 26:27

Belemgbunli Agelepa, asoo ɛdie Nyamenle kpɔmanvolɛma edwɛkɛ ne ɛdi? Meze kɛ ɛdie ɛdi somaa!”

Wulo 1:2

Nyamenle luale ye kpɔmanvolɛma anwo zo vale Edwɛkpa ɛhye bɔle ɛwɔkɛ wɔ mɔmoane kpalɛ ne, kɛmɔ bɛhɛlɛ ye wɔ Nyamenle Edwɛkɛ Nwuanzanwuanza ne mɔ anu la.

Wulo 3:2

Nɔhalɛ bɔkɔɔ, wɔ adenle biala azo! Ɔboalekɛ alumua ne, bɛmɛ yɛɛ Nyamenle vale ye ngilehilelɛ ne wulale bɛ sa nu a.

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.

Mɛla 29:29

“Ninyɛne mɔɔ vea la le Ɛdɛnkɛma yɛ Nyamenle ne ɛdeɛ; na mɔɔ bɛye bɛhile la le yɛ nee yɛ mra ɛdeɛ dahuu, amaa yɛayɛ mɔɔ mɛla ne kpondɛ la amuala.

Mɛla 32:47

Ɔnle nwɔwe edwɛkɛ; ɔle bɛ ngoane. Bɛdi zolɛ a bɛbanyi bɛahyɛ wɔ azɛlɛ ne mɔɔ bɛlɛkɔ bɛahɔva wɔ Azule Dwɔdan ne anzi lɔ la azo.”

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Kɛlata mɔɔ bɛhɛlɛle bɛhɔmanle Hibuluma la 11:35

Diedi zo yɛɛ ɔlua mɔɔ mraalɛ mɔɔ bɛ mra wule la bɛdwazole bɛ bɛrale ngoane nu a. Bie mɔ noko mɔɔ kpole ewiade ye anu fanwodi biala la, bɛyɛle bɛ asa na bɛwule, amaa Nyamenle adwazo bɛ ahɔ ngoane kpalɛ nu.

Dwɔhyua Buluku ne 1:8

Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.