Dw 5:19 - BAEBOLO ANZƐƐ BULUKU NWUANZANWUANZA

¹⁹ Yemɔti Gyisɛse zele bɛ kɛ, “Meka nɔhalɛ ne meahile bɛ: Ralɛ ne angome ɛnli ɔ ti anwo ɛnyɛ debie biala; ɔyɛ mɔɔ ɔkɛnwu kɛ Selɛ ne ɛlɛyɛ la ala angome. Mɔɔ Selɛ ne yɛ la, yɛɛ Ralɛ ne ɔdaye ɔyɛ a.

Dw 5:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:1

Mɔlebɛbo ne Nyamenle bɔle anwuma nee aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:26

Akee Nyamenle zele kɛ, “Bɛmaa yɛyɛ sonla kɛ yɛdayɛ yɛ ɛsaso yɛmaa ɔzɔho yɛ, na yɛmaa bɛnlea azule nee nyevile nu fɛlɛ, nloma mɔɔ wɔ anwomanyunlu, nyɛmoa nee nanemgbole nee debie biala mɔɔ twenle ɔ nwo aze wɔ azɛlɛ ye azo la anwo zo.”

Edwɛndolɛ Buluku ne 138:3

Kenle mɔɔ menvɛlɛle wɔ la, ɛliele me zo, na ɛmanle me anwosesebɛ.

Edwɛndolɛ Buluku ne 27:14

Fa ɛ rɛle wula Ɛdɛnkɛma anu; mia ɛ nwo na si wɔ ahonle, ɛhɛe, fa ɛ rɛle wula Ɛdɛnkɛma anu.

Edwɛndolɛ Buluku ne 50:6

Anwumaneamra kile ye tenleneyɛlɛ ne, ɔluakɛ Nyamenle mumua ne a le ndɛnebuavolɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:11

Ɛdɛnkɛma zele ye kɛ, “Nwane a bɔle sonla nloa a? Nwane a maa ɔyɛ mumule anzɛɛ anzondiliravolɛ, anzɛɛ nwane a maa ɔnwu debie anzɛɛ ɔyɛ anyenzinliravolɛ a? Asoo tɛ medame, Ɛdɛnkɛma ɔ?

Mrɛlɛbulɛ Buluku ne 2:6

ɔluakɛ Ɛdɛnkɛma maa nrɛlɛbɛ; ɔdaye yɛɛ ɔmaa adwenle nee ndelebɛbo a.

Ayezaya Buluku ne 44:24

Ɛdɛnkɛma, bɛ Kpɔnevolɛ ne mɔɔ bɔle bɛ guale bɛ wɔ bɛ nli mɔ akunlu la se, “Medame a mele Ɛdɛnkɛma, mɔɔ bɔle ninyɛne kɔsɔɔti la, me ngome a membɔle anwuma a. Mɔɔ mebɔ azɛlɛ ye la, nwane a gyi me foa a?

Ayezaya Buluku ne 45:24

“Bɛbaha wɔ me nwo kɛ, Ɛdɛnkɛma anu yɛɛ yɛnwu tenleneyɛlɛ nee tumi a. Bɛdabɛ mɔɔ bɛva ɔ nwo ɛya la bara ye ɛkɛ na bɛ nyunlu agua aze.

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Edwɛkpa ne kɛmɔ Mateyu hɛlɛle la 26:39

Akee ɔhɔle ɔ nyunlu ekyii la ɔbutule mutule nu na ɔzele kɛ, “Egya, saa ɛyɛ na ɔkɛyɛ boɛ a, ye amaneɛnwunlɛ dwora ye fi me nloa! Noko tɛ kɛ mɔɔ mame mekulo la ɔ, na maa ɔyɛ kɛ mɔɔ wɔ ɛhulolɛ ne de la.”

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Dw 10:18

Awie ɛngola ɛnye me ngoane. Medame me ngome a mekola megyakyi nu a. Melɛ adenle mekola mefa memaa, yɛɛ melɛ adenle mefa me debie bieko. Mɔɔ Egya ɛhyehyɛ ɛmaa me kɛ ɔwɔ kɛ meyɛ la ɛne.”

Dw 12:49

Ɔle zɔhane, ɔboalekɛ tɛ medame me tumi zo a medua metendɛ a. Selɛ ne mɔɔ zoanle me la a kile me mɔɔ ɔwɔ kɛ meka la a;

Dw 12:50

yɛɛ meze kɛ ye edwɛkɛ ne maa sonla ngoane mɔɔ ɛnlɛ awieleɛ. Yemɔti mɔɔ Selɛ ne ɛha ɛhile me la, yemɔ yɛɛ meka a.”

Dw 14:10

Felepe, na ɛnlie ɛnli kɛ mede Selɛ ne nu yɛɛ Selɛ ne de me nu ɔ?” Gyisɛse akee hanle hilele ye ɛdoavolɛma ne amuala kɛ, “Edwɛkɛ mɔɔ meha mehile bɛ la ɛnle me ti anwo edwɛkɛ. Selɛ ne mɔɔ de me nu la a yɛ ye gyima a.

Dw 2:19

Gyisɛse buale kɛ, “Bɛbubu Ɛzonlenlɛ Sua ɛhye bɛgua na mebava kenle nsa meazi ye bieko.”

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 6:38

ɔboalekɛ mevi anwuma membale kɛ mebayɛ mɔɔ zoanle me la ɛhulolɛdeɛ, na meamba kɛ mebali me ti anwo.

Dw 8:28

Yemɔti Gyisɛse zele bɛ kɛ, “Saa bɛmaa medame Sonla Ra zo wɔ meanubaka ne azo anwuma a yɛɛ bɛkɛnwu kɛ ‘Medame a le Medame’ a; na bɛanwu kɛ menva me ngome me tumi menyɛ debie, na meka mɔɔ Selɛ ne kɛhilehile me la ala.

Dw 9:4

Alehyenlɛ ye wɔ zo la, ɔwɔ kɛ yɛkɔ zolɛ yɛyɛ mɔɔ zoanle me la gyima ne; aledwolɛ ɛlɛba mɔɔ awie ɛngola ɛnyɛ gyima a.

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Wulo 6:4

Zɔhane ati yɛlua ɛzɔnenlɛ ne azo bɛziele yɛ bɛbokale ɔ nwo wɔ mekɛ mɔɔ ɔwule la, amaa kɛmɔ Selɛ ne vale anyunlunyia tumi ne dwazole ye vile ewule nu la, yɛdayɛ noko yɛabɔ yɛ ɛbɛla ne fofolɛ.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

1 Kɔl 15:12

Saa kɛkala yɛ nolobɔlɛ a le kɛ Nyamenle ɛdwazo Kelaese ɛvi ewule nu a, ɛnee kɛ ɔsi mɔɔ bɛ bie mɔ kola ka kɛ bɛnrɛdwazo mɔwuamra bɛnrɛra ngoane nu ɛ?

2 Kɔl 4:14

Yɛze kɛ Nyamenle mɔɔ dwazole Awulae Gyisɛse rale ngoane nu la badwazo yɛ aboka Gyisɛse anwo, na yeava yɛ nee bɛ yeahɔ ɔ nyunlu ɛkɛ.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5

yemɔti mekɛ mɔɔ ɛnee yɛwu sunsum nu wɔ yɛ mɛladonlɛ ti la, ɔvale yɛ nee Kelaese ɔrale ngoane nu. Ɔlua Nyamenle ɛlolɛ ti yɛɛ bɛlie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:21

Na ɔbalua tumi ne mɔɔ maa ɔkola ɔfa ninyɛne kɔsɔɔti ɔbawula ɔ bo la azo yeahakyi yɛ nwonane wulera ɛhye yeayɛ ye kɛ ye anyunlunyia nwonane ɛdeɛ ne la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

Kɔlɔ 1:16

Ɔ nwo zo a Nyamenle luale bɔle ninyɛne kɔsɔɔti a: mɔɔ wɔ anwuma o nee mɔɔ wɔ aze o, mɔɔ bɛnwu bɛ nee mɔɔ bɛnnwu bɛ la amuala, ewiade ye anu tumima nee arelemgbunli nee bɛdabɛ mɔɔ bɛsie ɛnɛ mekɛ ye anu awozinli ewiade ye nee sunsum nu ɛlɔnema; Nyamenle luale Kelaese anwo zo a bɔle ninyɛne kɔsɔɔti a, yɛɛ Kelaese ati a ɔbɔle bɛ a.

1 Tɛs 4:14

Yɛdie yɛdi kɛ Gyisɛse wule na eza ɔdwazole ɔrale ngoane nu, zɔhane ala yɛɛ Nyamenle balua Gyisɛse anwo zo ava bɛdabɛ mɔɔ bɛdie ye bɛdi na bɛwu la azia ara ngoane nu a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.