Dw 16:2 - BAEBOLO ANZƐƐ BULUKU NWUANZANWUANZA

² Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Dw 16:2 ပူးပေါင်းရင်းမြစ်များ

Ayezaya Buluku ne 65:5

Bɛka bɛkile bɛ gɔnwo mɔ kɛ, ‘Bɛhwe bɛ nwo, bɛmmabikye yɛ, ɔluakɛ bɛdu yɛ bɛmaa; ɔnle kɛ bɛ nwo ka yɛ.’ Ɛhye mɔ le kɛ esike wɔ me bonyi nu; bɛle kɛ senle mɔɔ sɔ alehyenlɛ biala la.

Ayezaya Buluku ne 66:5

Bɛmɛ mɔɔ bɛsulo Ɛdɛnkɛma na bɛdi ye edwɛkɛ zo la, bɛdie mɔɔ ɔlɛka la. Ɔse, “Bɛ mediema ne mɔ mɔɔ kyi bɛ, na medame ti bɛmbu bɛ bie la ɛha kɛ, ‘Bɛmaa Ɛdɛnkɛma ɛhile ye anyunlunyia ne na ɔlie bɛ, amaa yɛanwu bɛ anyelielɛ ne.’ Na bɛmɛ bɔbɔ yɛɛ bɛ nyunlu bagua aze a.

Daneɛle Buluku ne 11:33

Bɛdabɛ mɔɔ bɛze nrɛlɛbɛ mɔɔ bɛwɔ Nyamenle menli ne anu la bayɛ toonwo bɛamaa menli dɔɔnwo anyia ndelebɛbo, noko bie mɔ badɔ dadeɛ nloa, bɛbayela bie mɔ, bɛbahye bie mɔ nuokɛ, bɛawua bie mɔ anwo ninyɛne mekɛ dɔɔnwo anu.

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Edwɛkpa ne kɛmɔ Mateyu hɛlɛle la 24:9

“Akee bɛbahye bɛ na bɛahɔye bɛ bɛamaa bɛadea bɛ na bɛahu bɛ. Aleɛabo amra amuala bakpɔ bɛ wɔ me ti.

Edwɛkpa ne kɛmɔ Luku hɛlɛle la 6:22

“Nyilalɛ ɛha bɛ, wɔ mekɛ mɔɔ menli kɛkpo bɛ, kɛyɛ bɛ aholoba, na bɛkɛze bɛ kɛ bɛle musuofoɔ, wɔ mame Sonla Ra me ti la!

Dw 12:42

Noko bɔbɔ, Dwuu mgbanyima ne mɔ anu dɔɔnwo liele Gyisɛse lile; na Falasiima ati bɛangola nwolɛ edwɛkɛ ka bagua nu anrɛɛ bɛkɛye bɛ ali bɛkɛvi nyianu sua ne anu.

Dw 16:25

“Mebubu ɛhye mɔ mrɛlɛ nu mehile bɛ. Na mekɛ bara mɔɔ menrɛbu bɛ mrɛlɛ nu bieko a, mebaha Selɛ ne anwo edwɛkɛ wienyi meahile bɛ.

Dw 16:32

Mekɛ ɛlɛba, na yedwu bɔbɔ, bɛbabɔ bɛ kɔsɔɔti asande, na awie biala ahɔ ɔdaye ye sua nu, na yeaha me ngomekye. Noko ɔnrɛha me ngome, ɔboalekɛ Selɛ ne nee me lua.

Dw 4:21

Gyisɛse zele ye kɛ, “Ɔmɔ, die me di, mekɛ bara mɔɔ menli ɛnrɛzonle Selɛ ne wɔ boka ye azo anzɛɛ wɔ Gyɛlusalɛm a.

Dw 4:23

Na mekɛ ne ɛlɛba, yɛɛ yedwu bɔbɔ, mɔɔ ɛzonlenlɛma kpalɛ ne bazonle Selɛ ne wɔ sunsum nu nee nɔhalɛ nu a. Ɔluakɛ kɛ Selɛ ne kpondɛ kɛ bɛsonle ye la ɛne.

Dw 9:22

Ye awovolɛ ne hanle ɛhye, ɔluakɛ bɛsulo Dwuu mgbanyima ne mɔ. Dwuu mgbanyima ne mɔ ɛbɔ kpɔkɛ kɛ awie biala mɔɔ kɛha kɛ Gyisɛse le Mɛzaya la, bɛkɛye ye bɛkɛvi nyianu sua ne anu.

Dw 9:34

Bɛbuale ye kɛ, “Ɛdawɔ mɔɔ bɛwole wɔ na bɛtetele wɔ wɔ ɛtane nu la, ɛkulo kɛ ɛkilehile yɛmɛ ɔ?” Na bɛvoanle ye bɛvile nyianu sua ne anu.

Ɛzoanvolɛma Gyima ne 5:33

Ɛhye yelale ayiama ne kpole manle bɛyɛle kɛ bɛku ɛzoanvolɛma ne.

Ɛzoanvolɛma Gyima ne 7:56

Na ɔzele bɛ kɛ, “Bɛnlea, menwu kɛ anwuma ɛbuke, na menwu kɛ Sonla Ra ne gyi Nyamenle asa fema zo.”

1 Kɔl 4:13

Bɛyɛ yɛ aholoba a, yɛtendɛ kpalɛ yɛkile bɛ. Yɛyɛ ewula wɔ ewiade ye anu; ɛnɛ nee ɛnɛ ala yɛle ewiade amra fovolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:6

Mɔdenlebɔlɛ nu a menyɛle diedima ne kpɔdekpɔde, yɛɛ saa ɔhale kɛ sonla di mɛla ne azo na yeazɔ Nyamenle anye a, anrɛɛ menli fɔlɛ hweledede.

Yekile 6:9

Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.

Maanlebuvolɛma Buluku ne 6:30

Ezuavolɛ ne zele Dwowahye kɛ, “Fa ɛ ra nrenya ne finde maa yɛhu ye, ɔluakɛ yebubu Beeyale azukponle ne na eza yepɛ Ahyela baka ne mɔɔ gyi nwolɛ la.”