Dw 3:2 - BAEBOLO ANZƐƐ BULUKU NWUANZANWUANZA

² Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 3:2 ပူးပေါင်းရင်းမြစ်များ

1 Arl 17:24

Raalɛ ne hanle hilele Yilaegya kɛ, “Kɛkala menwu kɛ ɛle Nyamenle sonla, na Ɛdɛnkɛma dua ɛ nwo zo tendɛ.”

Ayezaya Buluku ne 51:7

“Bɛmɛ tenlenema, bɛdie me, bɛmɛ mɔɔ bɛdi me mɛla zo, bɛmmasulo menli ngehanleɛ, yɛɛ bɛmmamaa bɛ ahonle tu bɛ ɛnwunlonwunlanlɛ nwo.

Gyɛlɛmaya Buluku ne 38:16

Na Belemgbunli Zɛdikaya hanle ndane fealera nu hilele Gyɛlɛmaya. Ɔse, “Meka tease Ɛdɛnkɛma ne mɔɔ bɔle yɛ la kɛ, menrɛmaa bɛnrɛhu wɔ anzɛɛ menrɛye wɔ menrɛmaa menli ɛhye mɔ mɔɔ kpondɛ wɔ ahu wɔ la.”

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Mateyu hɛlɛle la 23:7

Bɛkulo menli mɔɔ bɔ bɛ ti aze abiza bɛ ahye wɔ guabile zo nee menli mɔɔ yeyɛ bɛ, avɛlɛ bɛ, ‘Kilehilevolɛ’ la.

Edwɛkpa ne kɛmɔ Mateyu hɛlɛle la 23:8

Na bɛmɛ, bɛmmamaa awie fɛlɛ bɛ ‘Kilehilevolɛ’, ɔluakɛ bɛ muala bɛle mediema yɛɛ bɛ Kilehilevolɛ kokye.

Edwɛkpa ne kɛmɔ Maake hɛlɛle la 12:14

Bɛrale la bɛbizale ye kɛ, “Kilehilevolɛ, yɛze kɛ wɔmɔ ɛnnea sonla nyunlu, yɛɛ ɛndie menli ngehanleɛ, na ɛkilehile Nyamenle ɛhulolɛdeɛ ne nɔhalɛ nu. Na ɛnea a, ɛnee ɔtia yɛ mɛla ne kɛ yɛkɛdua adwule yɛkɛmaa Maanle Maanle Belemgbunli ne ɔ? Ɔwɔ kɛ yɛtua anzɛɛ ɔnle kɛ yɛtua? Ka kile yɛ.”

Dw 1:38

Gyisɛse dole ɔ nye na ɔnwunle kɛ bɛdoa ye la, ɔbizale bɛ kɛ, “Bɛkpondɛ duzu?” Bɛbuale kɛ, “Relabae, nienwu ɛleka yɛɛ ɛde a?” (Relabae abo a le “Kilehilevolɛ”)

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 12:37

Ɔluakɛ yeyɛ nwanwane sɛkɛlɛneɛ dɔɔnwo ɛhye mɔ yemaa bɛnwu bɛ ɛdeɛ, noko bɛanlie ye bɛanli,

Dw 14:10

Felepe, na ɛnlie ɛnli kɛ mede Selɛ ne nu yɛɛ Selɛ ne de me nu ɔ?” Gyisɛse akee hanle hilele ye ɛdoavolɛma ne amuala kɛ, “Edwɛkɛ mɔɔ meha mehile bɛ la ɛnle me ti anwo edwɛkɛ. Selɛ ne mɔɔ de me nu la a yɛ ye gyima a.

Dw 15:24

Saa meambanyɛ nwanwane gyima ɛhye mɔ mɔɔ awie ɛtɛyɛle bie ɛlɛ la wɔ bɛ avinli a, anrɛɛ bɛnli ɛtane nwo fɔlɛ; na kɛkala, bɛnwu mɔɔ menyɛle la yɛɛ bɛkpɔ me nee Egya a.

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Dw 20:16

Gyisɛse vɛlɛle ye, “Mɛle!” Ɔhakyile ɔ nye wɔ ɔ nwo ɛkɛ ne na ɔhanle ye Hibulu nu kɛ, “Labonae!” (Ɔ bo a le “Kilehilevolɛ”)

Dw 3:26

Yemɔti bɛhɔle Dwɔn ɛkɛ ne na bɛbizale ye kɛ, “Kilehilevolɛ, ɛkakye nrenya ne mɔɔ ɛnee nee wɔ wɔ azule Dwɔdan ne anzi lɔ, mɔɔ ɛhanle ɔ nwo edwɛkɛ la ɔ? Kɛkala ɔlɛsɔne menli, na awie biala asɛɛ ɛlɛkɔ ye ɛkɛ.”

Dw 4:31

Mekɛ ne anu ɛnee ɛdoavolɛma ne gua zo ɛlɛkpa Gyisɛse kyɛlɛ kɛ, “Kilehilevolɛ, bakpula ɛ sa!”

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Dw 6:2

Menli dɔɔnwo doale ye, ɔluakɛ bɛnwu kɛ ye ayileyɛlɛ si de nwanwane la.

Dw 7:31

Menli dɔɔnwo mɔɔ wɔ ɛlɔne ne anu la liele ye lile na bɛhanle kɛ, “Asoo Mɛzaya ne ba a, ɔbayɛ nwanwane gyima mgbole yeadɛla mɔɔ nrenya ɛhye ɛyɛ la?”

Dw 9:16

Falasiima ne bie mɔ hanle kɛ, “Sonla mɔɔ yɛle ɛhye la ɛnvi Nyamenle ɛkɛ, ɔboalekɛ ɔnli Ɛnwomenlelielɛ Kenle mɛla ne azo.” Bie mɔ noko hanle kɛ, “Na kɛ ɔkɛyɛ na sonla mɔɔ le ɛtanenli la ayɛ nwanwane gyima mɔɔ le zɛhae ɛ?” Na menli ne lile abunwiɔ.

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:14

Na me efiadenla ɛhye ɛmaa mediema ne mɔ dɔɔnwo ɛzi pi wɔ Awulae anu na bɛlɛbɔ Edwɛkpa ne nolo mɔɔ bɛnzulo ɛhwee a.

Maanlebuvolɛma Buluku ne 6:27

Zɔhane ati Gedɛyɔn yele ye sonvolɛma ne mɔ anu bulu manle bɛyɛle, kɛmɔ Ɛdɛnkɛma zele ye la; noko kɛmɔ ɛnee ɔsulo ye sua nu amra ne nee ezuavolɛ ne somasoma la ati, kɛ ɔkɛbɔ azu ne ewiazo la, ɔbɔle ye nɔɔzo.