Dw 17:21 - BAEBOLO ANZƐƐ BULUKU NWUANZANWUANZA

²¹ Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Dw 17:21 ပူးပေါင်းရင်းမြစ်များ

Gyɛlɛmaya Buluku ne 32:39

Mebamaa bɛ adwenle ayɛ ko, bɛ adenle ayɛ ko, amaa bɛazulo me dahuu wɔ bɛdabɛ mumua ne nee bɛ mra mɔɔ li bɛ nzi la kpalɛyɛlɛ ti.

Zɛfanaya Buluku ne 3:9

“Mekɛ ne anu mebade me menli ne anloa meamaa bɛadendɛ ɛdendɛlɛ kpalɛ mɔɔ anwo te la, amaa bɛ muala bɛadea bɛavɛlɛ medame Ɛdɛnkɛma na bɛabɔ nu bɛazonle me.

Zɛkalaya Buluku ne 14:9

Ɛdɛnkɛma bali azɛlɛ ye kɔsɔɔti azo belemgbunli; mekɛ ne anu awie biala bazonle Ɛdɛnkɛma kɛ yemɔ a ɔle Nyamenle kokye ne a yɛɛ ye duma ko.

Edwɛkpa ne kɛmɔ Maake hɛlɛle la 3:24

Saa maanle ko anu amra kyɛ bɛ nwo nu na bɛko bɛtia bɛ nwo a, maanle ne ɛngyinla,

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 10:30

Selɛ ne nee medame yɛle ko.”

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 11:42

Meze kɛ dahuu ɛtie me edwɛkɛ, na melɛka ɛhye wɔ menli mɔɔ kɛkala wɔ ɛke la ati, amaa bɛalie bɛali kɛ ɛdawɔ a ɛzoanle me a.”

Dw 13:32

Na saa bɛdua me nwo zo bɛye Nyamenle anyunlunyia ne bɛkile a, Nyamenle ɔdaye ɔbaye medame Sonla Ra ne noko, me anyunlunyia ne yeahile, na ɔbayɛ ɛhye ndɛndɛ ne ala.

Dw 13:35

Saa bɛkulo bɛ nwo ngoko ngoko a yɛɛ awie biala kɛnwu kɛ bɛle me ɛdoavolɛma a.”

Dw 17:11

Kɛkala melɛba ɛ nwo lɔ; menle ewiade ye anu bieko, na bɛmɛ bɛwɔ ewiade ye anu. Selɛ Nwuanzanwuanza, wɔ duma ne mɔɔ ɛvale ɛmanle me la tumi nu ti, fa bɛ sie gyɛlɛɛnye, amaa bɛayɛ ko kɛ ɛdawɔ nee medame yɛle la.

Dw 17:18

Mezoa bɛ wɔ ewiade ye anu, kɛmɔ ɛzoanle me wɔ ewiade ye anu la;

Dw 17:20

“Menzɛlɛ memmaa bɛ ngome. Mesɛlɛ meamaa bɛdabɛ noko mɔɔ wɔ edwɛkɛ ne ati bɛdie me bɛdi la.

Dw 17:25

Pɛlepɛlelilɛ Egya! Ɛtane ewiade ye ɛnze wɔ, na mame meze wɔ, yɛɛ ɛhye mɔ ze kɛ ɛdawɔ a ɛzoanle me a.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dw 3:17

Ɔluakɛ Nyamenle anzoa Ɔ Ra ne wɔ ewiade ye kɛ ɔrabua menli mɔɔ wɔ nu la ndɛne, na ɔralie ewiade amra ngoane.

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

Wulo 12:5

zɔhane ala yɛɛ saa yɛzonle bɔbɔ a yɛ muala yɛbɔ nu a yɛle sonlabaka ko wɔ Kelaese anu, na yɛsosɔ yɛ nwo ngoko kɛ sonlabaka nvɛyeba ne mɔ sosɔ bɛ nwo la a.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 12:12

Kɛmɔ sonlabaka ne le ko na ye nvɛyeba ne mɔ zonle, na biala le ngakyile la, zɔhane ala yɛɛ Kelaese de a.

1 Kɔl 6:17

Mɔɔ fa ɔ nwo beta Awulae la nee ye yɛ ko wɔ Sunsum nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 5:7

Alasevolɛ nsa a wɔ ɛkɛ a: