Dw 4:21 - BAEBOLO ANZƐƐ BULUKU NWUANZANWUANZA

²¹ Gyisɛse zele ye kɛ, “Ɔmɔ, die me di, mekɛ bara mɔɔ menli ɛnrɛzonle Selɛ ne wɔ boka ye azo anzɛɛ wɔ Gyɛlusalɛm a.

Dw 4:21 ပူးပေါင်းရင်းမြစ်များ

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Yizikeɛle Buluku ne 14:3

“Sonla ra, menli ɛhye mɔ ɛlie bɛ mmonle ne mɔ ɛdo nu kpole kpalɛ na ɔlɛmaa bɛ ɛtane ne mɔ azi bɛ nyunlu bile. Asoo ɔle kpalɛ kɛ menwɔmaa adenle menwɔmaa bɛkɛbiza me edwɛkɛ?

Yizikeɛle Buluku ne 20:3

Ɔse, “Sonla ra, ka kile Yizilayɛ mgbanyima ne mɔ kɛ, kɛ medame Awulae Nyamenle mese la ɛne: Bɛbabiza me edwɛkɛ la, yemɔti a bɛra a. Suzuamgba ala mɔɔ medame a mele tease Nyamenle ne la, bɛmbiza me edwɛkɛ biala. Medame Awulae Nyamenle a mese a.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Edwɛkpa ne kɛmɔ Mateyu hɛlɛle la 18:20

Ɔluakɛ ɛleka biala mɔɔ menli nwiɔ anzɛɛ nsa kɛyia nu wɔ me duma nu la, ɛnee mewɔ bɛ avinli ɛkɛ ne bie.”

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Luku hɛlɛle la 21:24

Bie mɔ badɔ dadeɛ nloa, bɛbahye bie mɔ nuokɛ bɛ nee bɛ ahɔ maanɔne; menli mɔɔ ɛnze Nyamenle la barava Gyɛlusalɛm azɛlɛ ye adɛnla zo kɔkpula kɛ bɛ mekɛ kɛdwu la.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Dw 16:32

Mekɛ ɛlɛba, na yedwu bɔbɔ, bɛbabɔ bɛ kɔsɔɔti asande, na awie biala ahɔ ɔdaye ye sua nu, na yeaha me ngomekye. Noko ɔnrɛha me ngome, ɔboalekɛ Selɛ ne nee me lua.

Dw 4:23

Na mekɛ ne ɛlɛba, yɛɛ yedwu bɔbɔ, mɔɔ ɛzonlenlɛma kpalɛ ne bazonle Selɛ ne wɔ sunsum nu nee nɔhalɛ nu a. Ɔluakɛ kɛ Selɛ ne kpondɛ kɛ bɛsonle ye la ɛne.

Dw 5:25

Meka nɔhalɛ ne meahile bɛ: mekɛ ɛlɛba, yɛɛ yera bɔbɔ, mɔɔ mɔwuamra bade Nyamenle Ara ne ane, na bɛdabɛ mɔɔ bɛkɛde la bɛbadwazo bɛ bɛara ngoane nu.

Dw 5:28

Bɛmmamaa ɛhye yɛ bɛ azibɛnwo; mekɛ ɛlɛba mɔɔ mɔwuamra amuala bade ɔ ne wɔ bɛ nla ne mɔ anu,

Ɛzoanvolɛma Gyima ne 6:14

Yɛdele kɛ ɔlɛka kɛ Gyisɛse ne mɔɔ vi Nazalɛte la barazɛkye Ɛzonlenlɛ Sua ye, na yeahakyi maamɛla biala mɔɔ Mosisi hyehyɛle manle yɛ la!”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18

Ɔlua Gyisɛse anwo zo yɛɛ yɛ muala, Dwuuma nee bɛdabɛ mɔɔ bɛnle Dwuuma la yɛkola yɛdua Sunsum ko ne ala azo yɛkɔ Selɛ ne anyunlu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14

Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne

1 Tem 2:8

Saa bɛyia nuhua kɛ bɛsonle a, mekpondɛ kɛ mrenya ala a yɛ nzɛlɛlɛ a. Ɔwɔ kɛ mrenya zɛhae mɔ yɛ menli mɔɔ bɛdu bɛ nwo bɛmaa Nyamenle na bɛkola bɛmaa bɛ sa zo bɛsɛlɛ mɔɔ ɛya anzɛɛ kpolerazulɛ biala ɛnle nu a.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

Yekile 21:22

Meannwu ɛzonlenlɛ sua wɔ suakpole ne azo, ɔboalekɛ ye Ɛzonlenlɛ Sua a le Awulae Nyamenle Bedevinli ne ɔdaye mumua ne nee Boaneralɛ ne.