Dw 15:5 - BAEBOLO ANZƐƐ BULUKU NWUANZANWUANZA

⁵ “Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Dw 15:5 ပူးပေါင်းရင်းမြစ်များ

Mrɛlɛbulɛ Buluku ne 11:30

Ma mɔɔ tenlenenli so la le ngoane, na sonla mɔɔ to nzaka la kuhu menli.

Hozia Buluku ne 4:8

Bɛdidi me menli ne ɛtane nwo, bɛyɛ adidikpoku wɔ me menli ne ɛtaneyɛlɛ nwo.

Edwɛkpa ne kɛmɔ Mateyu hɛlɛle la 13:21

Noko edwɛkɛ ne ɛnzɔ ndinli wɔ bɛ nu la ati, ɔngyinla ɔngyɛ. Saa ɔlua edwɛkɛ ne ati bɛyɛ bɛ kpɔdekpɔde anzɛɛ bɛnwu amaneɛ a, ɛnee ɛkɛ ne ala bɛkpo aze.

Dw 12:24

Meka nɔhalɛ ne meahile bɛ: Abɛlɛ ma ko anwo ɛnrɛzo dɔɔnwo kyesɛ bɛdua na ɔkpɔlɔ. Saa ɔkpɔlɔ a, ɔfifi na ɔso ma dɔɔnwo.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 5:19

Yemɔti Gyisɛse zele bɛ kɛ, “Meka nɔhalɛ ne meahile bɛ: Ralɛ ne angome ɛnli ɔ ti anwo ɛnyɛ debie biala; ɔyɛ mɔɔ ɔkɛnwu kɛ Selɛ ne ɛlɛyɛ la ala angome. Mɔɔ Selɛ ne yɛ la, yɛɛ Ralɛ ne ɔdaye ɔyɛ a.

Dw 9:33

Saa nrenya ɛhye ɛnvi Nyamenle ɛkɛ ne a, anrɛɛ ɔnrɛhola ɔnrɛli gyima mɔɔ le zɛhae la ɛlɛ.”

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Wulo 12:5

zɔhane ala yɛɛ saa yɛzonle bɔbɔ a yɛ muala yɛbɔ nu a yɛle sonlabaka ko wɔ Kelaese anu, na yɛsosɔ yɛ nwo ngoko kɛ sonlabaka nvɛyeba ne mɔ sosɔ bɛ nwo la a.

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Wulo 7:4

Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle.

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

1 Kɔl 12:12

Kɛmɔ sonlabaka ne le ko na ye nvɛyeba ne mɔ zonle, na biala le ngakyile la, zɔhane ala yɛɛ Kelaese de a.

1 Kɔl 12:27

Kelaese sonlabaka ne a le bɛ muala, yɛɛ bɛ nuhua ko biala le ye nvɛyeba ne mɔ bie.

2 Kɔl 13:8

Yɛngola yɛnyɛ debie biala yɛntia nɔhalɛ ne. Mɔɔ yɛkola ye yɛ la, yɛyɛ yɛboa nɔhalɛ ne.

2 Kɔl 9:10

Nyamenle mɔɔ maa ɛyazonlɛnli ma maa ɔdua na ɔmaa ye aleɛ ɔdi la, kɛmaa bɛ ɛbɛlabɔlɛ nu ma mɔɔ bɛhyia nwolɛ la dɔɔnwo bɛkɛlua, na bɛ atiakunlukɛnlɛmayɛlɛ bɛyɔba ne azo dɔɔnwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:9

Ɔluakɛ wienyi nu yɛɛ kpalɛyɛlɛ, pɛlepɛlelilɛ nee nɔhalɛlilɛ dɔɔnwo vi ba a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:17

Tɛ kɛ asɛɛ mekpondɛ nwanle la ati ɔ, na mekpondɛ kɛ mɔɔ bɛyɛ la anwo ba nvasoɛ dɔɔnwo.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Pit 2:4

Bɛrɛla Awulae ɛkɛ. Yemɔ a ɔle Tease Bolɛ ne mɔɔ ewiade amra kpole ye kɛ ɔle debie mgbane na Nyamenle noko ɛkpa nu ɛye ye kɛ ɔle bolɛ mɔɔ anwo hyia la a.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.