Dw 3:12 - BAEBOLO ANZƐƐ BULUKU NWUANZANWUANZA

¹² Saa meka ninyɛne mɔɔ wɔ ewiade ye anu la anwo edwɛkɛ mekile bɛ na bɛnlie bɛnli a, ɛnee saa meka anwuma lɔ edwɛkɛ mekile bɛ a kɛ ɔkɛyɛ na bɛalie bɛali ɛ?

Dw 3:12 ပူးပေါင်းရင်းမြစ်များ

Dw 3:11

Meka nɔhalɛ meahile wɔ: yɛka mɔɔ yɛnwu ye na yɛbɔ mɔɔ yɛde la nolo, noko bɛ biala ɛnlie yɛ edwɛkɛ ne ɛndo nuhua.

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Dw 3:8

Anwoma ne bɔ kɔ ɛleka mɔɔ ɔkulo la; ɛte ɔ ne, na ɛnze ɛleka mɔɔ ɔvi ɔba a, yɛɛ ɛnze ɛleka mɔɔ ɔkɔ a. Zɔhane ala yɛɛ awie biala mɔɔ bɛkɛwo ye Sunsum nu la de a.”

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 5:11

Yɛlɛ dɔɔnwo yɛka wɔ edwɛkɛ ɛhye anwo, noko nuhua ngilenu bayɛ se amaa bɛ, ɔboalekɛ bɛ ndelebɛbo le ekyi.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.