Dw 4:45 - BAEBOLO ANZƐƐ BULUKU NWUANZANWUANZA

⁴⁵ Na mɔɔ ɔdwule Galeli la, menli mɔɔ wɔ ɛkɛ ne la liele ye gyɛlɛɛnye, ɔluakɛ Akpabɛnwo Ɛvoyia ne mɔɔ bɛlile wɔ Gyɛlusalɛm la, bɛhɔle bie na bɛnwunle debie biala mɔɔ ɔyɛle wɔ ɛvoyia ne abo la.

Dw 4:45 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 13:1

Mekɛ ne anu menli bie rahanle Galelima bie mɔɔ Paelɛte ɛmaa bɛhu bɛ wɔ mekɛ mɔɔ ɛnee bɛlɛbɔ azu bɛamaa Nyamenle la anwo edwɛkɛ hilele Gyisɛse.

Edwɛkpa ne kɛmɔ Luku hɛlɛle la 8:40

Gyisɛse ziale ɔ nzi pɛle rale azule nzi nehae la, menli ne rayiale ye, ɔluakɛ ɛnee bɛ muala bɛlɛkendɛ ye.

Edwɛkpa ne kɛmɔ Luku hɛlɛle la 9:53

Na menli ne anlie ye, ɔluakɛ ɛnee yela ali wienyi kɛ ɔkɔ Gyɛlusalɛm.

Dw 2:23

Akpabɛnwo Ɛvoyia ne anu ɛnee Gyisɛse wɔ Gyɛlusalɛm, na bɛdabɛ dɔɔnwo mɔɔ bɛnwunle gyima mgbole mɔɔ ɔlile la liele ye lile.

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 4:54

Ɛhye a le nwanwane gyima kpole mɔɔ tɔ zolɛ nwiɔ mɔɔ Gyisɛse vi Dwudiya rale Galeli la ɔyɛle a.

Mɛla 16:16

“Ɔwɔ kɛ mrenya mɔɔ wɔ maanle ne anu la amuala yia nuhua fane nsa wɔ Ɛdɛnkɛma bɛ Nyamenle ne anyunlu, wɔ ɛleka ne mɔɔ ɔkɛhile la. Ayia fane nsa ne a le Angye (Akpabɛnwo) Ɛvoyia ne, Bɛyɔba Ɛvoyia ne, yɛɛ Kpɔda Bo Ɛdɛnlanlɛ Ɛvoyia ne. Bɛlɛba biala a ɔnle kɛ bɛdɛ bɛ sa mgbane bɛba.