Dw 18:1 - BAEBOLO ANZƐƐ BULUKU NWUANZANWUANZA

¹ Gyisɛse wiele nzɛlɛlɛ ɛhye yɛ la, ɔ nee ye ɛdoavolɛma ne hɔpɛle hɔle azule ekyi bie mɔɔ bɛfɛlɛ ye Kedelɔn la anzi. Tola bie wɔ azule ne anzi na Gyisɛse nee ye ɛdoavolɛma ne hɔle nu.

Dw 18:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:15

Ɛdɛnkɛma Nyamenle manle sonla hɔdɛnlanle Yidɛn tola ne anu kɛ ɔyɛ nu egyinli na ɔziezie ɛkɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:23

Yemɔti Ɛdɛnkɛma Nyamenle voanle ye vile Yidɛn tola ne anu kɛ ɔhɔ ɔhɔyɛ azɛlɛ ne mɔɔ ɔvi nu ɔrale la azo egyinli.

2 Sam 15:23

Mɔɔ menli ne mɔ kɔ la ezuavolɛ ne kɔsɔɔti zunle. Belemgbunli ne hɔpɛle azudenle Kedelɔn ne; menli ne kɔsɔɔti noko pɛle na bɛbɔle bɛ ti fienemgbole ne anu lɔ.

1 Arl 15:13

Akee ɔdule ɔ nla Meeyaka ɔvile Ɛhyenlema dibilɛ ne azo, ɔboalekɛ ɛnee yeyɛ bozonle raalɛ Ahyela ne ananze mɔɔ le kyibadeɛ la, na ɔsonle ye. Esa bubule Ahyela ananze ne na ɔhɔyelale ye wɔ Azule Kedelɔn ne anloa.

1 Arl 2:37

Kakye kɛ, kenle biala mɔɔ ɛkɛpɛ Azule Kedelɔn ne la ɛnee wɔ ewule mekɛ ɛdwu yɛɛ wɔ mogya bagua ɛdawɔ ɛ ti zo.”

2 Arl 23:12

Azukponle ne mɔ mɔɔ Dwuda arelemgbunli ɛsisi wɔ suakunlu ɛkɛ ne azua ne mɔ ati zo ɛleka mɔɔ Belemgbunli Ehaze dɛnlanle la, Belemgbunli Dwosaya bubule bɛ. Eza ɔbubule nuhua ne mɔ mɔɔ Belemgbunli Manasɛ sisile wɔ Ɛzonlenlɛ Sua ne alie nwiɔ ne anwo la. Ɔbubule azukponle ne mɔ anu ngyikyi ngyikyi na bɛvuandinle bɛguale Kedelɔn bɔnza ne anu.

2 Arl 23:4

Akee Belemgbunli Dwosaya zele Sɛlɛvolɛ Kpanyinli Helekaya, sɛlɛvolɛma mɔɔ boa ye, yɛɛ sinzavolɛma mɔɔ wɔ gyima nu wɔ Ɛzonlenlɛ Sua ne nlenkɛ ne mɔ anloa la kɛ bɛhwe debie biala mɔɔ bɛfa bɛsonle bozonle Beeyale, bozonle raalɛ Ahyela, yɛɛ anwumaneamra ne mɔ mɔɔ wɔ Ɛzonlenlɛ Sua ne anu la bɛvinde. Belemgbunli vale bɛ kɔsɔɔti hɔle Gyɛlusalɛm kandiba mɔɔ kɔne Azule Kedelɔn ne anloa la na ɔyelale bɛ, na ɔmanle bɛvale bɛ nzonle ne bɛhɔle Bɛtɛle.

2 Arl 23:6

Ɔyele bozonle raalɛ Ahyela ananze ne ɔvile Ɛzonlenlɛ Sua ne anu ɔvale ɔhɔle Gyɛlusalɛm kandiba wɔ Azule Kedelɔn ne anloa, ɔhɔyelale ye na ɔpele ɔmanle ɔyɛle motomoto, na ɔvale ɔkpondenle ye wɔ menli mgbanema nla zo wɔ maanle azie ne azo.

2 Edk 15:16

Belemgbunli Esa dule ɔ nli Meeyaka ebia zo kɛ ɔnle ɛhyenlema bieko, ɔboalekɛ ɛnee yeyɛ bozonle raalɛ Ahyela bɛkyi ananze ne yezie ɔ nwo ɔsonle ye. Esa bubule bozonle raalɛ Ahyela ananze ne, ɔpele na ɔhɔyelale ye wɔ azudenle Kedelɔn ne anloa.

2 Edk 29:16

Sɛlɛvolɛma ne wolole hɔle Ɛdɛnkɛma Ɛzonlenlɛ Sua ne akunlu lɔ na bɛhɔkpoɔkpoanle ɛkɛ ne bɛyele debie ɛtane biala mɔɔ bɛnwunle ye ɛkɛ ne la bɛvindele alie ne anwo. Na Livaema ne zoale ewula ne amuala hɔguale azudenle Kedelɔn ne anu.

2 Edk 30:14

Bɛkpale bɛguale na bɛdudule azukponle dɔɔnwo ne mɔ mɔɔ wɔ Gyɛlusalɛm mɔɔ bɛyela ɛyɛlɛ zo la amuala na bɛhɔvuandinle bɛ bɛguale Kedelɔn bɔnza ne anu.

Nihɛmaya Buluku ne 2:15

Akee menluale bɔnza ne anloa nɔe ne na meneanle bane ne, na menvale Bɔnza Anlenkɛ Kpole ne anloa menziale me nzi.

Gyɛlɛmaya Buluku ne 31:40

Bɔnza ne anu amuala, ɔvi ɛleka mɔɔ bɛsie avunli, ɛleka mɔɔ bɛgua ewula, nee azɛlɛ ne mɔɔ la azudenle Kedelɔn ne anzi mɔɔ kɔdwu Ɛkpɔnwɔ Anlenkɛ Kpole ne anwo wɔ aduduleɛ afoa nu la kɔsɔɔti bayɛ ɛleka nwuanzanwuanza amaa me. Bɛnrɛzɛkye suakpole ne bieko ɛlɛ.”

Sɛlɛ 2:6

Ɔwɔ kɛ bɛbubu nu na bɛgua nwole zolɛ; ɔle ma azubɔdeɛ.

Edwɛkpa ne kɛmɔ Mateyu hɛlɛle la 26:30

Akee bɛdole edwɛne na bɛhɔle Ɔlivi Boka ne azo.

Edwɛkpa ne kɛmɔ Mateyu hɛlɛle la 26:36

Akee Gyisɛse nee ye ɛdoavolɛma ne hɔle ɛleka bie mɔɔ bɛfɛlɛ ye Gɛtesɛmani la, na ɔzele bɛ kɛ, “Bɛdɛnla ɛke na mekɔ meahɔzɛlɛ.”

Edwɛkpa ne kɛmɔ Maake hɛlɛle la 14:26

Akee bɛdole ayɛlɛyelɛ edwɛne na bɛvindele bɛhɔle Ɔlivi Boka ne azo.

Edwɛkpa ne kɛmɔ Maake hɛlɛle la 14:32

Gyisɛse nee ye ɛdoavolɛma ne hɔle ɛleka bie mɔɔ bɛfɛlɛ ye Gɛtesɛmani la, na ɔzele bɛ kɛ, “Bɛdɛnla ɛke na mekazɛlɛ.”

Edwɛkpa ne kɛmɔ Maake hɛlɛle la 14:42

Bɛdwazo bɛmaa yɛhɔ. Bɛnlea, sonla ne mɔɔ ɛye me ɛmaa la ɛne!”

Dw 14:31

noko ɔwɔ kɛ ewiade nwu kɛ mekulo Selɛ ne; yemɔti meyɛ debie biala mɔɔ ɔkɛze me la. “Bɛdwazo bɛmaa yɛhɔ.”

Dw 18:26

Sɛlɛvolɛ Kpanyinli ne akɛlɛ ko mɔɔ ye awie a le nrenya ne mɔɔ Pita pɛle ɔ nzo la zele kɛ, “Na tɛ wɔmɔ a menwunle wɔ kɛ ɛ nee ye wɔ tola ne anu la ɔ?”

Ɛzoanvolɛma Gyima ne 21:11

Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”