Dw 17:11 - BAEBOLO ANZƐƐ BULUKU NWUANZANWUANZA

¹¹ Kɛkala melɛba ɛ nwo lɔ; menle ewiade ye anu bieko, na bɛmɛ bɛwɔ ewiade ye anu. Selɛ Nwuanzanwuanza, wɔ duma ne mɔɔ ɛvale ɛmanle me la tumi nu ti, fa bɛ sie gyɛlɛɛnye, amaa bɛayɛ ko kɛ ɛdawɔ nee medame yɛle la.

Dw 17:11 ပူးပေါင်းရင်းမြစ်များ

Edwɛndolɛ Buluku ne 79:9

O yɛ ngoanelielɛ Nyamenle, boa yɛ, wɔ wɔ duma ne anyunlunyia ti; fa yɛ ɛtane ne mɔ kyɛ yɛ na die yɛ, wɔ wɔ duma ne ati.

Mrɛlɛbulɛ Buluku ne 18:10

Ɛdɛnkɛma duma ne le aranemgbole; sonla mɔɔ le tenlene la nriandi kɔfea nu a, ɔ nwo kɔlɔnwo.

Ayezaya Buluku ne 27:3

Medame Ɛdɛnkɛma a menea zolɛ a. Mekɛ biala megugua nzule zolɛ. Amaa awie anzɛkye ye la, mesinza ye nɔɔzo nee ewiazo.

Ayezaya Buluku ne 64:2

Bɛnwu ɛ nyunlu a bɛle kɛ senle la ɛyɛne nu ɛlɛsɔ na ɔmaa nzule mɔɔ gyi zo la wu la. Ɛhye da wɔ duma ne ali kile wɔ kpɔvolɛma, yɛɛ maanle maanle ne mɔ nwu wɔ a bɛ nwo wozo bɛ.

Gyɛlɛmaya Buluku ne 14:21

Ɔlua wɔ duma ne ati, mmakpo yɛ; mmasɛkye wɔ anyunlunyia belemgbunli ebia ne duma; kakye yɛ na mmatulu wɔ ngyekyeleɛ ne mɔɔ ɛ nee yɛ kyekyele la.

Gyɛlɛmaya Buluku ne 14:7

Akee me menli ne bazu avɛlɛ me kɛ, ‘Yɛ ɛtane ne mɔ ɛbu ɛzia yɛ bɔbɔ ɛdeɛ, O Ɛdɛnkɛma, keha ɛ nwo wɔ wɔ duma ne ati. Yɛhakyi yɛ nzi yɛzi wɔ fane dɔɔnwo, yɛyɛ ɛtane yɛtia wɔ.

Yizikeɛle Buluku ne 20:22

Noko mendwenlenle nwolɛ bieko wɔ me duma ne ati, amaa me duma anzɛkye maanle maanle mɔɔ me nee bɛ ɛra bɛ avinli la anyunlu.

Yizikeɛle Buluku ne 20:44

O Yizilayɛma, me nee bɛ ɛnrɛli kɛmɔ bɛ ninyɛndane anzɛɛ bɛ munzule ɛbɛla ne mɔ si de la, amaa bɛanwu kɛ medame a mele Ɛdɛnkɛma a. Medame, Awulae Nyamenle ne a mese a.”

Yizikeɛle Buluku ne 20:9

Noko amaa meanzɛkye me duma wɔ maanle maanle ne mɔ mɔɔ bɛde bɛ avinli la anyunlu la, mengilele bɛ kɛ mesi mede la na menyele bɛ menvile Yigyibiti.

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Edwɛkpa ne kɛmɔ Mateyu hɛlɛle la 6:9

Zɔhane ati, bɛmɛ, bɛyɛ nzɛlɛlɛ a bɛyɛ ye zɛhae: ‘Yɛ Ze mɔɔ wɔ anwuma: Wɔ duma nwo ɛde;

Dw 13:1

Gyisɛse nwunle kɛ akee mekɛ ɛdwu mɔɔ ɔwɔ kɛ ɔfi ewiade ɛhye anu na ɔkɔ Selɛ ne anwo lɔ a. Mekɛ ne anu ɛnee aleɛ kye a bɛkɛli Akpabɛnwo Ɛvoyia ne. Yehulo bɛdabɛ mɔɔ bɛle ye ɛdeɛ wɔ ewiade ye anu la dahuu, yɛɛ yehulo bɛ yehɔ awieleɛ.

Dw 13:3

Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 14:20

Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.

Dw 16:28

Mevi Selɛ ne anwo lɔ a membale ewiade a; yɛɛ kɛkala melɛfi ewiade meahɔ Selɛ ne anwo lɔ.”

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Dw 17:25

Pɛlepɛlelilɛ Egya! Ɛtane ewiade ye ɛnze wɔ, na mame meze wɔ, yɛɛ ɛhye mɔ ze kɛ ɛdawɔ a ɛzoanle me a.

Dw 17:6

“Mela wɔ ali mehile menli mɔɔ ɛvale bɛ ɛvile ɛtane ewiade ye anu ɛmanle me la. Ɛnee bɛle wɔ ɛdeɛ, yɛɛ ɛvale bɛ ɛmanle me a. Bɛli wɔ edwɛkɛ ne azo,

Dw 7:33

Gyisɛse zele bɛ kɛ, “Me nee bɛ badɛnla mekɛ ekyi bie ala na akee meahɔ mɔɔ zoanle me la anwo lɔ.

Ɛzoanvolɛma Gyima ne 3:21

Ɔwɔ kɛ ɔtɛnla anwuma lɔ kɔkpula kɛ bɛkɛyɛ ninyɛne kɔsɔɔti fofolɛ, kɛmɔ Nyamenle ɛlua ye kpɔmanvolɛma nwuanzanwuanza ne mɔ anwo zo ɛha ye dɛba la.

Wulo 12:5

zɔhane ala yɛɛ saa yɛzonle bɔbɔ a yɛ muala yɛbɔ nu a yɛle sonlabaka ko wɔ Kelaese anu, na yɛsosɔ yɛ nwo ngoko kɛ sonlabaka nvɛyeba ne mɔ sosɔ bɛ nwo la a.

Wulo 9:17

Ɔluakɛ Nyamenle Edwɛkɛ ne zele Yigyibiti belemgbunli kɛ, “Menyɛle wɔ belemgbunli kɛ mefa wɔ meahile me tumi mɔɔ melɛ ye, na meamaa me duma adɛlɛ azɛlɛ ye azo amuala.”

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:4

Asɔne ko yɛɛ Sunsum ko a wɔ ɛkɛ a, yɛɛ anyelazo ko anu a Nyamenle ɛvɛlɛ bɛ a;

Pɔɔlo Kɛlata mɔɔ ɔhɛlɛle ɔhɔmanle Felepaema la 2:9

Ɔlua zo Nyamenle ɛkpogya ye zo na yemaa ye duma fofolɛ mɔɔ tɛla aluma muala.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 19:12

Ɔ nye ma le kɛ senle tafinlima, na ɔbɔ abɔtile dɔɔnwo. Bɛhɛlɛ duma bie wɔ ɔ nwo, na awie biala ɛnze duma holɛ ko ne kɛ ɔdaye ɔ ngomekye ala.

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”