Dw 16:7 - BAEBOLO ANZƐƐ BULUKU NWUANZANWUANZA

⁷ Na meka nɔhalɛ ne meahile bɛ: Ɔle kpalɛ ɔmaa bɛ kɛ melɛkɔ a, ɔboalekɛ saa meangɔ a Boavolɛ ne ɛnrɛra bɛ nwo. Na saa mekɔ a, mebazoa ye wɔ bɛ nwo.

Dw 16:7 ပူးပေါင်းရင်းမြစ်များ

Edwɛndolɛ Buluku ne 68:18

Ɛvole boka tendenle ne, ɛzanle menli mɔɔ ɛhyele bɛ la nyɛma zo ɛlile ɛ nzi. ɛliele ahyɛlɛ ninyɛne ɛvile menli ɛkɛ, atuadelɛma bɔbɔ hyɛle wɔ bie, amaa Ɛdɛnkɛma Nyamenle ne adɛnla ɛkɛ ne.

Edwɛkpa ne kɛmɔ Luku hɛlɛle la 24:49

Medame mumua ne mebazoa deɛ mɔɔ Egya vale bɔle ɛwɔkɛ la wɔ bɛ nwo. Bɛdɛnla suakpole ɛhye azo ɛke kɔkpula kɛ tumi vi anwuma kɛra bɛ nwo zo la.”

Edwɛkpa ne kɛmɔ Luku hɛlɛle la 4:25

“Bɛdie mɔɔ meka la. Ɔle nɔhalɛ kɛ Yilaegya mekɛ zo, ezule andɔ toonwo ɛvolɛ nsa siane nsia, na sane kpole zile maanle ne kpokpoti anu.

Edwɛkpa ne kɛmɔ Luku hɛlɛle la 9:27

Bɛhakye ɛhye! Bie mɔ wɔ ɛke mɔɔ bɛnrɛwu kɔkpula kɛ bɛkɛnwu kɛ Nyamenle belemgbunlililɛ ne ɛra la.”

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 14:28

Bɛdele kɛ meha kɛ, ‘Melɛkɔ na mebara bieko.’ Saa bɛhulole me a, anrɛɛ bɛ nye ɛlie kɛ melɛkɔ Selɛ ne anwo lɔ a, ɔboalekɛ yemɔ, ɔle kpole ɔtɛla me.

Dw 14:3

Saa mekɔ na mesiezie ɛleka memaa bɛ a, mebara bieko na mearava bɛ meahɔ me nwo lɔ, amaa bɛadɛnla ɛleka mɔɔ mewɔ la.

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 16:8

Na ɔba a, ɔbahile yeamaa ewiade amra anwu kɛ bɛvo kpole wɔ bɛ adwenle mɔɔ bɛlɛ ye wɔ ɛtane nwo nee mɔɔ bɛlɛ ye wɔ kpalɛ nwo, nee Nyamenle ndɛnebualɛ ne anwo la anwo.

Dw 7:39

Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Ɛzoanvolɛma Gyima ne 10:34

Na Pita zele bɛ kɛ, “Nɔhalɛ, menwu ye wienyi kɛ Nyamenle bu menli kɔsɔɔti kɛ bɛsɛ.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.