Dw 18:32 - BAEBOLO ANZƐƐ BULUKU NWUANZANWUANZA

³² (Ɛhye zile, amaa Gyisɛse edwɛkɛ ne mɔɔ ɔhanle wɔ ye ewule nwo la ayɛ nɔhalɛ.)

Dw 18:32 ပူးပေါင်းရင်းမြစ်များ

Edwɛndolɛ Buluku ne 22:16

Ɛhɛe, ahwea ɛbɔ ɛyia me; amumuyɛma kpolane ɛbɔ ɛyia me; bɛfitifiti me sa nee me gyakɛ anu.

Edwɛkpa ne kɛmɔ Mateyu hɛlɛle la 20:19

na bɛava me bɛawula menli mɔɔ ɛnle Dwuuma la asa anu. Bɛdabɛ noko bɛbazi me amgbu, bɛabila me empele, na bɛabɔ me meanubaka nu bɛahu me; na ye kenle nsa ne azo bɛbadwazo me bɛara ngoane nu.”

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Maake hɛlɛle la 10:33

Ɔzele bɛ kɛ, “Bɛdie, yɛlɛkɔ Gyɛlusalɛm, na bɛbaye medame Sonla Ra bɛawula sɛlɛvolɛ mgbanyinli nee mɛla kilehilevolɛma ne mɔ asa anu. Bɛbabua me fɔlɛ kɛ bɛhu me na bɛaye me bɛawula bɛdabɛ mɔɔ bɛnle Dwuuma la asa anu.

Dw 10:31

Dwuuma ne eza sesale awolɛ kɛ bɛtoto bɛazi ye.

Dw 10:33

Dwuuma ne buale kɛ, “Yɛnzi wɔ awolɛ kɛ wɔyɛ gyima kpalɛ la ati ɔ, yɛsi wɔ awolɛ kɛ wɔha munzule edwɛkɛ! Ɛle sonla ala, noko ɛlɛyɛ ɛ nwo Nyamenle!”

Dw 13:18

“Tɛ bɛ muala bɛ nwo edwɛkɛ a melɛka a; meze mɔɔ mekpa nu meye bɛ la. Na Nyamenle Edwɛkɛ ne mɔɔ se, ‘Sonla ne mɔɔ nee me di nee me no la hakyile ɔ nzi zile me’ la ɔwɔ kɛ yɛ zɔhane.

Dw 18:31

Paelɛte zele bɛ kɛ, “Ɛnee bɛdabɛ bɛva ye bɛhɔ bɛhɔli ye edwɛkɛ, kɛmɔ bɛ mɛla ne se la!” Dwuuma ne buale kɛ, “Bɛmɛ Wulomuma bɛ mɛla ne ɛmmaa yɛ adenle yɛmbua awie fɔlɛ yɛngu ye.”

Dw 21:19

(Gyisɛse hanle ɛhye hilele adenle holɛ ko mɔɔ Pita balua zo awu awula Nyamenle anyunlunyia la.) Akee Gyisɛse zele Pita kɛ, “Bɛla maa yɛhɔ!”

Dw 3:14

Kɛmɔ Mosisi manle kɔbele ɛwɔlɛ ne zo wɔ baka zo wɔ ɛsɛlɛ ne anu la, zɔhane ala yɛɛ bɛbamaa Sonla Ra ne zo a,

Dw 8:28

Yemɔti Gyisɛse zele bɛ kɛ, “Saa bɛmaa medame Sonla Ra zo wɔ meanubaka ne azo anwuma a yɛɛ bɛkɛnwu kɛ ‘Medame a le Medame’ a; na bɛanwu kɛ menva me ngome me tumi menyɛ debie, na meka mɔɔ Selɛ ne kɛhilehile me la ala.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Mɛla 21:23

ɔnle kɛ bɛmaa ye funli ne kenda baka ne azo aledwolɛ ne amuala. Ɔwɔ kɛ bɛye ye bɛsie ye kenle ko ne ala. Ɔluakɛ awie mɔɔ bɛkɛhenda ye bɛkɛhu ye la ɛbɔ Nyamenle anwo ebele na yeva munzule yeha azɛlɛ ne. Ɔnle kɛ bɛmaa ɔkenda ɛkɛ ne ɔsɛkye azɛlɛ ne mɔɔ Ɛdɛnkɛma bɛ Nyamenle ne bava amaa bɛ kɛ bɛ ɛdeɛ ɔ la.