Dw 17:22 - BAEBOLO ANZƐƐ BULUKU NWUANZANWUANZA

²² Anyunlunyia ne mɔɔ ɛvale ɛmanle me la meva zɔhane ala bie memaa bɛ, amaa bɛayɛ ko, kɛmɔ ɛdawɔ nee medame yɛle ko la;

Dw 17:22 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 6:7

Ɔvɛlɛle Bulu nee Nwiɔ ne na ɔzoanle bɛ nwiɔ nwiɔ, na ɔmanle bɛ tumi wɔ sunsum ɛtane nwo zo,

Edwɛkpa ne kɛmɔ Luku hɛlɛle la 22:30

Bɛ nee me badɛnla me ɛkponle nwo, bɛali debie na bɛanlo wɔ me Belemgbunlililɛ ne anu, na bɛbadɛnlɛdɛnla arelemgbunli mbia zo bɛabua mbusua bulu nee nwiɔ ne ndɛne.”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:16

Ye ɛlolɛ bebelebe ne ati, yeyila yɛ muala kɔsɔɔti, na ɔyila yɛ dahuu.

Dw 14:20

Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:29

Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

1 Dw 4:17

Nyamenle maa ɛhulolɛ di munli wɔ yɛ nu, amaa yɛahola gyinla wɔ Ndɛnebualɛ Kenle ne, ɔboalekɛ kɛ Kelaese si de la, zɔhane ala yɛɛ yɛdayɛ noko yɛle wɔ ewiade ye anu a.

Yekile 21:14

Suakpole ne bane ne, bɛhyele ye wɔ adiabo awolɛ bulu nee nwiɔ mɔɔ bɛhɛlɛ Boaneralɛ ne ɛzoanvolɛma bulu nee nwiɔ ne aluma wɔ nwolɛ la azo.