Dw 21:7 - BAEBOLO ANZƐƐ BULUKU NWUANZANWUANZA

⁷ Ɛdoavolɛ ne mɔɔ Gyisɛse kulo ye edwɛkɛ la hanle hilele Pita kɛ, “Awulae ɔ.” Saemɔn Pita dele kɛ Awulae la, ɔvale ye anwuma tɛladeɛ ne ɔwulale (ɔluakɛ ɛnee yekpa yegua) na ɔwulule ɔdɔle azule ne anu ɔweɛle ɔrale file zo.

Dw 21:7 ပူးပေါင်းရင်းမြစ်များ

Edwɛndolɛ Buluku ne 118:23

Ɛdɛnkɛma yɛɛ ɛyɛ ɛhye a; yɛnea a ɔyɛ nwanwane.

Sɔlɔmɔn Edwɛne 8:7

Nzule ɛngola ɛhulolɛ nua, yɛɛ azuyilɛ ɛngola ye monla. Saa sonla fa ye sua nu anwonyia kɔsɔɔti kɛ ɔfa yeadɔ ɛhulolɛ a, mɔɔ ɔbanyia ye la a le amgbuzilɛ.

Edwɛkpa ne kɛmɔ Maake hɛlɛle la 11:3

Saa awie biza bɛ mɔɔ bɛlɛyɛ la abo a, bɛze ye kɛ, ‘Yɛ menle ne ɛhyia nwolɛ’ na ɔbamaa bɛ nee ye ara.”

Edwɛkpa ne kɛmɔ Luku hɛlɛle la 12:35

“Bɛziezie bɛ nwo bɛmaa debie biala mɔɔ kɛzi bɛ adenle nu la, na bɛmaa bɛ ahɛnlaneɛ ɛda

Edwɛkpa ne kɛmɔ Luku hɛlɛle la 2:11

Ɛnɛ kenle ye bɛwo bɛ Ngoanedievolɛ ne, mɔɔ le Awulae Kelaese ne wɔ Devidi sua zo.

Edwɛkpa ne kɛmɔ Luku hɛlɛle la 7:47

Ɛhye ati meka meahile wɔ kɛ, ɛhulolɛ kpole ne mɔɔ yehile la, kile kɛ bɛva ye ɛtane bebelebe ne bɛhyɛ ye. Mɔɔ bɛkɛva ekyi bɛkɛhyɛ ye la ɛhulolɛ le ekyi bie ala.”

Dw 13:23

Ɛnee ɛdoavolɛ ne mɔɔ Gyisɛse kulo ye edwɛkɛ la de Gyisɛse anwo ɛkɛ ne.

Dw 19:26

Gyisɛse nwunle kɛ ɔ nli nee ɛdoavolɛ ne mɔɔ ɔkulo ye edwɛkɛ la gyi ɛkɛ ne la ɔhanle ɔhilele ɔ nli kɛ, “Ɔmɔ, nea, ɛ ra nrenya ɛne.”

Dw 20:2

Ɔnriandile ɔhɔbɔle Saemɔn Pita nee ɛdoavolɛ ne mɔɔ Gyisɛse kulo ye edwɛkɛ la amaneɛ kɛ, “Bɛye Awulae wɔ nla ne anu bɛhɔ, na yɛnnwu ɛleka mɔɔ bɛhɔdo ye a.”

Dw 20:20

Ɔhanle ɛhye la, ɔvale ɔ sa nee ɔ nvenle ɔhilele bɛ. Ɛdoavolɛma ne anye liele kpole kɛ bɛnwu Awulae a.

Dw 20:28

Tɔmase buale kɛ, “Me Awulae nee me Nyamenle!”

Dw 21:20

Pita hakyile ɔ nwo na ɔnwunle kɛ ɛdoavolɛ ko ne mɔɔ Gyisɛse kulo ye edwɛkɛ la doa bɛ. Ɛdoavolɛ ɛhye ala a mekɛ mɔɔ bɛdi aleɛ ne la, ɔhwenle ɔbikyele Gyisɛse na ɔbizale ye kɛ, “Awulae, nwane a baye wɔ amaa?” la.

Dw 21:24

Ɛdoavolɛ zɔhane a le ɛdoavolɛ ne mɔɔ ɛlɛka edwɛkɛ ɛhye mɔ la, yemɔ noko ala a eza hɛlɛle a, na yɛze kɛ mɔɔ yeha la le nɔhalɛ.

Dw 21:8

Ɛdoavolɛma ne mɔ mɔɔ hale la vale ɛlɛne ne radwule aze, bɛhwenle avonle ne mɔɔ fɛlɛ ɛyi ye tɔ la bɛrale. Ɛnee bɛ nee aze anwa biala, ɔkɛyɛ abɛsamu abulanlu.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 2:36

“Zɔhane ati, bɛmaa Yizilayɛma amuala ɛnwu ye wienyi kɛ, Gyisɛse ɛhye mɔɔ bɛbɔle ye meanubaka nu la, yemɔ ala yɛɛ Nyamenle ɛyɛ ye Awulae nee Mɛzaya a.”

1 Kɔl 15:47

Ndɛtɛlɛ a Nyamenle vale bɔle sonla ne mɔɔ lumua la a, na sonla ne mɔɔ tɔ zolɛ nwiɔ la vi anwuma a rale a.

2 Kɔl 5:14

Ɔluakɛ Kelaese ɛhulolɛ ne a sie yɛ a, ɔboalekɛ yɛdie yɛto nu kɛ sonla ko wule manle menli kɔsɔɔti, na ye zɔhane ati menli kɔsɔɔti ɛwu.

Gyemise Kɛlata ne 2:1

Me mediema, kɛmɔ bɛlɛ diedi wɔ yɛ Awulae Gyisɛse Kelaese, mɔɔ le anyunlunyia Awulae ne la anu la ati, bɛmmanea sonla nyunlu na bɛabu ye bie.