Dw 2:25 - BAEBOLO ANZƐƐ BULUKU NWUANZANWUANZA

²⁵ Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 2:25 ပူးပေါင်းရင်းမြစ်များ

1 Arl 8:39

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,

Ayezaya Buluku ne 11:3

Ɔbava anyelielɛ yeayɛ tieyɛ yeamaa Ɛdɛnkɛma, ɔnrɛbua ndɛne ɛnyelɛzo, yɛɛ ɔnrɛhyea ɔ nzo ɔnrɛbua ndɛne.

Edwɛkpa ne kɛmɔ Mateyu hɛlɛle la 9:4

Gyisɛse nwunle bɛ adwenle, yemɔti ɔzele bɛ kɛ, “Duzu ati a bɛ adwenle le ɛtane zɛhae a?

Dw 1:42

Na ɔ nee Saemɔn bɛrale Gyisɛse ɛkɛ. Gyisɛse nleanle Pita koonwu na ɔzele ye kɛ, “Wɔmɔ a ɛle Saemɔn, mɔɔ le Dwɔn ara ne. Bɛbavɛlɛ wɔ Sifase.” (“Sifase” yemɔ ala a le “Pita” na ɔ bo a le “Bodane”.)

Dw 1:47

Mɔɔ Gyisɛse nwunle kɛ Natanayɛle ɛlɛba la, ɔzele kɛ, “Bɛnlea, Yizilayɛnli kpalɛ mɔɔ ɛnze adalɛ bɔ la ɛne!”

Dw 13:11

Ɛnee Gyisɛse ze sonla mɔɔ baye ye amaa la, ɛhye ati a ɔhanle kɛ, “Bɛ muala bɛ nwo le bɔkɔbɔkɔ, sonla ko ala a anwo ɛnle bɔkɔbɔkɔ a.”

Dw 6:61

Awie anga angile Gyisɛse, noko ɔnwunle mɔɔ menli mɔɔ doa ye la ɛlɛka ye bɛ nzo abo wɔ ɛhye anwo la; yemɔti ɔzele bɛ kɛ, “Ɛhye kpondɛ amaa bɛakpo aze ɔ?

Dw 6:64

Noko bɛ bie mɔ ɛnlie ɛnli.” (Mɔlebɛbo ne amuala ɛnee Gyisɛse ze bɛdabɛ mɔɔ bɛnrɛlie bɛnrɛli, nee sonla mɔɔ baye ye amaa la.)

Mɛla 31:21

Na saa edwɛkɛ to bɛ na munzule si bɛ nwo zo a, edwɛne ɛhye bara bɛ ti anu yeamaa bɛ ti anu aze bɛ, ɔboalekɛ bɛ bo zo amra bɔbɔ arɛle ɛnrɛvi edwɛne ɛhye. Bɛbahakye ye dahuu. Bɛtɛdwule azɛlɛ ne mɔɔ meva mebɔ bɛ ɛwɔkɛ la azo bɔbɔ, noko meze mɔɔ kɛkala angome bɛlɛdwenle debie mɔɔ bɛdwu a bɛbayɛ la anwo.”