Dw 21:2 - BAEBOLO ANZƐƐ BULUKU NWUANZANWUANZA

² Saemɔn Pita, Tɔmase, mɔɔ bɛfɛlɛ ye Nda, Natanayɛle, mɔɔ vi Kana mɔɔ wɔ Galeli maanzinli nu la, Zɛbɛdi amra ne mɔ, yɛɛ Gyisɛse ɛdoavolɛma gyɛne nwiɔ, bɛ muala bɛwɔ ɛkɛ.

Dw 21:2 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:3

Felepe nee Baatɔlomiyu; Tɔmase nee Mateyu mɔɔ le adwuledievolɛ ne; Afeɛse ara Gyemise nee Tadease;

Edwɛkpa ne kɛmɔ Maake hɛlɛle la 1:19

Ɔhɔle ɔ nyunlu ekyii la, ɔnwunle mediema nwiɔ bieko, Gyemise nee Dwɔn, nrenya Zɛbɛdi amra ne mɔ kɛ bɛwɔ ɛlɛne nu bɛlɛsa bɛ avonle.

Edwɛkpa ne kɛmɔ Luku hɛlɛle la 5:10

Zɔhane ala noko yɛɛ Saemɔn agɔnwo mɔ, Gyemise nee Dwɔn, mɔɔ le Zɛbɛdi amra ne mɔ, bɛdabɛ ɛzulolɛ hanle bɛ a. Gyisɛse zele Saemɔn kɛ, “Mmasulo, ɔvi ɛnɛ mɔɔ kɔ la ɛbahye menli wɔamaa Nyamenle.”

Dw 1:45

Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Dw 11:16

Tɔmase (mɔɔ eza bɛfɛlɛ ye Nda la) zele ɔ gɔnwo mɔ ɛdoavolɛma ne mɔ kɛ, “Bɛmaa yɛ nee Kilehilevolɛ ne ɛhɔ na saa ewule bɔbɔ a yɛ nee ye ɛhɔwu.”

Dw 2:1

Ye kenle nwiɔ ne anzi bɛliele atɔfolɛ bie wɔ Kana sua zo, wɔ Galeli maanzinli nu. Gyisɛse ɔ nli wɔ ɛkɛ ne bie,

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Dw 20:28

Tɔmase buale kɛ, “Me Awulae nee me Nyamenle!”

Dw 4:46

Akee Gyisɛse ziale hɔle Galeli sua ne mɔɔ bɛfɛlɛ ye Kana la azo bieko, ɛleka mɔɔ ɔhakyile nzule ne nwanye la. Arane abɔlɔba bie wɔ ɛkɛ mɔɔ ɔ ra wɔ Kapɛnayɛm na ɔnde kpɔkɛ a.

Dwɔhyua Buluku ne 19:28

Yibolɔn, Rilihɔbo, Hamɔn, yɛɛ Kana, na ɔwie Saedɛn.