Dw 4:22 - BAEBOLO ANZƐƐ BULUKU NWUANZANWUANZA

²² Nɔhalɛ, bɛmɛ Samɛleama, bɛnze mɔɔ bɛsonle ye la, na yɛmɛ Dwuuma, yɛze mɔɔ yɛsonle ye la. Ɔboalekɛ ngoanelielɛ kɛra a ɔvi Dwuuma.

Dw 4:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Ɛzela Buluku ne 4:2

Zɔhane ati bɛhɔle Zɛlɛbabɛle nee mbusua mgbanyinli ne mɔ anwo ɛkɛ ne na bɛhɔzele bɛ kɛ, “Bɛmaa yɛboka bɛ yɛzi Ɛzonlenlɛ Sua ne, ɔboalekɛ yɛsonle bɛ Nyamenle ne kɛ mɔɔ bɛsonle ye la ala. Eza sumunli kɛ Aselea Maanle Maanle Belemgbunli Yisahadɛn nee yɛ rale ɛke la, mekɛ biala yɛbɔ azu yɛmaa Nyamenle.”

Edwɛndolɛ Buluku ne 147:19

Ɔka ye edwɛkɛ ne ɔkile Gyekɔbo, ɔfa ye mɛla nee ye ngyehyɛlɛ ɔmaa Yizilayɛma.

Edwɛndolɛ Buluku ne 68:20

Yɛ Nyamenle ne le ngoanelielɛ Nyamenle; na yɛ Awulae Nyamenle ne ati, yɛɛ yɛkola yɛnriandi ewule a.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 12:6

Bɛdeɛdea nu, bɛva anyelielɛ bɛdo edwɛne, O Zayɔnoma, ɔluakɛ Yizilayɛ Nwuanzanwuanza Ko ne mɔɔ de bɛ avinli la le kpole.”

Ayezaya Buluku ne 2:3

Menli dɔɔnwo bara ɛkɛ na bɛaha kɛ, “Bɛrɛla, bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne Sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ mɛla ne vi Zayɔn a bara a, yɛɛ Nyamenle edwɛkɛ ne vi Gyɛlusalɛm a bara a.”

Ayezaya Buluku ne 46:13

Memaa bɛ ngoanelielɛ kenle ne ɛbikye, ɔnle moa fee, yɛɛ ɔnrɛhyɛ na me ngoanelielɛ ne ara. Mebalie Gyɛlusalɛm na meava anyunlunyia meamaa Yizilayɛ.”

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

Ɛzoanvolɛma Gyima ne 17:30

Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Wulo 11:18

Yemɔti, ɔnle kɛ bɛtu bɛ nwo bɛkile bɛdabɛ mɔɔ bɛpɛ bɛ bɛgua kɛ baka ngane la. Duzu ati a bɛmemaa bɛ nwo zo ɛ? Bɛle ngane ala; tɛ bɛmɛ a bɛsɔ ndinli ne a, ndinli ne a sɔ bɛ a.

Kɛlata mɔɔ bɛhɛlɛle bɛhɔmanle Hibuluma la 7:14

Yɛze kɛ bɛwole ye wɔ Dwuda abusua nu, yɛɛ Mosisi noko ambɔ abusua ɛhye duma wɔ mekɛ mɔɔ ɔyɛ sɛlɛvolɛma ngyehyɛlɛ ne la.