Dw 3:16 - BAEBOLO ANZƐƐ BULUKU NWUANZANWUANZA

¹⁶ Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:12

Ɛdɛnkɛma soanvolɛ ne zele ye kɛ, “Mmafa ɛ sa ɛka kakula ne anzɛɛ mmayɛ ye debie. Ɔluakɛ kɛkala, menwu kɛ ɛsulo Nyamenle, ɔboalekɛ wɔanva ɛ ra kokye ne wɔanyɛ me abokɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:2

Ɔzele ye kɛ, “Fa ɛ ra nrenya ne, ɛ ra kokye Ayezeke, mɔɔ la wɔ ahonle nwo la, na kɔ Molaya azɛlɛ zo kɔyela ye bɔ azu wɔ awoka ne mɔ ko mɔɔ mebahile wɔ la azo maa me.”

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Edwɛkpa ne kɛmɔ Mateyu hɛlɛle la 9:13

Bɛhɔ bɛhɔkpondɛ Nyamenle Edwɛkɛ ɛhye abo: ‘Mekulo anwunvɔnezelɛ, na tɛ nane azubɔlɛ ɔ.’ Meamba menli mɔɔ ɛkpazi la ɛvɛlɛlɛ; membale bɛdabɛ mɔɔ awie ɛmbu bɛ bie la ɛvɛlɛlɛ!”

Edwɛkpa ne kɛmɔ Maake hɛlɛle la 12:6

Akee ɔhale egyinli menle ne ara kokye ne mɔɔ ɔwɔ kɛ ɔsoa ye a. Na nzinlii ɔzoanle ye wɔ abunsama ne ɛkɛ, ɔse, ‘Medie medi kɛ bɛkɛli me ra ye eni.’

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 10:28

Memaa bɛ ngoane mɔɔ ɛnlɛ awieleɛ, yemɔti bɛnrɛwu ɛlɛ, yɛɛ awie ɛnrɛhola ɛnrɛlie bɛ ɛnrɛvi me sa nu.

Dw 3:15

amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:18

Mɔɔ kɛlie Ralɛ ne kɛli la bɛnrɛbua ye ndɛne, na mɔɔ anlie ye anli la, bɛbua ye ndɛne dɛbadɛba, ɔboalekɛ yeanlie Nyamenle Ara kokye ne yeanli.

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Wulo 5:10

Mɔɔ ɛnee yɛle Nyamenle kpɔvolɛma la, yelua ɔ Ra ne ewule zo ɔ nee yɛ ɛli ngamɔnu na yeyɛ yɛ ɔ gɔnwo mɔ a, ɛnee fane nyɛ yɛɛ akee ɔnrɛlua tease Kelaese ne ati ɔnrɛlie yɛ ngoane ɛ?

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4

Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:4

Na mɔɔ yɛ Ngoanelielɛ Nyamenle ne lale ye atiakunlukɛnlɛma nee ye ɛhulolɛ ne ali la,

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.

1 Dw 4:19

Yɛkulo Nyamenle, ɔboalekɛ ɔlumuale ɔhulole yɛ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,