Dw 15:7 - BAEBOLO ANZƐƐ BULUKU NWUANZANWUANZA

⁷ Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Dw 15:7 ပူးပေါင်းရင်းမြစ်များ

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Dwobu Buluku ne 22:26

ɛbanyia anyelielɛ wɔ Tumivolɛ ne anu, na wɔakpogya ɛ nye zo wɔanlea Nyamenle.

Dwobu Buluku ne 23:12

Metɛtule ɔ nloa edwɛkɛ metɛtole; ɔ nloa edwɛkɛ sonle bolɛ maa me.

Edwɛndolɛ Buluku ne 119:11

Meva wɔ edwɛkɛ ne mezie me ahonle nu, amaa meanyɛ ɛtane meantia wɔ.

Edwɛndolɛ Buluku ne 37:4

Maa ɛ nye ɛlie Ɛdɛnkɛma anwo, na ɔbamaa wɔanyia mɔɔ ɛkpondɛ la.

Mrɛlɛbulɛ Buluku ne 10:24

Mɔɔ amumuyɛnli sulo ye la bara ɔ nwo zo, na sonlakpalɛ biala nyia debie mɔɔ ɔkpondɛ la.

Mrɛlɛbulɛ Buluku ne 4:4

egya hilehilele me, na ɔzele me kɛ, “Sɔ me nloa edwɛkɛ nu boɛ kpalɛ, di me mɛla zo na wɔanyia ngoane.

Ayezaya Buluku ne 58:8

“Saa bɛyɛ ɛhye a bɛ wienyi ne bada kɛ nwonlomɔ ewia, na bɛ nwo aza ndɛndɛ; bɛ tenleneyɛlɛ ne bala ali, na medame Ɛdɛnkɛma me anyunlunyia ne azinza bɛ.

Gyɛlɛmaya Buluku ne 15:16

O Ɛdɛnkɛma, Tumivolɛ Nyamenle, ɛdendɛle ɛhilele me, na mendiele. Wɔ edwɛkɛ ne manle me nye liele na menlile fɛlɛko; ɔlua zolɛ bɛfa wɔ duma a bɛfɛlɛ me a.

Edwɛkpa ne kɛmɔ Mateyu hɛlɛle la 7:7

“Bɛbiza na bɛ sa kɛha ye; bɛkpondɛ na bɛkɛnwu ye; bɛbɔ nu na bɛkɛbuke bɛ.

Dw 14:13

yɛɛ mɔɔ bɛkɛbiza ye biala wɔ me duma nu la, mebayɛ, amaa bɛalua Ralɛ ne anwo zo bɛaye Selɛ ne anyunlunyia bɛahile.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 16:23

“Saa mekɛ zɔhane dwu a, bɛnrɛbiza me bɛnrɛlie debie biala. Meka nɔhalɛ ne meahile bɛ: Debie biala mɔɔ bɛkɛbiza Selɛ ne wɔ me duma nu la, ɔkɛva ɔkɛmaa bɛ.

Dw 8:31

Yemɔti Gyisɛse zele Dwuuma mɔɔ liele ye lile la kɛ, “Saa bɛkɔ zolɛ bɛdi me ngilehilelɛ zo a, ɛnee bɛle me ɛdoavolɛma amgba;

Dw 8:37

Meze kɛ bɛle Ebileham abo zo amra. Noko kɛmɔ bɛnlie me ngilehilelɛ ne bɛndo nu la ati, bɛkpondɛ kɛ bɛku me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:2

Ye ngakula nu, ɔlɛ sonla mɔɔ nea ye nee ye ninyɛne ne mɔ azo a, kɔkpula mekɛ mɔɔ ɔ ze ne mɔɔ ɔlile ye agya la hilele la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:16

Mɔɔ meka meahile bɛ la a le kɛ, bɛmaa Nyamenle Sunsum ne ɛhilehile bɛ adenle na bɛmmadi bɛ nwonane ne atiakunluwɔzo nzi.

Mɛla 6:6

Bɛmaa mɛla ɛhye mɔɔ melɛfa meamaa bɛ la ɛdɛnla bɛ ahonle nu,

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Dw 2:14

Egya mɔ, melɛkɛlɛ bɛ, ɔboalekɛ bɛze sonla ne mɔɔ mɔlebɛbo ne ɛnee ɔwɔ ɛkɛ ne la. Mgbavolɛ, melɛkɛlɛ bɛ, ɔboalekɛ bɛlɛ anwosesebɛ, yɛɛ Nyamenle Edwɛkɛ ne de bɛ nu, na bɛli Abɔnsam anwo zo konim.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

1 Dw 3:22

Debie biala mɔɔ yɛkɛbiza ye la, yɛ sa ka ye, ɔluakɛ yɛdi ye mɛla ne mɔ azo na yɛyɛ mɔɔ sɔ ɔ nye la.

1 Dw 5:14

Yɛsi pi wɔ Nyamenle anu, yɛɛ yɛdie yɛdi kɛ saa yɛdua ye ɛhulolɛ zo yɛbiza ye debie biala a ɔtie yɛ.