Dw 2:19 - BAEBOLO ANZƐƐ BULUKU NWUANZANWUANZA

¹⁹ Gyisɛse buale kɛ, “Bɛbubu Ɛzonlenlɛ Sua ɛhye bɛgua na mebava kenle nsa meazi ye bieko.”

Dw 2:19 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:40

Kɛmɔ Dwona lile ewiazo nee nɔɔzo kenle nsa wɔ nyevizonle ne akunlu la, zɔhane ala yɛɛ medame, Sonla Ra, mebali ewiazo nee nɔɔzo kenle nsa wɔ azɛlɛ ti anu a.

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 27:40

“Wɔmɔ ɛdawɔ ɛse ɛkola ɛbubu Ɛzonlenlɛ Sua ne na ɛfa kenle nsa ɛsi! Saa wɔmɔ a ɛle Nyamenle Ara ne a, die ɛ nwo ɛ! Ɛvi meanubaka ne azo dwu aze!”

Edwɛkpa ne kɛmɔ Mateyu hɛlɛle la 27:63

na bɛzele ye kɛ, “Yɛmenle, yɛkakye kɛ mekɛ mɔɔ adalɛ ne de aze la, ɔhanle kɛ, ‘Ye kenle nsa ne azo bɛbadwazo me bɛara ngoane nu.’

Edwɛkpa ne kɛmɔ Maake hɛlɛle la 14:58

“Yɛdele kɛ ɔlɛka kɛ, ‘Mebabubu Ɛzonlenlɛ Sua ɛhye mɔɔ menli ɛzi la, na ye kenle nsa ne anzi meazi bie mɔɔ tɛ menli a zile la.’ ”

Edwɛkpa ne kɛmɔ Maake hɛlɛle la 15:29

Menli mɔɔ pɛle nu ɛkɛ ne la kpusule bɛ ti na bɛgolole Gyisɛse anwo bɛhanle kɛ, “Wɔmɔ ɛse ɛbabubu Ɛzonlenlɛ Sua ne na wɔava kenle nsa wɔazi.

Edwɛkpa ne kɛmɔ Maake hɛlɛle la 8:31

Akee Gyisɛse bɔle ɔ bo kɛ ɔkilehile ye ɛdoavolɛma ne kɛ, “Ɔwɔ kɛ Medame Sonla Ra, menwu amaneɛ somaa na mgbanyima ne nee sɛlɛvolɛ mgbanyinli nee mɛla kilehilevolɛma ne mɔ kpo me. Bɛbahu me na kenle nsa ne anzi mebadwazo meara ngoane nu bieko.”

Dw 11:25

Gyisɛse zele ye kɛ, “Mame a mele ewudwazo ne nee ngoane ne a. Mɔɔ kɛlie me kɛli la, saa ɔwu bɔbɔ a ɔkɛnyia ngoane;

Dw 5:19

Yemɔti Gyisɛse zele bɛ kɛ, “Meka nɔhalɛ ne meahile bɛ: Ralɛ ne angome ɛnli ɔ ti anwo ɛnyɛ debie biala; ɔyɛ mɔɔ ɔkɛnwu kɛ Selɛ ne ɛlɛyɛ la ala angome. Mɔɔ Selɛ ne yɛ la, yɛɛ Ralɛ ne ɔdaye ɔyɛ a.

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Ɛzoanvolɛma Gyima ne 6:14

Yɛdele kɛ ɔlɛka kɛ Gyisɛse ne mɔɔ vi Nazalɛte la barazɛkye Ɛzonlenlɛ Sua ye, na yeahakyi maamɛla biala mɔɔ Mosisi hyehyɛle manle yɛ la!”

Wulo 4:24

Bɛhɛlɛle bɛmanle yɛdayɛ noko mɔɔ yɛdie mɔɔ dwazole yɛ Awulae Gyisɛse vile ewule nu la yɛdi la.

Wulo 6:4

Zɔhane ati yɛlua ɛzɔnenlɛ ne azo bɛziele yɛ bɛbokale ɔ nwo wɔ mekɛ mɔɔ ɔwule la, amaa kɛmɔ Selɛ ne vale anyunlunyia tumi ne dwazole ye vile ewule nu la, yɛdayɛ noko yɛabɔ yɛ ɛbɛla ne fofolɛ.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

1 Kɔl 15:12

Saa kɛkala yɛ nolobɔlɛ a le kɛ Nyamenle ɛdwazo Kelaese ɛvi ewule nu a, ɛnee kɛ ɔsi mɔɔ bɛ bie mɔ kola ka kɛ bɛnrɛdwazo mɔwuamra bɛnrɛra ngoane nu ɛ?

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,