Dw 19:6 - BAEBOLO ANZƐƐ BULUKU NWUANZANWUANZA

⁶ Sɛlɛvolɛ mgbanyinli ne nee sinzavolɛma ne mɔ nwunle ye la bɛdeɛdeanle nu kɛ, “Bɔ ye meanubaka nu! Bɔ ye meanubaka nu!” Paelɛte zele bɛ kɛ, “Ɛnee bɛdabɛ bɛrava ye bɛhɔbɔ ye meanubaka nu. Mennwu debie mɔɔ yemɔti ɔwɔ kɛ mebu ye ewule fɔlɛ a!”

Dw 19:6 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 26:58

Pita doale Gyisɛse nanamogya toonwo ɔhɔdwule Sɛlɛvolɛ Kpanyinli ne sua nu ɛkɛ. Ɔwolole ɛkɛ ne na ɔhɔdɛnlanle sinzavolɛma ne avinli kɛ ɔnea mɔɔ ɛzi la guabelɛ.

Edwɛkpa ne kɛmɔ Mateyu hɛlɛle la 27:22

Paelɛte bizale bɛ kɛ, “Na kɛ menyɛ Gyisɛse ne mɔɔ bɛfɛlɛ ye Kelaese ne la ɛ?” Na bɛ muala bɛhanle kɛ, “Bɔ ye meanubaka nu!”

Edwɛkpa ne kɛmɔ Mateyu hɛlɛle la 27:24

Mɔɔ Paelɛte nwunle kɛ ɔyɛ nwolɛ bie ala a ɔnrɛyɛ boɛ, na ɔlua zo nzaka kpondɛ ara la, ɔvale nzule ɔnrinzinle ɔ sa anwo wɔ menli ne amuala anyunlu ɛkɛ ne na ɔzele kɛ, “Menze sonla ɛhye ewule ne anwo bie; menli nwolɛ ɛzonle! Bɛdabɛ bɛ edwɛkɛ ɔ!”

Edwɛkpa ne kɛmɔ Luku hɛlɛle la 23:4

Paelɛte zele sɛlɛvolɛ mgbanyinli ne nee menli dɔɔnwo ne kɛ, “Mennwu ɛtane biala mɔɔ nrenya ye ɛyɛ a.”

Dw 18:3

Ɛhye ati Dwudase vale Wulomu sogyama nee Ɛzonlenlɛ Sua ne sinzavolɛma mɔɔ sɛlɛvolɛ mgbanyima ne nee Falasiima zoanle bɛ la rale tola ne anu. Bɛkɔ la bɛdedɛ ahoholombaka nee dadeɛ, tɛkɛ, yɛɛ tayia.

Dw 18:31

Paelɛte zele bɛ kɛ, “Ɛnee bɛdabɛ bɛva ye bɛhɔ bɛhɔli ye edwɛkɛ, kɛmɔ bɛ mɛla ne se la!” Dwuuma ne buale kɛ, “Bɛmɛ Wulomuma bɛ mɛla ne ɛmmaa yɛ adenle yɛmbua awie fɔlɛ yɛngu ye.”

Dw 18:38

Paelɛte bizale kɛ, “Duzu a le nɔhalɛ ne?” Paelɛte eza vindele doale Dwuuma ne wɔ gua ne azo nehane na ɔzele bɛ kɛ, “Mennwu debie mɔɔ yemɔti ɔwɔ kɛ mebu sonla ne ewule fɔlɛ a.

Dw 19:15

Dwuuma ne hanle ye kpole kpalɛ kɛ, “Ku ye! Ku ye! Bɔ ye meanubaka nu!” Paelɛte bizale bɛ kɛ, “Bɛkpondɛ kɛ mebɔ bɛ belemgbunli ne meanubaka nu ɔ?” Sɛlɛvolɛ mgbanyinli ne mɔ buale ye kɛ, “Yɛ belemgbunli ala a le Siza!”

Dw 19:4

Paelɛte eza ziale doale Dwuuma ne wɔ gua ne azo lɔ na ɔzele bɛ kɛ, “Bɛdie, me nee ye ba ɛke meamaa bɛanwu kɛ mennwu nvonleɛ biala wɔ ɔ nwo mɔɔ medua zolɛ mebu ye ewule fɔlɛ a.”

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.