Dw 3:3 - BAEBOLO ANZƐƐ BULUKU NWUANZANWUANZA

³ Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:3 ပူးပေါင်းရင်းမြစ်များ

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Yizikeɛle Buluku ne 36:26

Mebamaa bɛ ahonle fofolɛ, meava sunsum fofolɛ meawula bɛ nuhua, na meaye bolɛ ahonle ne mɔɔ wɔ bɛ nu la na meamaa bɛ ahonle bɛlɛvolɛ.

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 19:24

Meka meazi zolɛ bieko, ɔnyɛ se ɔmmaa afunlumu kɛ ɔkɛwolo agbuyia nye nu tɛla kɛ sukoavolɛ kɛnyia Nyamenle Belemgbunlililɛ ne a.”

Edwɛkpa ne kɛmɔ Mateyu hɛlɛle la 21:31

Ɛnee ngakula nwiɔ ɛhye, bɛ nuhua boni a yɛle ɔ ze ɛhulolɛdeɛ a?” Bɛzele ye kɛ, “Mɔɔ lumua la ɔ.” Gyisɛse zele bɛ kɛ, “Nɔhalɛ, meka meahile bɛ: Adwuledievolɛma nee tuutuuma balumua anyia Nyamenle Belemgbunlililɛ ne agyakyi bɛ.

Edwɛkpa ne kɛmɔ Mateyu hɛlɛle la 5:18

Nɔhalɛ, meka meahile bɛ kɛ anwuma nee aze baze ahɔ na mɛla ne anu kpɔkɛ nretee ko bɔbɔ ɛnrɛkpɔkye ɛnrɛdɔ kyesɛ mɔɔ wɔ nu la amuala ɛli munli.

Edwɛkpa ne kɛmɔ Maake hɛlɛle la 10:14

Mɔɔ Gyisɛse nwunle ye la, ɔvale ɛya na ɔzele ye ɛdoavolɛma ne mɔ kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, na bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Edwɛkpa ne kɛmɔ Maake hɛlɛle la 9:47

Saa ɛ nye noko a twehwe wɔ ahɔ ɛtane nu a, tu ye to! Ɔle kpalɛ kɛ ɛ nye ko na ɛkɛnyia Nyamenle belemgbunlililɛ ne tɛla kɛ ɛ nye nwiɔ na bɛkɛvuandi wɔ bɛkɛdo senle ne mɔɔ ɛnnu ɛlɛ la anu a.

Dw 1:13

mɔɔ bɛanlua nwonane nee mogya ngyehyɛlɛ zo a bɛwole bɛ na bɛarayɛ Nyamenle amra a, ɔluakɛ Nyamenle ɔdaye a ɔle bɛ ze a.

Dw 1:5

Wienyi ne ta awozinli nu, na awozinli ɛngola ɛngye ye.

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Dw 12:40

“Nyamenle ɛzi bɛ nye na yemaa bɛsolo, amaa bɛ nye annwu debie na bɛ nzo ade edwɛkɛ, na bɛahakyi bɛara me nwo kɛ menyɛ bɛ ayile.”

Dw 3:4

Nekɔdimɛse bizale ye kɛ, “Kɛ ɔkɛyɛ na sonla mɔɔ ɛwie nyi la bɛawo ye fofolɛ ɛ? Ɔnrɛhola ɔ nli akunlu wolo ɔnrɛmaa bɛnrɛwo ye fofolɛ!”

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:15

Saa ɔwɔ kɛ awie yɛ ye mrenyanu nzonlɛ o, saa ɔnle kɛ ɔyɛ o, ɔle debie mɔɔ ɛngyia fee a. Mɔɔ hyia la a le kɛ yɛkɛyɛ menli fofolɛ bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:1

Dɛba ne, bɛ mɛladonlɛ nee bɛ ɛtane ne mɔ manle bɛwule sunsum nu.

Mɛla 29:4

Noko toonwo mɔɔ yeradwu ɛnɛ la, Ɛdɛnkɛma ɛtɛmanle bɛ adwenle ɛtɛmanle bɛtɛtele ɔ bo, na bɛanyia ɛnyelɛ bɛanwu ye, anzɛɛ bɛanyia ɛnzonlɛ bɛadie.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 3:9

Awie biala mɔɔ le Nyamenle ara la ɛnyɛ ɛtane, ɔluakɛ Nyamenle su ne wɔ ye nu, na kɛmɔ ɔ Ze a le Nyamenle la, ɔngola ɔnyɛ ɛtane.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.

1 Dw 5:18

Yɛze kɛ awie biala mɔɔ le Nyamenle ara la ɛnyɛ ɛtane, ɔluakɛ Nyamenle Ara ne fa ye sie gyɛlɛɛnye mɔɔ Abɔnsam ɛngola ɛnva ɔ sa ɛnga ye a.

1 Dw 5:4

ɔluakɛ Nyamenle ara biala di ewiade anwo zo konim. Yɛ diedi mɔɔ yɛlɛ ye wɔ Nyamenle anu la azo yɛɛ yɛdua yɛdi ewiade anwo zo konim a.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.