Dw 19:30 - BAEBOLO ANZƐƐ BULUKU NWUANZANWUANZA

³⁰ Gyisɛse liele nwanye ne na ɔhanle kɛ, “Yewie!” Akee ɔbɔle ɔ ti aze na ɔwule.

Dw 19:30 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Edwɛndolɛ Buluku ne 22:15

Me kɔmenzia ɛwe resee kɛ fulonvule nu; me tafinlima ɛbeta me anwuma awudwɔlɛ. wɔdo me aze wɔ ewule ndɛtɛlɛ nu.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Ayezaya Buluku ne 53:12

Yemɔti mebamaa ye ɛleka wɔ mgbolema avinli, na ɔ nee anwosesebɛma ahyɛ ninyɛne mɔɔ bɛnyianle bɛ wɔ konle nu la, ɔboalekɛ ɔvale ɔ nwo ɔmanle kɛ bɛhu ye, na bɛdianle ye bɛbokale mɛladonlɛma anwo. Ɔvale menli dɔɔnwo ɛtane ɔdole ɔ nwo zo, na ɔkpale mɛladonlɛma ati kyɛlɛ.”

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Mateyu hɛlɛle la 27:50

Na Gyisɛse deanle nu kpole bieko na ɔwule.

Edwɛkpa ne kɛmɔ Mateyu hɛlɛle la 3:15

Gyisɛse buale kɛ, “Maa ɔyɛ zɔhane kɛkala. Ɔluakɛ ɔle kpalɛ kɛ yɛfa zɛhae adenle zo yɛyɛ mɔɔ Nyamenle kpondɛ kɛ yɛyɛ la.” Zɔhane ati Dwɔn kponlenle zolɛ na ɔzɔnenle ye.

Edwɛkpa ne kɛmɔ Maake hɛlɛle la 15:37

Na Gyisɛse deanle nu kpole bie na ɔwule.

Edwɛkpa ne kɛmɔ Luku hɛlɛle la 22:37

Ɔluakɛ meka meahile bɛ, ɔwɔ kɛ mɔɔ Nyamenle Edwɛkɛ ne ɛha ye wɔ me nwo la yɛ nɔhalɛ. Ɔse, ‘Bɛdianle ye bɛbokale maamɔvoma anwo,’ ɔboalekɛ mɔɔ bɛhɛlɛle mɔɔ fane me nwo la ɛlɛba arape zolɛ.”

Edwɛkpa ne kɛmɔ Luku hɛlɛle la 23:46

Na Gyisɛse deanle nu kpole kɛ, “Egya! Me ɛkɛla wɔ ɛ sa nu!” Ɔhanle ɛhye na ɔwule.

Dw 10:11

“Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

Dw 10:18

Awie ɛngola ɛnye me ngoane. Medame me ngome a mekola megyakyi nu a. Melɛ adenle mekola mefa memaa, yɛɛ melɛ adenle mefa me debie bieko. Mɔɔ Egya ɛhyehyɛ ɛmaa me kɛ ɔwɔ kɛ meyɛ la ɛne.”

Dw 17:4

Mehile wɔ anyunlunyia ne wɔ azɛlɛ ye azo; mewie gyima mɔɔ ɛvale ɛmanle me la di.

Dw 19:28

Gyisɛse nwunle kɛ akee debie biala ɛli munli ɛwie. Yemɔti amaa Nyamenle Edwɛkɛ ne ayɛ nɔhalɛ la, ɔhanle kɛ, “Nzuhɔne ɛlɛku me.”

Dw 4:34

Gyisɛse zele bɛ kɛ, “Me aleɛ a le kɛ menwɔli mɔɔ zoanle me la ɛhulolɛdeɛ zo na menwɔwie gyima mɔɔ ɔvale ɔmanle me kɛ menyɛ la yɛ.

Wulo 10:4

Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

1 Kɔl 5:7

Bɛye fɛlɛ ne mɔɔ ɛlɔ azonlɛ la wɔ bɛ avinli na bɛ nwo ade saanwu, amaa bɛayɛ menli fofolɛ mɔɔ evinli biala ɛnle bɛ nwo a, kɛmɔ meze ye wienyi kɛ amgba bɛde la. Ɔluakɛ kɛkala mɔɔ bɛhu Kelaese, yɛ Akpabɛnwo boaneralɛ ne bɛbɔ azu la,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:8

ɔbɛlɛle ɔ nwo aze ɔyɛle tieyɛ ɔhɔle ewule nu, na ɔwule meanubaka zo bɔbɔ.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.