Dw 20:9 - BAEBOLO ANZƐƐ BULUKU NWUANZANWUANZA

⁹ (Ɛnee bɛtɛtele Nyamenle Edwɛkɛ ne abo kɛ ɔse ɔwɔ kɛ ɔdwazo ɔfi ewule nu.)

Dw 20:9 ပူးပေါင်းရင်းမြစ်များ

Edwɛndolɛ Buluku ne 16:10

Ɔluakɛ wɔanye me wɔammaa Ɛbolɔ, yɛɛ wɔammaa wɔ Nwuanzanwuanza Ko ne amkpɔlɔ.

Edwɛndolɛ Buluku ne 22:15

Me kɔmenzia ɛwe resee kɛ fulonvule nu; me tafinlima ɛbeta me anwuma awudwɔlɛ. wɔdo me aze wɔ ewule ndɛtɛlɛ nu.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Hozia Buluku ne 13:14

Memkpɔne bɛ menvi Ɛbolɔ tumi bo ɔ? Menlie bɛ menvi Ewule asa anu ɔ? O Ewule, wɔ bɔlɔ ne wɔ nienwu? O Ɛbolɔ, wɔ ɛzɛkyelɛ tumi ne wɔ nienwu? Anwunvɔnezelɛ ɛnle me nye zo bieko.

Edwɛkpa ne kɛmɔ Mateyu hɛlɛle la 22:29

Gyisɛse buale bɛ kɛ, “Bɛvo kpole! Ɔboalekɛ bɛnze Nyamenle Edwɛkɛ ne anzɛɛ Nyamenle tumi ne kɛ si de la.

Edwɛkpa ne kɛmɔ Luku hɛlɛle la 24:26

Asoo bɛnnwu ye kɛ ɔwɔ kɛ Mɛzaya ne nwu amaneɛ ɛhye mɔ amuala na yeahɔ ye anyunlunyia ne anu?”

Edwɛkpa ne kɛmɔ Luku hɛlɛle la 9:45

Na ɛdoavolɛma ne ande ɛhye abo. Bɛvale bɛveale bɛ, yemɔti bɛande ɔ bo, eza bɛzulole kɛ bɛkɛbiza ye mɔɔ ɔhanle la anwo bie.

Dw 2:22

Yemɔti mɔɔ bɛdwazole ye bɛvile ewule nu la, ye ɛdoavolɛma ne hakyele kɛ yeha ɛhye ɛlɛ, na bɛliele Nyamenle Edwɛkɛ ne nee mɔɔ Gyisɛse hanle la noko bɛlile.

Ɛzoanvolɛma Gyima ne 17:3

Ɔhilehilele nu ɔmanle bɛnwunle kɛ ɔwɔ kɛ Mɛzaya ne nwu amaneɛ na bɛdwazo ye bɛfi ewule nu, na ɔvale ɔzɔle zolɛ kɛ, “Gyisɛse ɛhye mɔɔ melɛka ɔ nwo edwɛkɛ meahile bɛ la, yemɔ a le Mɛzaya ne.”

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

1 Kɔl 15:4

Bɛziele ye na ye kenle nsa ne azo, Nyamenle dwazole ye rale ngoane nu, kɛmɔ Nyamenle Edwɛkɛ ne se la.