Dw 3:14 - BAEBOLO ANZƐƐ BULUKU NWUANZANWUANZA

¹⁴ Kɛmɔ Mosisi manle kɔbele ɛwɔlɛ ne zo wɔ baka zo wɔ ɛsɛlɛ ne anu la, zɔhane ala yɛɛ bɛbamaa Sonla Ra ne zo a,

Dw 3:14 ပူးပေါင်းရင်းမြစ်များ

2 Arl 18:4

Ɔzɛkyele awozonle ɛzonlenlɛ ɛleka ne mɔ, ɔbubule awolɛ mpila ne mɔ na ɔzɛkyele bozonle raalɛ Ahyela ne ananze ne mɔ. Eza ɔbubule kɔbele ɛwɔlɛ ne mɔɔ Mosisi yɛle mɔɔ bɛvɛlɛle ye Nehɛhyetan la, ɔluakɛ ɛnee menli kɔkpu ɛyɛlɛ wɔ ɛkɛ ne sonle ye.

Edwɛndolɛ Buluku ne 22:16

Ɛhɛe, ahwea ɛbɔ ɛyia me; amumuyɛma kpolane ɛbɔ ɛyia me; bɛfitifiti me sa nee me gyakɛ anu.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Edwɛkpa ne kɛmɔ Mateyu hɛlɛle la 26:54

Noko saa ɔba ye zɔhane a, ɛnee kɛ ɔkɛyɛ na Nyamenle Edwɛkɛ ne mɔɔ se ɛhye mɔ bazi la ayɛ nɔhalɛ ɛ?”

Edwɛkpa ne kɛmɔ Mateyu hɛlɛle la 8:20

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame, Sonla Ra, menlɛ ɛleka mɔɔ meto me ti a.”

Edwɛkpa ne kɛmɔ Luku hɛlɛle la 24:20

Yɛ sɛlɛvolɛ mgbanyinli nee mgbanyima ne mɔ yele ye manle bɛbule ye ewule fɔlɛ, na bɛbɔle ye meanubaka nu.

Dw 18:32

(Ɛhye zile, amaa Gyisɛse edwɛkɛ ne mɔɔ ɔhanle wɔ ye ewule nwo la ayɛ nɔhalɛ.)

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Dw 8:28

Yemɔti Gyisɛse zele bɛ kɛ, “Saa bɛmaa medame Sonla Ra zo wɔ meanubaka ne azo anwuma a yɛɛ bɛkɛnwu kɛ ‘Medame a le Medame’ a; na bɛanwu kɛ menva me ngome me tumi menyɛ debie, na meka mɔɔ Selɛ ne kɛhilehile me la ala.

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.