Dw 4:10 - BAEBOLO ANZƐƐ BULUKU NWUANZANWUANZA

¹⁰ Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 4:10 ပူးပေါင်းရင်းမြစ်များ

Edwɛndolɛ Buluku ne 10:17

O Ɛdɛnkɛma, tie bɛlɛvoma nzɛlɛlɛ, si bɛ ahonle; gyele ɛ nzo tie bɛ.

Edwɛndolɛ Buluku ne 46:4

Azule bie wɔ ɛkɛ mɔɔ ye nzule maa Nyamenle suakpole ne azo yɛ anyelielɛ; ɔle Anwuma Anwumanli ne tɛnlabelɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:6

Nea, mebagyinla bodane bie azo wɔ ɛ nyunlu wɔ Saenae Boka; ɛbava wɔ kpɔma ne wɔabɔ bolɛ ne, na nzule vi nu bara, amaa menli ne anyia bie anlo.” Na Mosisi yɛle ye zɔhane wɔ Yizilayɛ mgbanyima ne mɔ anyunlu.

Sɔlɔmɔn Edwɛne 4:15

nzufeanvea, ngoane nzule bula, yɛɛ Lɛbanɔn azule se dua tola ne anu.

Ayezaya Buluku ne 12:3

Ɛbava fɛlɛkolilɛ wɔado nzule wɔavi ngoanelielɛ bula ne mɔ anu.

Ayezaya Buluku ne 35:6

Abuburama bawuluwulu kɛ ahɛtɛboɛ, yɛɛ mumulema bava anyelielɛ ado edwɛne. Ɔluakɛ azule bavinde fienemgbole ne mɔ anu, yɛɛ azudenle baze ɛsɛlɛ zo.

Ayezaya Buluku ne 42:6

“Medame a mele Ɛdɛnkɛma a, tenleneyɛlɛ ti a mevɛlɛ wɔ a; mezɔ ɛ sa meva wɔ mezie gyɛlɛɛnye. Meva wɔ meyɛ kɛ ngyekyeleɛ memaa menli ne, ɛbayɛ kɛnlaneɛ wɔamaa maanle maanle ne mɔ.

Ayezaya Buluku ne 43:20

Nanemgbole bali me eni, ɛzonlɛ nee soholo ne mɔ kɔsɔɔti, ɔluakɛ memaa nzule finde fienemgbole nu, yɛɛ memaa azule da ɛsɛlɛ zo, amaa me menli ne mɔɔ mekpa nu meye bɛ, me menli ne mɔɔ mebɔ bɛ memaa me nwo la, anyia bie anlo na bɛaye me ayɛlɛ.”

Ayezaya Buluku ne 44:3

“Mebamaa ezule adɔ azɛlɛ resee zo, na azudenle aze azɛlɛ mɔɔ nzule ɛnle zo la azo. Mebawola me Sunsum ne meagua bɛ bo zo amra anwo zo, na meayila bɛ mra.

Ayezaya Buluku ne 49:10

Ɛhɔne anzɛɛ nzuhɔne ɛnrɛhu bɛ, sɛnzɛne anzɛɛ anwoma wuluwulu ɛnrɛbɔ bɛ, ɔluakɛ ahenle mɔɔ nwu bɛ anwunvɔne la bali bɛ ti, yɛɛ ɔbava bɛ yeahɔ nzubula nwo.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Yizikeɛle Buluku ne 16:35

Zɔhane ati Gyɛlusalɛmma tuutuuma! Bɛdie Ɛdɛnkɛma.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Zɛkalaya Buluku ne 14:8

Mekɛ ne anu, ngoane nzule bazenze avi Gyɛlusalɛm, foa ko bazenze ahɔgua aduduleɛ nyevile ne anu na foa ko noko ahɔgua adɔleɛ nyevile ne anu. Fɔsɛlɛ nu o, wawaa nu o, kɛ ɔsi ɔsenze la, zɔhane ala yɛɛ ɔbazenze mekɛ biala a.

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 6:35

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Ɛzoanvolɛma Gyima ne 9:11

Na Awulae zele ye kɛ, “Kɔ kpalɛ ne mɔɔ bɛfɛlɛ ye ‘Fɔɔnwo’ la azo, na kɔ Dwudase sua nu, na biza awie bie mɔɔ vi Taasɛse na bɛfɛlɛ ye Sɔɔlo la. Ɔgua zolɛ ɔlɛyɛ nzɛlɛlɛ,

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 10:4

bɛnlonle sunsum nu nzule ko ne ala. Ɔluakɛ bɛ muala bɛnlonle nzule ne mɔɔ vi sunsum nu bodane ne anu vindele zenle lile bɛ nzi la bie; bodane zɔhane a le Kelaese mumua ne.

2 Kɔl 9:15

Bɛmaa yɛyɛ Nyamenle mo wɔ ye nwanwane ahyɛlɛdeɛ ne ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Kɛlata mɔɔ bɛhɛlɛle bɛhɔmanle Hibuluma la 6:4

Ɔluakɛ ɔyɛ se ɔmaa bɛdabɛ mɔɔ anrɛɛ bɛlɛ diedi na bɛgyakyi nu la kɛ bɛkɛzia bɛkɛnlu bɛ nwo bieko. Ɛnee anrɛɛ bɛwɔ Nyamenle wienyi ne anu, bɛnyia Nyamenle nu ahyɛlɛdeɛ, na bɛnyia Sunsum Nwuanzanwuanza ne bie;

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”