Dw 3:26 - BAEBOLO ANZƐƐ BULUKU NWUANZANWUANZA

²⁶ Yemɔti bɛhɔle Dwɔn ɛkɛ ne na bɛbizale ye kɛ, “Kilehilevolɛ, ɛkakye nrenya ne mɔɔ ɛnee nee wɔ wɔ azule Dwɔdan ne anzi lɔ, mɔɔ ɛhanle ɔ nwo edwɛkɛ la ɔ? Kɛkala ɔlɛsɔne menli, na awie biala asɛɛ ɛlɛkɔ ye ɛkɛ.”

Dw 3:26 ပူးပေါင်းရင်းမြစ်များ

Edwɛndolɛ Buluku ne 65:2

Wɔmɔ mɔɔ ɛtie yɛ nzɛlɛlɛ la! Wɔ ɛkɛ ne yɛɛ menli kɔsɔɔti ba wɔ bɛ ɛtane ne mɔ ati a.

Nolo 4:4

Akee menwunle kɛ ɛvɛlɛ muala nee sonla asa anloa gyima kɔsɔɔti gyi sonla agɔnwo anwo anyebolo zo. Ɛhye noko le mgbane; ɔle kɛ ɛlɛkye anwoma la.

Ayezaya Buluku ne 45:23

Meha medame me ngome me nwo mebɔ ɛwɔkɛ, me nloa ɛvula edwɛkɛ mɔɔ le tenlene, menrɛhwe menrɛzia: Awie biala bahoto me, awie biala babɔ ɛwɔkɛ wɔ me nyunlu.

Edwɛkpa ne kɛmɔ Mateyu hɛlɛle la 23:7

Bɛkulo menli mɔɔ bɔ bɛ ti aze abiza bɛ ahye wɔ guabile zo nee menli mɔɔ yeyɛ bɛ, avɛlɛ bɛ, ‘Kilehilevolɛ’ la.

Edwɛkpa ne kɛmɔ Mateyu hɛlɛle la 23:8

Na bɛmɛ, bɛmmamaa awie fɛlɛ bɛ ‘Kilehilevolɛ’, ɔluakɛ bɛ muala bɛle mediema yɛɛ bɛ Kilehilevolɛ kokye.

Dw 1:15

Dwɔn hanle ɔ nwo edwɛkɛ. Ɔse, “Ɛhye a le mɔɔ menganle ɔ nwo edwɛkɛ kɛ, ‘Ɔli me nzi ɔlɛba, na ɔle sonlakpole ɔtɛla me la, ɔboalekɛ bɛkawo me la ɛnee ɔwɔ ɛkɛ.’ ”

Dw 1:7

manle ɔrahanle wienyi ne anwo edwɛkɛ ɔhilele menli, amaa bɛ kɔsɔɔti bɛade nrɛlaleɛ ne na bɛalie bɛali.

Dw 1:9

Edwɛkɛ ne a le nɔhalɛ wienyi ne mɔɔ ta menli kɔsɔɔti anwo zo na ɔba ewiade la.

Dw 11:48

Saa yɛmaa ɔkɔ zolɛ ɔyɛ a, awie biala balie ye ali, na Wulomu arane ne bava ɛya na yearazɛkye yɛ Ɛzonlenlɛ Sua ye nee yɛ maanle ye amuala.”

Dw 12:19

Na Falasiima ne hanle hilele bɛ nwo kɛ, “Bɛnwu kɛ yɛangola ɛhwee yɛ ɛ! Nea kɛ ewiade amuala ɛdu doa ye ɛ!”

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 4:1

Falasiima ne dele kɛ Gyisɛse ɛlɛnyia menli dɔɔnwo azɔne bɛ, yeava bɛ yeayɛ ɛdoavolɛma adɛla Dwɔn.

Dw 4:2

(Nɔhalɛ mɔɔ wɔ nu la a le kɛ Gyisɛse ɔdaye mumua ne yeanzɔne awie biala; ye ɛdoavolɛma ne mɔ a zɔnenle menli a.)

Dw 4:31

Mekɛ ne anu ɛnee ɛdoavolɛma ne gua zo ɛlɛkpa Gyisɛse kyɛlɛ kɛ, “Kilehilevolɛ, bakpula ɛ sa!”

Dw 5:33

Bɛzoanle menli bɛmanle bɛhɔle Dwɔn anwo ɛkɛ ne, na ɔhanle nɔhalɛ ne anwo edwɛkɛ ɔhilele bɛ.