Dw 19:11 - BAEBOLO ANZƐƐ BULUKU NWUANZANWUANZA

¹¹ Gyisɛse buale ye kɛ, “Ɛlɛ me nwo zo tumi, ɔluakɛ Nyamenle yɛɛ ɛva ɛmaa wɔ a. Yemɔti sonla ne mɔɔ vale me rawulale ɛ sa nu la a di ɛzonle kpole kpalɛ a.”

Dw 19:11 ပူးပေါင်းရင်းမြစ်များ

1 Edk 29:11

Ɛle kpole, ɛlɛ tumi, ɛle nwuanzanwuanza, ɛle katakyie, ɛle belemgbunli. Debie biala mɔɔ wɔ anwuma nee aze la le wɔ ɛdeɛ, na ɛdi bɛ kɔsɔɔti bɛ nwo zo belemgbunli.

Edwɛndolɛ Buluku ne 39:9

Medɔ mumule, membuke me nloa, ɔluakɛ ɛdawɔ yɛɛ wɔyɛ a.

Edwɛndolɛ Buluku ne 62:11

Nyamenle ɛdendɛ ko; mede ɛhye fane nwiɔ; kɛ tumi le Nyamenle ɛdeɛ.

Gyɛlɛmaya Awolɛyelɛ 3:37

Nwane a ɛha ɛmaa yeyɛ zɔ a? Kyesɛ Awulae ɔdaye yehyehyɛ ye zɔ.

Daneɛle Buluku ne 4:17

Nyamenle soanvolɛma ne mɔɔ sinza la anloa edwɛkɛ ɛne. Ɔle kpɔkɛ mɔɔ nwuanzanwuanzama ne ɛbɔ, amaa menli kɔsɔɔti anwu kɛ Anwuma Anwumanli ne lɛ tumi wɔ ewiade belemgbunlililɛ zo, yɛɛ ɔfa ɔmaa awie biala mɔɔ ɔkulo la, ɔnvane nwolɛ kɛ ahenle le koahweabane bɔbɔ.’

Daneɛle Buluku ne 4:25

Bɛbavoa wɔ bɛavi menli nu bɛamaa ɛ nee ɛbɔ nu nane ahɔdɛnla; ɛbali ndile kɛ ɛnlankɛ nyinli na ɛbɔlɛ adɔ ɛ nwo zo toonwo ɛvolɛ nsuu. Ɛhye anzi ɛbanwu kɛ Anwuma Anwumanli ne a sie ewiade a, yɛɛ ɔfa ɔmaa awie biala mɔɔ ɔkulo la.

Daneɛle Buluku ne 4:32

Bɛbavoa wɔ bɛavi menli avinli na ɛ nee ɛbɔ nu nane ahɔdɛnla. Bɛbamaa wɔali ndile kɛ ɛnlankɛ nyinli la toonwo ɛvolɛ nsuu, kɔkpula mekɛ mɔɔ ɛkɛnwu kɛ Anwuma Anwumanli ne a sie ewiade a, yɛɛ ɔfa ɔmaa awie biala mɔɔ ɔkulo la.”

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Daneɛle Buluku ne 5:21

Bɛvoanle ye bɛvile menli avinli, ye adwenle yɛle kɛ nane adwenle na ɔ nee nanemgbole hɔdɛnlanle. Ɔlile ndile kɛ ɛnlankɛ nyinli la, ɛbɔlɛ dɔle loale ye hɔdwule kɛ ɔnwunle kɛ Anwuma Anwuma Nyamenle ne a sie ewiade a, yɛɛ ɔfa ɔmaa sonla mɔɔ ɔkulo ye la nea zolɛ.

Edwɛkpa ne kɛmɔ Mateyu hɛlɛle la 26:65

Ɛhye manle Sɛlɛvolɛ Kpanyinli ne vale ɛya na ɔsuosuanle ɔdaye mumua ne ye tɛladeɛ mɔɔ ɔwula la anu na ɔzele kɛ, “Yedindi Nyamenle anyunlu! Yɛngyia dasevolɛma bieko. Kɛkala bɛdabɛ bɛde ye munzule edwɛkɛ mɔɔ yeha la!

Edwɛkpa ne kɛmɔ Mateyu hɛlɛle la 27:2

Bɛguale ye anga na bɛvale ye bɛhɔmanle Paelɛte mɔɔ le Wulomu amɛnlado ne.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Maake hɛlɛle la 14:44

Mɔɔ yele ye manle la ɛmaa ɛlɔne ne ɛde ɔ bo kɛ, “Sonla ne mɔɔ menwɔvo ɔ nloa anwo la a le ahenle ne mɔɔ bɛkpondɛ ye la. Bɛhye ye na bɛnlea ye boɛ bɛva ye bɛhɔ.”

Edwɛkpa ne kɛmɔ Luku hɛlɛle la 22:53

Dahuu me nee bɛ a wɔ Ɛzonlenlɛ Sua ne anu a, na bɛangola bɛangye me. Na awozinli nu tumi ne ɛdwazo, yemɔti bɛ mekɛ ne ala ɛne!”

Dw 18:13

na bɛlumuale bɛvale ye bɛhɔle Sɛlɛvolɛ Kpanyinli Anase ɛkɛ. Anase le Kayafase, mɔɔ le ɛvolɛ ne anu Sɛlɛvolɛ Kpanyinli la aye ne ɔ ze.

Dw 18:3

Ɛhye ati Dwudase vale Wulomu sogyama nee Ɛzonlenlɛ Sua ne sinzavolɛma mɔɔ sɛlɛvolɛ mgbanyima ne nee Falasiima zoanle bɛ la rale tola ne anu. Bɛkɔ la bɛdedɛ ahoholombaka nee dadeɛ, tɛkɛ, yɛɛ tayia.

Dw 19:10

Paelɛte zele ye kɛ, “Ɛnrɛdɛne me zo? Kakye kɛ melɛ tumi mekola megyakyi wɔ anzɛɛ memaa bɛbɔ wɔ meanubaka nu bɛku wɔ.”

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Dw 7:30

Yemɔti bɛyɛle kɛ bɛkye ye, noko awie angola anzɔ ye nu, ɔboalekɛ ɛnee ye mekɛ ne ɛtɛdwule.

Dw 9:41

Gyisɛse buale kɛ, “Saa bɛ nye ɛzi a, anrɛɛ bɛnli fɔlɛ, na kɛmɔ bɛdabɛ bɛse bɛnwu debie la, bɛ fɔlɛlilɛ doa bɛ.”

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Wulo 13:1

Ɔwɔ kɛ awie biala bu mgbanyima mɔɔ ɛlɛbu maanle ne la, ɔboalekɛ tumi biala ɛnle ɛkɛ mɔɔ Nyamenle ɛnze nu a, yɛɛ mgbanyima mɔɔ wɔ zo kɛkala la, Nyamenle a ɛva bɛ ɛzie ɛkɛ a.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

Gyemise Kɛlata ne 4:17

Yemɔti, sonla ne mɔɔ ze debie kpalɛ mɔɔ ɔwɔ kɛ ɔyɛ na yeanyɛ la, ɔle ɛtane ɔmaa ye.