Dw 3:17 - BAEBOLO ANZƐƐ BULUKU NWUANZANWUANZA

¹⁷ Ɔluakɛ Nyamenle anzoa Ɔ Ra ne wɔ ewiade ye kɛ ɔrabua menli mɔɔ wɔ nu la ndɛne, na ɔralie ewiade amra ngoane.

Dw 3:17 ပူးပေါင်းရင်းမြစ်များ

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

Edwɛkpa ne kɛmɔ Mateyu hɛlɛle la 18:11

“Ɔluakɛ medame Sonla Ra, membale kɛ mebalie bɛdabɛ mɔɔ bɛminli la ngoane.]

Edwɛkpa ne kɛmɔ Luku hɛlɛle la 19:10

Ɛhye ala ati yɛɛ medame Sonla Ra membale a. Membale kɛ mebakpondɛ bɛdabɛ mɔɔ bɛminli la na mealie bɛ ngoane.”

Edwɛkpa ne kɛmɔ Luku hɛlɛle la 9:56

Na Gyisɛse nee ye ɛdoavolɛma ne hɔle sua fofolɛ zo.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 10:36

ɛnee mame mɔɔ Selɛ ne ɛnlea nu ɛye me, na yezoa me wɔ ewiade ye anu la, saa meka kɛ mele Nyamenle Ara a, ɛnee munzule ne mɔɔ mebɔ la a le boni?

Dw 11:42

Meze kɛ dahuu ɛtie me edwɛkɛ, na melɛka ɛhye wɔ menli mɔɔ kɛkala wɔ ɛke la ati, amaa bɛalie bɛali kɛ ɛdawɔ a ɛzoanle me a.”

Dw 17:18

Mezoa bɛ wɔ ewiade ye anu, kɛmɔ ɛzoanle me wɔ ewiade ye anu la;

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Dw 17:25

Pɛlepɛlelilɛ Egya! Ɛtane ewiade ye ɛnze wɔ, na mame meze wɔ, yɛɛ ɛhye mɔ ze kɛ ɛdawɔ a ɛzoanle me a.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dw 20:21

Na Gyisɛse zele bɛ bieko kɛ, “Anzonudwolɛ ɛha bɛ. Kɛmɔ Selɛ ne zoanle me la, zɔhane ala yɛɛ medame noko mesoa bɛ a.”

Dw 3:34

Mɔɔ Nyamenle ɛzoa ye la ka Nyamenle anloa edwɛkɛ, ɔboalekɛ Nyamenle maa ye Sunsum ne yi ye tɛkɛɛ.

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Dw 5:38

Bɛnva ye edwɛkɛ ne bɛnzie bɛ ahonle nu, ɔluakɛ bɛnlie mɔɔ zoanle ye la bɛnli.

Dw 5:45

Bɛmmadwenle nwolɛ kɛ mame a mebadoa bɛ meahile Egya a. Mosisi mɔɔ bɛ nye la ɔ nwo zo la a badoa bɛ a.

Dw 6:29

Gyisɛse zele bɛ kɛ, “Gyima mɔɔ Nyamenle kpondɛ kɛ bɛyɛ la a le kɛ bɛkɛlie mɔɔ ɔzoanle ye la bɛkɛli.”

Dw 6:38

ɔboalekɛ mevi anwuma membale kɛ mebayɛ mɔɔ zoanle me la ɛhulolɛdeɛ, na meamba kɛ mebali me ti anwo.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 6:57

Egya mɔɔ zoanle me la de aze, yɛɛ ɔdaye ɔ ti melɛ ngoane. Zɔhane ala yɛɛ mɔɔ kɛva me kɛli la, medame me ti ɔkɛnyia ngoane a.

Dw 7:29

na mame meze ye, ɔboalekɛ mevi ɔ nwo lɔ a membale a yɛɛ ɔdaye a ɔzoanle me a.”

Dw 8:11

Raalɛ ne buale kɛ, “Yɛmenle, ko bɔbɔ anga o!” Gyisɛse zele ye kɛ, “Ɛnee medame noko membua wɔ ewule fɔlɛ. Kɔ, na mmayɛ ɛtane bieko.”]

Dw 8:42

Gyisɛse zele bɛ kɛ, “Saa amgba bɛ ze a le Nyamenle a, anrɛɛ bɛkulo me, ɔboalekɛ mevi Nyamenle anwo lɔ a membale a. Meamba me ti anwo adenle. Ɔdaye a ɔzoanle me a.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.