Dw 19:1 - BAEBOLO ANZƐƐ BULUKU NWUANZANWUANZA

¹ Paelɛte manle bɛbilale Gyisɛse empele.

Dw 19:1 ပူးပေါင်းရင်းမြစ်များ

Edwɛndolɛ Buluku ne 129:3

Bɛrelerelele me nzi kuma nu, bɛpɛle ye ahuma kɛ ɛyazonlɛnli fa alua aleɛ.

Ayezaya Buluku ne 50:6

Mengakyile me nzi memanle menli mɔɔ bo me la, menvale me kɛsa memanle bɛdabɛ mɔɔ bɛdudule me kɛsa la; mɔɔ bɛtoto me nyunlu nyɛlɛ, bɛgua me nyunlu aze la, meanva me nyunlu meanvea.

Ayezaya Buluku ne 53:5

Noko yɛ mɛladonlɛ ne mɔ ati bɛbodɛbodale ye, bɛbodɛbodale ye wɔ yɛ ɛtane ne mɔ ati; bɛvale yɛ nwo ndeanlɛ bɛguale ɔ nwo zo, ye empele mɔɔ bɛbilale ye la ɛyɛ yɛ ayile.

Edwɛkpa ne kɛmɔ Mateyu hɛlɛle la 20:19

na bɛava me bɛawula menli mɔɔ ɛnle Dwuuma la asa anu. Bɛdabɛ noko bɛbazi me amgbu, bɛabila me empele, na bɛabɔ me meanubaka nu bɛahu me; na ye kenle nsa ne azo bɛbadwazo me bɛara ngoane nu.”

Edwɛkpa ne kɛmɔ Mateyu hɛlɛle la 23:34

Ɛhye ala ati yɛɛ melɛsoa Nyamenle kpɔmanvolɛma, nrɛlɛbɛvolɛma, yɛɛ kilehilevolɛma wɔ bɛ nwo a; noko bɛbahu bie mɔ, bɛbabɔ bie mɔ meanubaka nu, bɛbabo bie mɔ wɔ bɛ nyianu azua ne mɔ anu, na bɛayɛ bie mɔ kpɔdekpɔde wɔ bɛ azua ne mɔ azo.

Edwɛkpa ne kɛmɔ Luku hɛlɛle la 18:33

Bɛbabila me mbaka na bɛahu me, na ye kenle nsa ne anzi, mebadwazo meara ngoane nu.”

Edwɛkpa ne kɛmɔ Luku hɛlɛle la 23:16

Yemɔti memaa bɛabila ye mbaka na meagyakyi ye meamaa yeahɔ.” [

Edwɛkpa ne kɛmɔ Luku hɛlɛle la 23:23

Na bɛhɔle zolɛ bɛdeɛdeanle nuhua ɛsesebɛ kɛ ɔwɔ kɛ bɛbɔ Gyisɛse meanubaka nu, na nzinlii bɛlile konim.

2 Kɔl 11:24

Dwuuma ɛbila me mbaka abulasa nee ngɔnla ne fane nnu.

Kɛlata mɔɔ bɛhɛlɛle bɛhɔmanle Hibuluma la 11:36

Bɛzile bie mɔ amgbu, bɛbole bɛ, yɛɛ bɛguale bie mɔ anga na bɛguale bɛ efiade.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.