Dw 4:24 - BAEBOLO ANZƐƐ BULUKU NWUANZANWUANZA

²⁴ Nyamenle le Sunsum, yemɔti ɔwɔ kɛ bɛdabɛ mɔɔ bɛsonle ye la bɛsonle ye wɔ sunsum nu nee nɔhalɛ nu.”

Dw 4:24 ပူးပေါင်းရင်းမြစ်များ

Edwɛndolɛ Buluku ne 145:18

Ɛdɛnkɛma bikye bɛdabɛ mɔɔ bɛfɛlɛ ye la amuala, ɔbikye bɛdabɛ mɔɔ bɛfɛlɛ ye nɔhalɛ nu la.

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Edwɛndolɛ Buluku ne 51:17

Ahonle bɛlɛvo a le azubɔlɛ mɔɔ sɔ Nyamenle anye a, O Nyamenle, ɛmkpo ahonle mɔɔ le bɛlɛvo na yenlu ɔ nwo la.

Edwɛndolɛ Buluku ne 66:18

Saa ɛnee ɛtane wɔ me ahonle nu a, anrɛɛ Ɛdɛnkɛma ɛnrɛdie me.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Dw 4:23

Na mekɛ ne ɛlɛba, yɛɛ yedwu bɔbɔ, mɔɔ ɛzonlenlɛma kpalɛ ne bazonle Selɛ ne wɔ sunsum nu nee nɔhalɛ nu a. Ɔluakɛ kɛ Selɛ ne kpondɛ kɛ bɛsonle ye la ɛne.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 3:17

Awulae ne a le Nyamenle Sunsum ne, yɛɛ ɛleka mɔɔ Awulae Sunsum ne wɔ la, fanwodi wɔ ɛkɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”