Dw 5:3 - BAEBOLO ANZƐƐ BULUKU NWUANZANWUANZA

³ Menli dɔɔnwo mɔɔ ɛnde kpɔkɛ la gugua kpɔda ne mɔ abo, anyenzinliravolɛma, abuburama, yɛɛ bɛdabɛ mɔɔ bɛ foa ko ɛdwe la amuala. [Bɛlɛkendɛ bɛamaa bɛakpoto azule ne,

Dw 5:3 ပူးပေါင်းရင်းမြစ်များ

1 Arl 13:4

Belemgbunli Gyɛlɔbowam dele Nyamenle sonla ne edwɛkɛ mɔɔ ɛha wɔ azukponle ne anwo wɔ Bɛtɛle la, ɔdendenle ɔ sa wɔ Nyamenle kpɔmanvolɛ ne anwo na ɔdeanle nuhua kɛ, “Bɛhye ye!” Na ɛkɛ ne ala ɔ sa ne mɔɔ ɔdendenle la tenlenle mɔɔ ɔfa ɔmeta ɔ nwo a ɔnyɛ boɛ a.

Mrɛlɛbulɛ Buluku ne 8:34

Sonla mɔɔ tie me ne, mɔɔ dahuu gyi me nlenkɛ mgbole nloa, na ɔkendɛ me wɔ me anuhɔlɛ la bali fɛlɛko.

Gyɛlɛmaya Awolɛyelɛ 3:26

Ɔle kpalɛ kɛ sonla kɛzie ɔ ti koonwu kɛkpondɛ Ɛdɛnkɛma ngoanelielɛ ne abo zo;

Zɛkalaya Buluku ne 11:17

Me mboaneneavolɛ mgbane zɔhane, mɔɔ kpo me mboane ne mɔ la, ye gyakɔ! Bɛbapepɛ ɔ sa wɔ konle nu na bɛadu ɔ nye fema ne. Ɔ sa badwe, yɛɛ ɔ nye fema ne bazi bɔkɔɔ.”

Edwɛkpa ne kɛmɔ Mateyu hɛlɛle la 15:30

Menli dɔɔnwo kpalɛ vale abuburama, anyenzinliravolɛma, mumule, yɛɛ bɛdabɛ mɔɔ ewule ngakyile ɛha bɛ la amuala raguale Gyisɛse agyakɛ anu, na ɔyɛle bɛ muala ayile.

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Luku hɛlɛle la 7:22

Na ɔbuale Dwɔn ɛdoavolɛma ne kɛ, “Bɛzia bɛhɔ na bɛhɔha mɔɔ bɛnwu ye nee mɔɔ bɛde la amuala bɛhile Dwɔn: anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo menli mɔɔ ɛwu la bɛba ngoane nu, na bɛbɔ Edwɛkpa ne nolo bɛkile ehyianvolɛma.

Dw 5:2

Wɔ Gyɛlusalɛm “Mboane Anuhɔlɛ” ne anloa, nzubula bie wɔ ɛkɛ ne, ɔlɛ kpɔda nnu wɔ nwolɛ, bɛfɛlɛ nzubula ne wɔ Hibulu aneɛ nu “Bɛtezata.”

Dw 5:4

ɔboalekɛ ɔdwu mekɛ ne bie a, Nyamenle soanvolɛ dwu azule ne anu kpoto ye. Saa ɔyɛ ye zɔhane a, wuleravolɛ biala mɔɔ kɛlumua kɛhɔdɔ nuhua la anwo sa bɔkɔɔ.]

Wulo 8:25

Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

Gyemise Kɛlata ne 5:7

Yemɔti, mediema, bɛzi abotane bɛhɔkpula Kenle ne mɔɔ Awulae kɛra la. Bɛnlea ɛyazonlɛnli ne, ɔkendɛ ɔmaa azɛlɛ ye maa ye nzoleɛ ngɛnlɛma, ɔsi abotane ɔkendɛ ɔmaa fɔsɛlɛ ne nee bokile ne tɔ zolɛ.